Mathai 22:11 - Matu Chin New Testament 2006

¹¹ A ceel thlaang thli te bueh ham sengpahrang lawng a law vengah yului poei himbai bai ohla aka awm thlaang pakhat te a huh.

Matu Bible

¹¹ Te vaengah manghai te kun tih aka bul rhoek te a sawt hatah, yulueinah himbai aka bai pawh hlang pakhat te kawl a hmuh.

Mathai 22:11 Iomraidhean Croise

Mathai 13:30

Caang ah tue a pha thlantoe caangkung oen varaamcaang te roeng haih hawn seh. Caang ah tue a pha vengah cang-aat hue te lamhala varaamcaang te phuk, tuum u langtah hai dawngah phuum uh, te coengah caang te aat uh! caawi u langtah ka thaidi khuiah sang uh, ka tina badai.” a tina.

Mathai 22:10

Tecoengah a tuihyoeihthlaang hue lawng lawngpui boeih ah cet u tih a huh sarui thlaangthe thlaang theen boeih te a cawi tih yuluina im ah thlaang be-toet sut.

Mathai 3:12

A kut dawngah caang yahna raa a pawm vetih caang te aciimla a yah ai, caangtak te thaidi dawng a khueh ai, tede caanghii te tah aka duek thai tlaih nawh hai dawngah a phuum ai,” a tina.

Rom 13:14

Bawipa Jesuh Khrih kah awva te lo uh, na pumsa kah thawlh sai ngaihna oen thawlhna kah kawkhuekna te toeng u loeih.

Rom 3:22

Jesuh Khrih te oengna rang oen Pathen lawng thlaangdoeng la a khueh. Khrih aka tangna boeih hamla doengna te Pathen lawng a sai dawngah a-u tengah khaw alangna roe awm nawh:

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

2Korin 5:3

te im oen ah thoekcau la n'awm u atah mami he pumtliing la n'awm manawh.

Galati 3:27

Nangmi tah Khrih oen pumkhatla awmna dawngah baptisma na dang u poen tih tahe atah Khrih amah hingna oen na khuk na dah u poen.

Ephesa 4:24

Nangmi lawngah hingna athaai oen ah thoekcau uh, te tah Pathen kah mueisam oen aka lo u la a sai tih aka doeng tih aciim hingna tangtang a tuengna ni.

Olphong 16:15

“Hutung lah! Kai tah thlaanghuuen angla ka law ai! Thlaangtim paalak ah yah pawh nawh ham oen atliing ayaalla a yingyawina nawh ham ahuertuela awm tih a hinaak himbai te aka kuem tah yotheen aka dawng ni.

Olphong 19:8

Ahih lawng a buen anaak ham thlipthlip aka aang hisa haldoel te khaw a peek poen,” ti u. (Hisa-haldoel ti he tah Pathen thlaang thli kah thaihu theen a sai te ni)

Olphong 2:23

Ahih kah a hubang hue te khaw ka ngawn boeih vetih tevengah kai tah thlaang boeih kah poekna oen kawngaihna mingkung tila Khrihcabu boeih lawng a ming ai. Nangmi pakhat rip he na saina taring ah kan thung ai.

Olphong 3:18

Tedawngah bawilen kuirang taktang la na awmna ham kai teng kah sui tuiciil te lai hamla poekna theen kan peek. Atliing ayaal yaraula na awm te khukdahna ham oen ah na buen ham khaw, na mik a tuengna ham miksii te khaw lai baal.