Mathai 20:19 - Matu Chin New Testament 2006

¹⁹ thlaangphun tloe kut dawngah a peek u ai. Thlaangphun tloe hue lawng ahih te nuihbu kamring la a khueh u ai, athe akhana u ai, a bawh u coengah a ngawn u ai. Tede athum hin ah tho koep ai,” a tina.

Matu Bible

¹⁹ Te phoeiah tamdaeng ham neh boh tih tai hamla namtom rhoek taengah a voeih uh ni. Tedae a thum hnin ah koep thoo ni,” a ti nah.

Mathai 20:19 Iomraidhean Croise

Mathai 12:40

Jonah tah nga bung khuiah yiin daai hin thum a awm angla Thlaanghing Capa khaw yiin daai hin thum dilai khuiah awm van ai.

Mathai 16:21

Teveng tue kalawng ah Jesuh lawng a hubang hue tengah, “Jerusalem la ka cet vetih Judah ahaamca thli oen khawsoeih ahaamca thli oen ah phungawl cangpueikung thli lawng patang n'khang sak ai, kai he ng'ngawn u ai, tede athum hin ah thawh sak koep la ka awm vetih ka hing ai,” tila acairaula a thui pe.

Mathai 17:23

Ahih te a ngawn u ai, tede athum hin ah tho koep ai,” tila a thui. A hubang hue tah a kaw the u tangkiik.

Mathai 27:26

Tecoengah Pilat lawng ahimi ham Barabbas te a thlah pe tih; Jesuh te cungpoelh oen a bawh sak u tih thinglam dawngah ngawn ham ahimi kut ah a peek.

Mathai 27:63

“Bawipa hoem thui thlaang ahih lawng te a hing vengah, ‘Kai tah duekna kalawng ka tho koep ai’ tila a thui te ka ming u.

Marku 14:65

Thlaang khatsut lawng Jesuh te a tumthoeih, a mik te a yeen pe khoep tih a tam u, “Nang he a-u lawng m'bawh thui lah,” a tina u. Raalkap thli lawng a khuen u tih a bel u.

Marku 15:1

Mincanghi ah khawsoeih ahaamca thli tah Judah ahaamca thli, Phungawl cangpueikung thli, awlcekna khonsil ah aka thuum boeih oen ah tun huh u tih khaw a khan u. Jesuh te thiirui oen a khih u, a ceh puei u tih Pilat kut ah a peek u.

Marku 15:15

Pilat lawng thlaangping te ngaitluep sak ham a ngaih dawngah Barabbas te a thlah pe. Tecoengah Jesuh te cungpoelh oen a bawh tih ngawn hamla ahimi kut ah a peek.

Luka 18:32

Ahih te Gental thlaang thli kut ah a peek u vetih nuihbu la a sai u ai, a sal aphaam u vetih a tumthoeih u ai.

Luka 23:11

Herod oen a raalkap thli lawng Jesuh te nuihbu la a sai u tih tula sak ohla a nuihna u; tecoengah ahimi lawng himbaidung atheen te a bai sak u tih Pilat tengla koep a tuih.

Luka 24:46

Ahimi te, “He tila a thut sut te awm: Messiah lawng patang a khang vetih a thum hin ah duekna kalawng tho koep ai,

Caeltueih 2:23

Pathen lawngah amah khawkhanna angla Jesuh te nangmi kut ah peek hamla awl a khueng oepsoeh poen; ahih te thinglam dawng na tai u tih thlaangthawlh thli kah kut oen na ngawn u poen.

Caeltueih 21:11

Ahih te kaimi tengla law tih Pawl kah cihin te a lawh, a kut oen a khow te a piin tih, “Ciim Muithla lawng tila avan thui: He kah cihin khuehkung he Jerusalem ah Judah thlaang thli lawng he tila a piin vetih Gental thlaang thli kut ah a peek ai.” tila a thui.

Caeltueih 4:27

Metihtiah Herod oen Pontias Pilat tah he khawpui khuiah Gental thlaang thli oen Israel thlaang thli oen ah nang kah aciim Tuihyoeihthlaang Messiah la na sai Jesuh te oel khak hamla tun u tangtang.