Mathai 16:24 - Matu Chin New Testament 2006

²⁴ Tecoengah Jesuh lawng a hubang hue te, “A-u khaw ka hu ah law ham a ngaih atah amah kawngaih te hoett selang amah kah thinglam kawh ruila ka hu ah bang seh.

Matu Bible

²⁴ Te phoeiah Jesuh loh a hnukbang rhoek te, “Khat khat long ni ka hnukah lo ham a ngaih atah, amah te huek uh saeh lamtah a thinglam a koh doeah kai m'vai saeh.

Mathai 16:24 Iomraidhean Croise

Mathai 10:38

A-u khaw amah kah thinglam te a kawh tih ka hu aka vai nawh tah kai kah hubang la koeih nawh.

Mathai 27:32

Te tila a ceh u vengah Sairin khaaw kah Simon te a huh u tih raalkap hue lawng amangkhakla Jesuh kah thinglam te a kawh sak u.

Marku 10:21

Jesuh lawng ahih te a lungna tih a bueh rangpatang, “Thaihu khat bueng ni na voet. Cet langtah na khuehtoen boeih te yooei lang tangka te khawdeng harah thli van peh, te atah vaan ram ah ro thaihu na khueh ai, tecoengah law langtah ka hu ah va baang,” a tina.

Marku 15:21

Lawngpueng ah khaawte ben kalawng khawpui la aka law Simon aka miingna thlaang pakhat a hum u tih raalkap thli lawng Jesuh kah thinglam te amangkhak la a kawh sak u. (Simon he Sairin khaaw kah Alekzandar oen Rutas kah ana pa ni.)

Marku 8:34

Tecoengah Jesuh lawngah thlaangping oen a hubang hue te amah tengla a khue tih ahimi nala te, “A-u khaw ka hu ah bang hamla aka ngaih tah amah kaw ngaih te hoett selang amah kah thinglam te kawt selang tah ka hu ah bang seh.

Luka 14:27

A-u khaw amah kah thinglam te kawh ruila ka hu ah aka law nawh tah ka hubang la coengg thai manawh.

Luka 23:26

Jesuh te raalkap thli lawng a khuen tih a ceh u vengah te vangca vangnau ben kalawng khawpui khuila aka law Sairin khaaw kah Simon aka miingna te a hum u tih ahimi lawng ahih te a tuuk u, thinglam te amangkhak la a kawh sak u tih Jesuh hu ah te a ceh sak u.

Johan 19:17

Amah thinglam te kawh ruila cet tih, “Luuruh Huen” a ti u te a pha. (Hebru awl la tah, “Golgota” ti u.)

Johan 21:19

(He tila a thui he tah Piter he me ang duekna oen a duek vetih Pathen ruep-awmna te a tueng sak ai tite thuinuetna ni.) Tecoengah Jesuh lawng, “Ka hu ah baang lah!” a tina.

Johan 21:22

Jesuh lawngah, “Kai ka law toe ah ahih te hing sak hamla ka ngaih mai kawinih nang lawng n'tu na tina ai? ka hu ah va bang ngoen lah!” a tina.

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

1Thessalonika 3:3

He ang heemtekna patang na khang u dawngah nangmi a-u khatca khaw hu benla mel koep nawh ham, nangmi te tha thlue sak ham oen ah nangmi kah oengna te cak sak hamla ahih te kavan tuih u. Mami lawng heemtekna patang n'khang he Pathen kah kawngaihna avaang athal van ni tite namami lawng na ming u.

2Timothy 3:12

A-u khaw Khrih Jesuh oen pumkhatla awmna rang oen Pathen kawngaih la hing ham aka ngaih tah heemtekna patang te a khang ai;

1Peter 2:21

He tila awm ham ah Pathen lawng nangmi te n'khue u, metihtiah Khrih amah roe lawngah nangmi ham patang a khang tih amah khowleh thuih ham te nangmi kah oett koeila avan ceh taak.