Mathai 21:32 - Matu Chin New Testament 2006

³² Metihtiah Baptisma pekung Johan tah nangmi tengla law tih lawngdoeng te n'huh sak u poen de nangmi lawng na tangna u nawh. Tede mangmu cawikung thli oen thlaanghalhnu thli lawngtah a tangna u. Te te nangmi lawng na huh u poen de na kawpoek khaw na thaw u nawh, ahih te na tangna u nawh,” a tina.

Matu Bible

³² Johan loh duengnah longpuei neh nangmih taengla ha pawk dae anih te na tangnah uh moenih. Tedae mangmucoi rhoek neh hlanghalh rhoek loh anih te a tangnah. Nangmih loh na hmuh uh coeng dae anih te tangnah ham a tloihsoi ah khaw na yut uh moenih.

Mathai 21:32 Iomraidhean Croise

Mathai 11:18

Johan a law vengah, ahih lawng buh a yeh tih misurtui khaw a awkk nawh dawngah thlaang boeih lawng ahih tah raaithe oen be!’ na ti u.

Mathai 21:25

“Johan lawng Baptisma a peek te ame kalawng a law! Pathen ben kalawng aw? Thlaanghing ben kalawng aw? tila a doet. Ahimi lawng, ‘Pathen ben kalawng va law n'ti kawinih n'tu ah Johan te na oeng u nawh,’ ti ai.

Mathai 21:31

He kah a capa pahih khuiah a-u lawng ana pa kah awl a ngaai?” tila a doet. Ahimi lawng, “A capa ahaamca lawng,” a tina u. Tedawngah Jesuh lawng ahimi tengah, “Atak tang kavan thui, mangmu cawikung thli oen thlaanghalhnu thli lawng nangmi te n'khall vetih Vaan ram la ng'kuun taak u poen ai,” a tina.

Mathai 5:46

Nang aka lungna bueng te na lungna atah metila Pathen lawng kutdo m'peek ai? Mangmu cawikung hue lawng pateng te tila a sai u van!

2Timothy 2:25

amah aka ngaih nawh thlaang thli te lunghoeih lungpaih la toelthaam ham awm. Tetih atah ahimi te Pathen lawngah thawlh yutna atue theen a peek vetih awltak te a ming u ai.

Hebrew 3:12

Oengca maya manau hue, nangmi tim ah aka hing Pathen te mangthawng taak ngaihna thinkaw lungbui the khueh nawh ham oen tangna hamla aka ngaih nawh thlaang khatca khaw na awm hau nawh ham ngaithuen uh.

2Peter 2:21

Doengna lawngpui te ming coengah ahimi a peek u aciim awlpeek te mel taak koep lak atah doengna lawngpui te ming nawh ngala kawinih ahimi ham theen ngaai sui de.

Olphong 2:21

A thawlhna yut ham atue ka peek, tede ahih lawngah hutaa tawngpa thawlhna kalawng thawlh yut ham ngaih nawh.