Mathai 20:23 - Matu Chin New Testament 2006

²³ Jesuh lawng, “Nanghih lawng ka boengloeng dawngkah na awkk thai tang tang ai. Tede ka bantang ben ah ahih ngawl seh, ka banvoei ben ah ahih ngawl seh tila kai lawng ka tuek thai nawh tih te huen tah a Pa lawng a nuuen tangte thlaang hue ham ni,” a tina.

Matu Bible

²³ Jesuh loh amih te, “Kai kah boengloeng he na ok uh ngawn ni. Tedae kai kah bantang neh banvoei ah ngol ham tah kai hut la om pawh. Tedae a pa loh a hmoel rhoek ni tekah te a paek eh,” a ti nah.

Mathai 20:23 Iomraidhean Croise

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Mathai 20:24

He kawng he atloe hubang paha hue lawng a yaak u vengah te rawi boeinau sawah a thin sa u tangkiik.

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Marku 10:40

Tede ka bantang ben ah ahih ngawl seh, ka banvoei ben ah ahih ngawl seh tila kai lawng ka tuek thai nawh. He huen tah Pathen lawng a hooep a tlaang tangte thlaang hue te a peek ai,” a tina.

Caeltueih 12:2

Ahih lawngah Johan kah a manau Jeem samsen oen a ngawn sak.

Rom 8:17

Mami tah amah kah ca-anau la n'awm u veng kalawng a thlaang hue ham a khueh pe kam-awm yotheenna te n'dang van ai. Pathen lawng Khrih ham a khueh pe te mami lawngkhaw m'paang van ai; metihtiah Khrih kah patangraina te n'cuut u atah, mami lawng amah kah ruep-awmna te khaw m'paang van ai.

1Korin 2:9

Tede Caciim lawng a thui angla, “A-u lawng vaikhat khaw hu nawh tih ayaak nooek nawh, a-u lawngkhaw coengg thai ai tila poek nooek nawh te amah aka lungna thlaang thli hamla soeprep te Pathen lawng a roek a bah pe poen,” tila a thui.

2Korin 1:7

Tedawngah nangmi sawah ka ngaiuep-na te tah cak; kaimi kah patang khangna te nangmi lawng na khang u van tih kaimi lawng ka dang u bawmna te khaw na dang u van.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

Hebrew 11:16

Ahimi lawng atheen ngaai ram, vaan benkah ram te ni a ngaai u. Pathen lawng ahimi ham ram pakhat te a roekbah pe dawngah ahimi lawng Pathen te a Pa tila a khue u vengah Pathen tah yak nawh.

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.