Mathai 24:24 - Matu Chin New Testament 2006

²⁴ Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Matu Bible

²⁴ Laithae khrih neh laithae tonghma rhoek tah thoo uh ni. Coengthai koinih a coelh rhoek pataeng rhaithi ham miknoek a len neh khobae rhambae te a khueh uh ni.

Mathai 24:24 Iomraidhean Croise

Mathai 22:14

Tecoengah Jesuh lawng, “A thlaangceel tah yahawh de a tuek thlaang tah yawlca,” tila hukhueng koek ah a thut.

Mathai 24:11

Tecoengah tawngha rawlrap thli yahawh hlang pho vetih thlaang thli te a thai alatna u ai.

Mathai 24:22

Tede Pathen lawng te kah atue te a toi sak poen; te tila atue toi sak nawh kawinih a-u khaw deem manawh. Tede Pathen lawng a thlaang tuek hue hamla atue a toi sak ai.

Mathai 24:25

Hutung u lah! Atue atang a pha thlan ah kavan thui oepsoeh u poen he.

Mathai 24:31

Pengsara angaihhlangla a tum vetih dilai a kil palii ah vanthlaang thli te a tuih ai, dilai a boetna kalawng khatben toe kah a thlaangtuek thli te ahimi lawng a cawi ai.

Mathai 24:5

Thlaang yahawh lawng ka miing oen law u vetih ‘Kai he Messiah ni,’ ti ai, thlaangping yahawh hlang te a thai alatna ai.

Mathai 7:15

“Tawngha rawlrap hue te ngaithuen uh; Ahimi lawngah nangmi tengla te ahan huhna atah tuu angla law u vetih a thinkaw khui atah metaang tluung angla awm u ai.

Marku 13:22

Metihtiah Messiah rawlrap thli oen tawngha rawlrap thli va thoeng ai. Ahimi lawngah a coengg thai atah Pathen thlaangtuek thli Pateng khaw thailatna ham kawpoekrai miknoekna oen kawpoek rai thaihu broela a sai ai.

Luka 18:7

Te atah amah tengah khawyiin khawdaai paang tih bawmna aka bih thlaang thli ham ah Pathen lawng adoengla awl te cek nawh ai aw? Ahimi te bawm hamla a tat loe nawh ai aw?

Johan 4:48

Jesuh lawngah ahih nala te, “Nangmi lawngah kawpoekraina oen kawpoekrai thaihu te na huh u nawh atah mevengah khaw na tangna u manawh” a tina.

Johan 6:37

A Pa kah peek boeih tah ka tengla law ai. A-u khaw ka tengah aka law boeih tah ka hek manawh.

Johan 6:39

Kai he aka tuihkung kah kawngaih tah ka tengah amah kah peek boeih te pakhat khaw ha-ata sak ham nawh ni, tede aboetna khawhin ah ahimi boeih te thawh sak tih hing sak ham ni.

Caeltueih 20:16

Pawl lawngah Asia ram khuiah poei-apah ham ngaih nawh tih Efesa khaaw te kaan tih tuisangphaw oen ceh phaat ham kamthlah. Acoeng thai atah Pentikos khawhin vengah Jerusalem te aloela pha ham a ngaih.

Rom 12:18

Thlaang boeih oen roeproeicala awm ham soeprep boeih te acoengg thai khui sai u lah.

Galati 4:15

Te vengah te nangmi na awmngaih tangkiik u! Tahe ah me tih na ti u? Coengg thai kawinih na mik pateng khaw koeih pak tih kai he peek hamla na ngaih u tite ka thui thai.

2Timothy 2:19

Tede Pathen lawng lungdang a suem te tah cak khak tih hinghuen thai nawh, te sawah te he awl he a thut: “Bawipa lawng amah kah thlaang la aka awm te a ming” tila khaw, “Bawipa kah thlaang la ka awm a ti lawngtah athe saina te a toeng ham awm,” tila te a thut.

1Peter 1:5

Atue boetna apha vengah tueng sak hamla a khueh oepsoeh thlawnna te oengna rang oen ah Pathen kah huham tharana lawng akhoem abeel tih nangmi ham vaan ah avan khueh ro na pang ham koei ni.

2Peter 3:17

Tede ka paya thli, nangmi lawngtah he kawng he na ming u poen. Tedawngah phung awl tula aka sak nawh thli kah thawlhpalhna lawng nangmi te m'mawt thawlh nawh ham oen ah namami kah aka cak paihuen dawng kalawng na thoeih na nawng u nawh ham ngaithuen uh.

1Johan 2:18

Ka ca ka nau thli atue boetna yoeii poen! Khrih kah raal law ai tila na yaak u; tahe ah Khrih kah raal thli yahawh hlang thoeng poen, tedawngah atue boetna yoeii poen tila mami lawng m'ming u.

1Johan 2:22

Tetih atah a-u nuem hoem-thuikung? Jesuh tah Messiah nawh ni tila aka thui te hoemthuikung la awm. Te ang thlaang te tah Khrih kah raal ni, Pa oen Capa te aka hoett thlaang ni.

1Johan 5:18

Pathen kah ca-anau la aka awm lawngtah thawlhna sai poepa nawh tite m'ming u, metihtiah Pathen Capa lawng a hih te ading asuekla a khueh tih Raai Bawi lawngah raina pe thai nawh.

Olphong 19:20

Satluung oen ah ahih kah haiah kawpoekraina aka sai tawngha rawlrap te a tuuk haih tih thong ah a thlaak u. (Te kah tawngha rawlrap tah satluung miknoekna aka khueh thli oen satluung kah kutsaimuei aka bok thli te kawpoekrai saina oen aka thailatnakung te ni) Satluung oen tawngha rawlrap te pahih bokla kat hai-alh khuiah a hing sailapla a dawng.