Mathai 26:28 - Matu Chin New Testament 2006

²⁸ “He tah ka thi ni. Pathen kah awlkhueh thaai acakna oen thlaang boeih kah thawlh khawdawp ngaaina hamla ka hok ka thisen ni.

Matu Bible

²⁸ He tah kamah kah paipi thii ni. A yet kah tholh khodawkngainah ham ni a long.

Mathai 26:28 Iomraidhean Croise

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Mathai 26:27

Tecoengah boengloeng te a lawh tih Pathen teng awmngaih ciil a thui coengah a hubang hue te a peek. “Nangmi boeih lawng aw uh,” a tina.

Mathai 26:29

Atak tang kavan thui u: A Pa Ram ah nangmi oen haih misurtui a thaai awkk ham khawhin a pha thlantoe tahe kalawng misurtui he ka aw koep tlaih manawh,” a tina.

Mathai 6:12

Thlaangtloe lawng kaimi sawah a saithawlh te khawdawp ka ngaai u angla, Kaimi kah saithawlh he khawdawp van ngaai lah.

Marku 1:4

Tedawngah Johan tah ramhum huhang ah va law, baptisma a peek tih phung a thui. Thlaangping thli te, “Na thawlhna yut u langtah baptisma dang uh. Te dengah ni Pathen lawng na thawlhna sawah khawdawp avan ngai u ai.” a tina.

Marku 14:24

Jesuh lawng, “He tah thlaang yahawh hamla ka hok ka thi ni, Pathen awlkam acakna ka thi ni.

Luka 22:19

Tecoengah takawi te a lawh tih Pathen tengah awmngaih awl a thui coeng atah takawi te a eh tih ahimi te a peek, “He tah ka pum ni, nangmi ham kan peek te ni. Nangmi lawng kai he nan poek khuepna ham he tila sai uh.” a tina.

Luka 22:20

Tetih toengtoeng la thlembuh caak coengah boengloeng te ahimi a peek tih, “He kah boengloeng he tah nangmi ham ka hok ka thi oen ah ka cak sak Pathen kah awlkam thaai ni.

Rom 5:15

Tede thlaang pahih te vai ahih nawh; metihtiah Pathen kah ayoe peek kutdo tah Adam kah thawlhna oen lo u nawh, te thlaang pakhat kah thawlhna dawng maiah thlaang yahawh duek ti he tah soeng ta-ngak. Tede Pathen kah lungvatna tah, te thlaang kah athe-arana lak ah apueh ngaaila bo tih tetih van toengtoengla thlaang pakhat Jesuh Khrih lungvatna rang oen thlaang yahawh ham aka thoeng Pathen kutdo tah bo tare ai.

Rom 5:19

Thlaang pakhat kah awlngaaina nawh lawng thlaang boeih te thlaangthawlh la a coeng sak, tetih van angla thlaang pakhat kah awlngaaina rang oen thlaang boeih te Pathen lawng thlaangdoeng la a khueh ai.

1Korin 11:25

Te tih van angla thlembuh a caak u coeng khoeng ah boengloeng te a lawh tih, “He boengloeng he tah ka thisen oen ka cak sak Pathen kah awlkam paipi athaai ni. Nangmi lawng na awkk u veng roekk ah kai he nan ming poena ham sai uh.” tila a thui.

Ephesa 1:7

Metihtiah Khrih kah duekna rang oen mami n'loeih u, te tah mami kah thawlhna boeih khawdawp a ngaai poen tina ni. Pathen lungvatna tah metihtlukla a bo,

Kolosa 1:14

a Capa rang oen mami tah n'loeih u tih mami thawlhna boeih te khawdawp avan ngaai poen.

Kolosa 1:20

Tecoengah Pathen lawng a Capa rang oen khawhipuempa boeih he amah tengla doek koep hamla a ngaih. Pathen lawng a Capa thinglam dawngah a duekna rang oen roeproeina a sai tih vaan oen dilai ah aka awm thaihu boeih te amah tengah a doek koep.

Hebrew 10:29

Te pateng khaw te tila a awm atah Pathen Capa tula aka sak nawh tih ahih te thawlhna kalawng aka ciim sak Pathen kah lungvatna khuehkung Muithla te athe akhana atah te thlaang te metila a sai ai? Ahih lawng a yawkk ham koei dantatna tah metihtlukla athe-eep ai tite poek u hawn!

Hebrew 13:20

Tuudoen Bo la aka awm mami kah Bawipa Jesuh lawngah amah kah thawthueng duekna rang oen dungyan la awlkamna te a cak sak poen dawngah Pathen lawng ahih te duekna kalawng a thawh sak poen.

Hebrew 9:28

Tetih toengtoeng la thlaang yahawh kah thawlhna aciingna ham Khrih lawngkhaw vaikhat tah luciik la nawn u. Ahih tah apabela law koep ai, te ngoen tah thawlhna ciing sak ham tlaih nawh tih amah aka lamtoen hue te thlawn ham poen ni.

1Johan 2:2

Metihtiah, Khrih amah roe he mami kah thawlh khawdawp ngaaina Luciik la awm tih mami kah thawlhna bueng nawh tih thlaang boeih kah thawlhna te khawdawp a ngaai.

Olphong 7:14

Kai lawng, “Ka ming nawh, Bawipa, Nang lawng ni na ming,” ka tina. Ahih lawngah, “He kah thlaang hue he tah mueirihtamyiin heemtekna kalawng aka loeih thli ni, Ahimi lawng Tuuca thisen oen a himbai te a suk u tih aciim sak u poen.

Olphong 7:9

Tecoeng atah ka bueh vengah a-u lawngkhaw a toek lek nawh thlaangping te ka huh. Ahimi tah awlcawm awlcee aka thui nam tawm oen phun soeprep peng tawm ram tawm kah aka law boeih tih Ahimi lawng himbai bawk bai oen samtoe a pawm u tih bawingawlhcoen oen Tuuca haiah pai u.