Mathai 26:39 - Matu Chin New Testament 2006

³⁹ Jesuh lawng ahimi oen athla betna huen la cet, dilai ah buekuep tih “A Pa, acoengg thai atah he kah patang khangna boengloeng he van khoe mai hawn! Tede kai kah kawngaih angla awm boel selang nang kah kawngaih angla awm hawn seh,” tila thangthui.

Matu Bible

³⁹ Te phoeiah hawt lamhma phai tih a maelhmai neh bakop thuk. Te phoeiah thangthui tih, “A Pa a coeng thai atah hekah boengloeng he kai taeng lamkah loh khoe mai. Tedae kai ngaih banglam pawt tih namah ngaih bangla om saeh,” a ti.

Mathai 26:39 Iomraidhean Croise

Mathai 20:22

Jesuh lawng, “Na van bih he na ming hih nawh! Kai lawng ka awkk ham koei patang khangna boengloeng he na awkk thai hih ai aw? tila te rawi boeinau te a doet. A hih rawi lawng, “ka awkk thai hih ai,” a tina.

Mathai 24:24

Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Mathai 26:42

Jesuh tah cet koep tih “A Pa, he kah patang khangna boengloeng he awkk ohla khoe thai koeila a awm nawh atah, na kawngaih angla awm hawn seh,” tila thangthui.

Marku 13:22

Metihtiah Messiah rawlrap thli oen tawngha rawlrap thli va thoeng ai. Ahimi lawngah a coengg thai atah Pathen thlaangtuek thli Pateng khaw thailatna ham kawpoekrai miknoekna oen kawpoek rai thaihu broela a sai ai.

Luka 17:16

Jesuh kah a khowkungah dilai dawng buekuep tih Jesuh tengah uemna awl a thui. Te thlaang te tah Samaria thlaang ni.

Johan 11:41

Ahimi lawng lungpeel te a khue u. Jesuh te vaan la maang hang tih, “A Pa, ka awl na hutung tih ka awmngaih tangkiik.

Johan 14:31

tede kai lawng a Pa ka lungna tih ahih kah awl peek angla soeprep boeih ka sai te dilai lawng a ming ham awm. “Law uh, cawh, he huen kalawng cet u poen sih.” a tina.

Johan 18:11

Jesuh lawng Piter nala, “Na samsen te tiingim khuiah sang koep! A Pa kah peek patang khangna boengloeng he kai lawngah aw manawh tila na poek aw? a tina.

Johan 5:19

Tedawngah Jesuh lawng ahimi te, “Awltak kavan thui u; Capa lawngah amah ngaih ah thaihu khat khaw sai thai nawh; ana Pa lawng a sai thaihu a huh te ni a sai. Ana Pa lawng a sai te Capa lawngkhaw a sai van.

Johan 5:30

“Kai lawngah kamah rang oen thaihu khat khaw ka sai nawh; Pathen lawng avan thui angla ni awl ka cek, tedawngah kai kah awlcekna tah doeng, metihtiah kai lawng kamah ngaih te sai ham ka yawm nawh, tede kai aka tuihkung kah kawngaih te ni ka sai.

Johan 6:38

Metihtiah kamah kawngaih sai hamla vaan kah ka law nawh tih kai aka tuihkung kah kawngaih te sai ham ni ka law.

Caeltueih 10:25

Piter te a law phai vengah Kornilias lawng a do tih a khowkung ah a buekuep pe.

Philipi 2:8

Ahih tah boe-ngaai tih duek toela awlngaaina lawngpui te a vai tih thinglam dawngah te duek.

Hebrew 5:7

Jesuh lawng dilai dawng a hing veng-ah duekna kalawng amah aka thlawn-thaikung Pathen tengah rung-arap tih mikphi haapcang ruila thangthuina oen a bih. Ahih tah boe a ngaai tih pum a peek dawngah a thangthuina te Pathen lawng a yaak.

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.