Mathai 21:26 - Matu Chin New Testament 2006

²⁶ “Thlanghing ben kalawng ni a law n'ti kawinih Johan te thlaang boeih lawng tawngha ni a ti u dawngah thlaangping he mami lawng rih ham awm,” ti u.

Matu Bible

²⁶ Tedae hlang lamkah n'ti uh koinih hlangping he koek n'rhih uh. Hlang boeih loh Johan te tonghma la a khueh uh,” a ti uh.

Mathai 21:26 Iomraidhean Croise

Mathai 11:9

Van thui u lah, n'tu huh ham na ceh u? Tawngha aw? Oeih! tawngha na huh u; tede na bueh u te tawngha lak ah aka lenduet ni.

Mathai 14:5

Herod lawng ahih te ngawn ham a ngaih. Tede, Judah thlaang thli lawng Johan te tawngha pakhat ni a ti u dawngah ahimi te a rih.

Mathai 21:11

Tevengah thlaangping lawng, “He thlaang he tah Galili ram Nazaret khaaw kah tawngha Jesuh ni,” a tina u.

Mathai 21:25

“Johan lawng Baptisma a peek te ame kalawng a law! Pathen ben kalawng aw? Thlaanghing ben kalawng aw? tila a doet. Ahimi lawng, ‘Pathen ben kalawng va law n'ti kawinih n'tu ah Johan te na oeng u nawh,’ ti ai.

Mathai 21:27

Tedawngah, “Ka ming u nawh,” a tina u. Tedawngah Jesuh lawng, “Te atah kai lawngkhaw ame kah saithaina aana oen he ang thaihu ka sai ti he kavan thui van manawh,” a tina.

Mathai 21:46

Tedawngah Jesuh te tuuk ham kamthlah u. Tede thlaangping lawng Jesuh he tawngha ni a ti u dawngah thlaangping te a rih u.

Marku 11:32

Tede, ‘Thlaanghing teng kalawng ni a law n'ti kawinih thlaangping he rih ham awm” ti u. (Metihtiah thlaang boeih lawng Johan he tawngha tila a ming u.)

Marku 12:12

Judah ahaamca hue lawng he thuidoetna he amami te ni a thui ee-tla thil tite a ming u dawngah Jesuh te tuuk hamla kamthlah u, tede thlaang rangpui te a rih u dawngah a ceh taak u.

Marku 6:20

Herod lawngtah Johan te thlaangdoeng oen thlaang ciim ni tila a ming dawngah a rih tih ading apuek cala a khueh. Herod lawng ahih kah awlthui te hutung ham a ngaih. Tede a awlthui te a yaak veng roekk ah awmngaih thai nawh.

Luka 20:19

Phungawl cangpueikung thli oen khawsoeih ahaamca hue lawng he kah thuidoetna awl he amami ni a thuingaihna tite a ming u dawngah Jesuh te tuuk pahoei ham a ngaih u; tede ahimi lawngah thlaangping te a rih u.

Luka 20:6

Tede mami lawng, “Thlaanghing tengkah ni,’ n'tina u kawinih he kah thlaang boeih lawngah Johan he tawngha tangtang ni tila a oeng u dawngah lungto oen n'de ai,” ti u.

Luka 22:2

Khawsoeih ahaamca thli oen Phungawl cangpueikung thli lawng thlaangping te a rih u dawngah Jesuh te ahuepla ngawn ham along a-im tlap hamla a yawm u.

Johan 5:35

Johan he tah haialh aka aang haivang oen lo u tih nangmi lawngah ahih kah aangna khuiah kawlkalh ni awmtheen ham na ngaih u.

Johan 9:22

Ahih rawi yuvaa lawngah aana khuehkung Judah thlaang thli te a rih hih dawngah te tila te a thui pe, Jesuh tah Messiah ni tila a tangna tih aka thui boeih te sinakok bok-im kalawng hek sih tila aana khuehkung Judah thlaang thli lawng a thui u dawngah ni.

Caeltueih 5:26

Tevengah tempal bok-im aka toet bawi lawng amah kah thlaang thli te a ceh puei tih celtuih hue te avan khuen koep u. Tede amami te thlaangping lawngah lungto oen n'de hau ai tite a rih u tih a mangkhakla tah sai u nawh.