Mathai 19:28 - Matu Chin New Testament 2006

²⁸ Jesuh lawng ahimi tengah, “Atak tang kavan thui u; San thai a pha tih Thlaanghing Capa lawng Bawi ngawlhcoen dawngah Ruep-awmna oen a ngawlh vengah nangmi ka hubang thlaihih hue nang khaw Israel thlaangphun thlaihih te uk ham bawi-ngawlhcoen dawngah na ngawl u van ai.

Matu Bible

²⁸ Te dongah Jesuh loh, “Nangmih taengah rhep ka thui, nangmih loh kai nam vai uh coeng. Hlang capa tah koepcunnah dongah a thangpomnah ngolkhoel sola ngol ni. Nangmih khaw ngolkhoel hlainit soah na ngol uh vetih Israel koca hlainit te lai na tloek uh ni.

Mathai 19:28 Iomraidhean Croise

Mathai 16:27

Thlaanghing Capa tah ana Pa kah ruep-awmna oen amah kah vanthlaang thli oen ah va rum thuk vetih thlaang boeih te bii a bina taring ah kutdo a peek ai.

Mathai 19:27

Tevengah Piter lawng, “Bueh lah! Kaimi lawng thaihu boeih ka ceh taak u tih na hu ah ka bang u poen, n'tu ka dang u ai?” tila a doet.

Mathai 20:21

Jesuh lawng ahih te, “N'tu na ngaih,” tila a doet. Ahih lawng, “Sengpahrang la na law vengah ka ca rawi he na bantang ben ah pakhat, na banvoei ben ah pakhat a ngawlh hih thaina hamla awl van pe lah.” a tina.

Mathai 25:31

Jesuh lawng “Thlaanghing Capa tah Sengpahrang angla vanthlaang thli boeih oen law vetih a bawi ngawlhcoen dawngah ngawl ai.

Mathai 6:33

Tedawngah thaihu tloe boeih lak ah Pathen Ram oen Pathen lawng sai sak ham a ngaih te lamhacuekla tlap u lang tecoengah na ngoe thaihu tloe boeih te Pathen lawng avan tawm badai.

Mathai 8:20

Jesuh lawng, “Metaang lawngkhaw a awmna ham ungrawm a khueh tih, va lawngkhaw bu a khueh, tede Thlaanghing Capa lawngtah ihna huen oen duemdawngna kangna khaw khueh nawh.” a tina.

Marku 10:37

Ahih rawi lawngah, “Na bawilenna Ram ah na bawi ngawlhcoen dawng na ngawlh vengah kai hih he banvoei ben ah pakhat, bantang ben ah pakhat namah oen haih nan ngawlh sak ham ka ngaih hih,” a tina.

Caeltueih 3:21

Yan vengkah aciim tawngha thli hawna oen Pathen lawng a thui poen angla soeprep boeih he athaaila saina atue te a pha thlantoe ahih te vaan ah awm hun ai.

2Timothy 2:12

Mami lawng ueh thai mangkhak atah mami khaw amah oen haih ukkung la n'awm ai. Amah te n'hoett atah mami he n'hoett van ai.

2Peter 3:13

Tede mami lawngtah Pathen awlkam vaan thaai oen dilai thaai doengna a awmna im te n'lamtoen u.

Olphong 11:16

Tevengah bawingawlhcoen dawngah aka ngawl ahaamca pakul palii hue lawngah buekuep u tih Pathen te a bok u,

Olphong 12:1

Tecoengah vaan dawngah kawpoekrai noekna bohlang pakhat va tueng. Hutaa pakhat lawng khawmik te himbai la a bai, thla te a khow oen a caawt tih aisi paha thlaihih aka awm bawilumuek te a muek.

Olphong 20:4

Tecoengah bawingawlhcoen thli te ka huh tih, te bawingawlhcoen dawngah aka ngawl hue tah awlcekna aana a peek te ka huh. Jesuh lawng a phawng awltak oen Pathen awl te a thui u dawngah a ngawn thlaang thli kah muithla boeih khaw ka huh. Ahimi lawngah satluung oen satluung kah kutsaimuei te khaw bok u nawh tih a tal ah khaw, akut dawngah khaw satluung kah miknoekna te khueh u nawh. Ahimi tah hing koep u tih Khrih oen sengpahrang angla kum thongkhat khui a uk u.

Olphong 21:5

Tecoengah bawingawlhcoen dawng aka ngawl lawngah te, “Tahe tah thaihu cungkuem soeprep te athaaila ka sai pan boeih poen, he kah awl he thut lah, metihtiah he awl boeih he tah soeng tangtang tih uepna koei awl ni,” tila a thui.

Olphong 22:2

Te tuiva keeng khatben khatbang ah hingna thingkung te awm, kum khat ah voei thlaihih thaih tih thla khat ah voei khat thaih poepa tih te thingkung kah aram te tah thlaangphun boeih kah hoeihna la awm.

Olphong 22:5

Khawyiin awm tlaih nawh tih ahimi lawngah hai-im khaw, khawse khaw ngoe tlaih nawh, metihtiah Bawipa Pathen te ahimi kah aangna la awm vetih ahimi tah sengpahrang angla dungyan dungyan toe ukkung la awm poen ai.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.

Olphong 4:4

Te kah bawingawlhcoen te atloe bawi ngawlhcoen pakul palii lawng a veel, te kah bawingawlhcoen dawngah himbai bawk a bai tih suilumuek aka muek ahaamca pakul palii ngawl u.

Olphong 7:4

Tecoengah Pathen kah thawhcang oen a heen thlaangmi tah thong yakhat coeng thong sawmlii coengah thong lii a awm te avan thui. Te thli tah Israel thlaangphun paha thlaihih khuikah tih,