Mathai 23:33 - Matu Chin New Testament 2006

³³ Nangmi ruul hue, ruul kah cadil hue! Metila hell khui tlaakna kalawng ka loeih u thai ai tila na ngaiuep u?

Matu Bible

³³ Rhul rhoek, rhulthae cadil rhoek, laitloeknah hell lamkah metlam na rhaelrham uh eh?

Mathai 23:33 Iomraidhean Croise

Mathai 12:34

Nangmi ruul hue; Na the u lal maiah metila awltheen na thui u thai ai? Lungbui khuiah aka awm te kaa dawng kalawng va thoeng.

Mathai 23:32

Tedawngah na patuer hue kah a sai thaihu thli te nangmi lawng sai langtah coeng ngala u hawn.

Mathai 3:7

Farasi thlaang oen Sadusi thlaang thli Baptisma dang ham a law u te Johan lawng a huh vengah ahimi te, “Ruul hue, aka law ham koei Pathen kah dantatna kalawng na loeih u thai ai tila a-u lawng avan thui u?

Mathai 5:22

Tede tahe ah kavan thui u, “A-u khaw a maya manau tengah a thin a sa atah awlcekna ah a pha ai. A-u khaw a maya manau te tula na thuum nawh a tina atah awlcekna yung a pha ai, a-u khaw a maya manau te thlaangngau paathuu a tina atah rih awmna hell hai khuiah a thlaak ai.

Luka 3:7

Thlaangping lawngah baptisma dang ham Johan tengla te law u. Johan lawng ahimi nala te, “Nangmi ruul hue, aka law ham koei Pathen kah dantatna kalawng na loeih u thai ai tila a-u lawng avan thui u?

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

2Korin 11:3

Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

Hebrew 10:29

Te pateng khaw te tila a awm atah Pathen Capa tula aka sak nawh tih ahih te thawlhna kalawng aka ciim sak Pathen kah lungvatna khuehkung Muithla te athe akhana atah te thlaang te metila a sai ai? Ahih lawng a yawkk ham koei dantatna tah metihtlukla athe-eep ai tite poek u hawn!

Hebrew 12:25

Tedawngah nangmi tengah awl thuikung hue kah awl te oelhtaih nawh ham ngaithuen uh. Dilai dawngah awlthang thuikung hue kah awl te hutung ham aka ngaih nawh tah loeih u nawh. Vaan kah awl aka thui te mami lawng mangthawng taak atah metila mami n'loeih pai ai!

Hebrew 2:3

Te atah hetih aihla aka lenduet thlawnna he mami lawng n'tu la n'sak nawh atah metila mami he sa a sueng ai? Bawipa amah lawng he thlawnna he lamhacuekla a phawng tih aka ya boeih lawngah soeng tila mami tengah a tueng sak poen.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.