Mathai 17:20 - Matu Chin New Testament 2006

²⁰ Jesuh lawng, “Nangmi lawng oengcakna na khueh u nawh dawngah ni, Atak tang kavan thui u, antammu teh maimah oengna na khueh u kawinih nangmi lawng he tlaang he, he kalawng ke la thoeih lah na tina u a tah thoeih ai, nang mi lawng soeprep boeih na sai u thai ai.

Matu Bible

²⁰ Te dongah, “Nangmih kah hnalvalnah kongah ni. Nangmih taengah rhep ka thui, mukang mu bang mah tangnah na khueh koinih, hekah tlang he kela thoeih na ti vaengah thoeih vetih na tloel tlaih mahpawh,” a ti nah.

Mathai 17:20 Iomraidhean Croise

Mathai 13:31

Jesuh lawng atloe thuidoetna pakhat ahimi tengah a thui pe: “Vaan ram tah he tila awm. Thlaang pakhat lawng antammu a lawh tih a lo khuiah a heh.

Mathai 14:29

Jesuh lawng, “Va law lah!” a tina. Tedawngah Piter te lowng khui kalawng rum tih Jesuh tengla tui sawah cet.

Mathai 17:17

Jesuh lawng, “Oengna aka khueh nawh nangmi thlaangthe hue! Metuek toe nangmi he kan awm puei u hun ai? Meveng tue toe kan nueh u hun ai? Camaw te ka tengla van khuen u lah,” a tina.

Mathai 17:19

Tecoengah a hubang hue amami bueng Jesuh tengla law u tih, “N'tu dawngah kaimi lawng raaithe ka hek thai u nawh?” tila a doet u.

Mathai 17:9

Tlaangsawm kalawng a rum thuk u vengah, ahimi te, “He kah na huh u huhthlaam he Thlaanghing Capa duekna kalawng a thawh thlantoe thui u boel,” tila awl a uen.

Mathai 21:21

Jesuh lawng, “Atak tang kavan thui u, uepvoetna khueh ohla, na oeng u tang tang atah he thaidut thing sawah ka sai he nangmi lawngkhaw na sai thai u van ai. He bueng ohla he kah tlaang Pateng, ‘Thoeih lang tuilii khuila tla lah,’ na tina atah tla thai ai.

Mathai 8:26

Jesuh lawng, “N'tu ah tila na rih u aih? Na oengna yawl tangkiik u nawh pai he!” a tina. Tecoengah ahih lawng tho tih thlipui oen tuilet te duem ham awl a peek; kawlkalh ah thlipui oen tuilet te duem tih tuilii te dipsipla awm.

Marku 11:22

Jesuh lawng ahimi nala te, “Pathen te mah oeng u lah.

Marku 11:23

Atak tang kavan thui u, a-u lawngkhaw a kaw khuiah uepvoetna khueh muehla amah kah a thui angla coengg ngai ai tila a oeng atah he tlaang he, ‘thoeih langtah tuitunlii khuila tla lah,' a tina atah a thui angla ahih ham coengg vetih a sai pe ai.

Marku 4:31

Te tah he oen lo u. Thlaang pakhat lawng dilai dawngkah amu-ati boeih lak ah aka yiit koek antammu thaam at te a lawh tih a tue.

Marku 9:23

Jesuh lawngah, “Na sai thai koei la a awm atah na ti aw!, Oeih! Oengna aka khueh thlaang ham tah soeprep boeih he coengg thai ta,” a tina.

Luka 1:37

Metihtiah Pathen lawng a sai thai nawh khat khaw awm nawh.

Luka 17:6

Bawipa lawngah, “Nangmi lawng antammu teh mai mah oengna te na khueh u atah he kah songlet thing he, ‘Na yung oen haih ah namah poek ah phuk u langtah tuitunlii ah namah poek ah liing u lah,’ na tina atah nangmi awl te avan ngaai ai,” a tina.

Luka 18:27

Jesuh lawng, “Thlaanghing ham aka coengg thai tlaih nawh te Pathen ham tah coengg thai.” tila a thui pe.

Johan 11:40

Jesuh lawngah, “Nang lawng na tangna atah Pathen ruep-awmna na huh ai, kan tina de lah koen?” a tina.

1Korin 12:9

Te kah Muithla pakhat te lawng ni thlaang pakhat tengah oengna a peek tih atloe pakhat teng atah thlaangtlo hoeih sak thaina huham tharana te a peek.

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

Hebrew 3:19

Tedawngah ahimi lawng duemna ram khuiah a kuun thai nawh he tah ahimi lawng a tangna u nawh dawngah ni tila m'miing u.