Mathai 21:19 - Matu Chin New Testament 2006

¹⁹ Lawngteng kah thaidut thing te a huh tih a kung la cet, a thing dawngah a ram hawng te a huh. Tedawngah thaidut thing te. “Meveng khaw na thaih koep thaih manawh,” tila a tap. Kawlkalh ah thaidut thing te duek rup tih reu pahoei.

Matu Bible

¹⁹ Long ah thaibu kung pakhat a hmuh tih a taengla a paan. Tedae a hnah bueng mueh atah a kung dongah bang khaw hmu pawh. Te dongah, “Dungyan duela nang kah a thaih om boel saeh,” a ti nah tih thaibu kung tah pahoi koh.

Mathai 21:19 Iomraidhean Croise

Mathai 21:20

Te tila a awm te a hubang hue lawng a huh u vengah a kawpoek rai tangkiik u tih, “Metila kawlkalh ah thaidut thing a duek rup tih a reu pahoei mai?” tila a doet u.

Marku 11:14

Jesuh lawng thaidut thing te, “Na thaih he a-u lawngkhaw ca koep tlaih boel seh!” a tina. Te tila a tina te a hubang hue lawngkhaw a yaak u.

Marku 11:20

Avuen mincanghi ah Jesuh oen a hubang hue lawngpueng a ceh u vengah thaidut thing te a huh u. Te thaidut thing te athingpum la ayung toe duek rup.

Luka 3:9

Thingkung boeih te ayung ah vung hamla haica te a toen oepsoeh poen; Athaih theen aka thaih nawh thingkung boeih te a vung vetih hai dawngah a phuum ai.” a tina.

Johan 15:2

Ahih lawngah, dawngah athaih aka thaih nawh a beek-athleeng thli te a haih boeih tih athaih aka thaih nawh te khaw athaih ciil te athaihna ham a beek-athleeng thli te a coei pe.

Johan 15:6

A-u khaw kai dawngah aka awm nawh tah misur kah a beek-athleeng angla a voeih vetih reu ai; te ang a beek-athleeng te a cawi vetih hai dawngah a phum ai, te ah te ung boeih ai.

2Timothy 3:5

ahimi lawngah bokna phung he asaw ahan ah a phoeih u, tede akhuiben kah tharana tangtang te tah a hoett u. Te ang thlaang thli te tah reel-aram hawn.

Titus 1:16

Amami lawngtah Pathen ka ming ti u de a saina oen a hoett u, thaihu theen khat khaw sai ham aka koeih tlaih nawh thlaang thli poen ni.

Jude 1:12

Ahimi lawng yahtaal pawk-arh la a caak a awk u tih nangmi kah lungna poeibuh veelna ah aka ciim nawh muenmawi oen lo u. Amami bueng ham te a poek u. Ahimi tah yilh lawng a yawng mailai khawtlantui aka awm nawh khawmai oen lo u. Atue atang ah pateng khaw aka thaih nawh thingkung thli oen lo u, ayung ruila phuk bangtlang tih aka duek roepsoet thingkung oen lo u.

Olphong 22:11

Thlaangthe lawngah therana te sai poe mai de selang tah tuiilehkap thlaang te tah kawlot-thahnai la awm poe mai de seh; Thlaangdoeng te tah doeng poe mai de selang tah, aka ciim thlaang te tah ciim poe mai de seh.” tila a thui.