Mathai 20:8 - Matu Chin New Testament 2006

⁸ Thlemben tue apha vengah dumkhuehkung lawng dumtoetkung tengah, “Bii aka bi thli te khue u lang a thapang te pe uh. Hukhueng koek bii aka bi kalawng tong langtah lamhacuek bii aka bi toe a thapang kutphu te peh,” a tina.

Matu Bible

⁸ Hlaem ben a pha vaengah misurdum boei loh a dumtawt taengah, “Bibikung rhoek te khue lamtah lamhnuk rhoek lamkah tong lamtah lamhma duela amih te thapang thuung laeh,” a ti nah.

Mathai 20:8 Iomraidhean Croise

Mathai 20:7

Ahimi lawng, “Kaimi he a-u lawngkhaw bii m'bi sak u nawh dawngah ni,” a tina u. Dumkhuehkung lawng, “Theen, nangmi khaw misur dum la cet u lang bii bi uh,” a tina.

Mathai 20:9

Thlemben khawnoek pa-ngaa kalawng bii aka bi thli te thapang ngun tangka pheek at rip a peek.

Mathai 25:19

“Atue sanhlang a awm coeng atah a bawi te va meel koep tih ahimi kah tangka hawna te cayin a sai u.

Mathai 25:31

Jesuh lawng “Thlaanghing Capa tah Sengpahrang angla vanthlaang thli boeih oen law vetih a bawi ngawlhcoen dawngah ngawl ai.

Luka 10:7

Te kah im ah te awm u langtah ahimi lawng m'peek boeih te ca uh, metihtiah bii aka bi lawngtah a bi phu te a dang ham awm. Imlui te khat coeng khat pong thiikthuek u boel.

Luka 12:42

Bawipa lawngah, “Tetih atah, a-u nuem uep-awm tih aka cuih tuihyoeihthlaang la aka awm? Ahih tah a bawi lawng tuihyoeihthlaang thli cawmcah ham, atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Luka 8:3

Herod sengpahrang kah imkhuikaw ukkung Khusa kah a yu Joanna; tecoengah Susanna oen atloe hutaa thli a hu ah bang u tih a khuehtoen thaihu oen ah Jesuh oen a hubang thli te a bawmcem u.

2Korin 5:10

Metihtiah mami boeih he amah lawng awl cek ham Khrih haiah te m'pha boeih ai. Pumtaksa la hing vengah a the khaw, atheen khaw soeprep saina taring ah ating-atawkk la rip n'dang u ai.

Titus 1:7

Metihtiah Khrihcabu mawtkung tah Pathen kah biitungpui khuehkung la a awm dawngah cawttbauh aka kap nawh thlaang seh. Ahih tah amah oen amah thoemthai koek la aka ngaai u nawh, thin aka toi nawh, yuu aka aw nawh, khawpaw rang-au la aka awm nawh, tangka ngaihmoekna aka khueh nawh thlaang seh.

Hebrew 9:28

Tetih toengtoeng la thlaang yahawh kah thawlhna aciingna ham Khrih lawngkhaw vaikhat tah luciik la nawn u. Ahih tah apabela law koep ai, te ngoen tah thawlhna ciing sak ham tlaih nawh tih amah aka lamtoen hue te thlawn ham poen ni.

1Peter 4:10

Nangmi pakhat rip he Pathen kutdo atloetloe kuemkung theen la na awm u van angla Pathen teng kah na dang kutdo te thlaangtloe kah theenna hamla hawna uh.