Mathai 15:31 - Matu Chin New Testament 2006

³¹ Awlmueh lawng cal thai, aka khawn thli lawng theen, khawkheem lawng cet thai, mikpum lawng a mik a tueng koep te thlaangping lawng a huh u vengah a kawpoek rai u tih Israel Pathen te a thangpawm u.

Matu Bible

³¹ Olmueh khaw cal, aka khawn khaw a sading, aka khaem khaw cet, mikdael loh a hmuh, te hlangping loh a hmuh vaengah a ngaihmang uh tih, Israel Pathen te a thangpom uh.

Mathai 15:31 Iomraidhean Croise

Mathai 15:30

Thlaangping lawng ah khawkheem thli, mikpum thli, aka khawn thli, awlmueh oen atloe thlaangtlo te avan law puei u tih, Jesuh kah a khow kungah a khueh u tih ahimi boeih te Jesuh lawng a hoeih sak.

Mathai 18:8

“Na kut tihnawhtah na khow lawng na oengna te avan phelh sak atah tloek langtah voei vik hawn! Kut soep khow soep oen dungyan hai khuila na tlaak lak ah kut oen khow muehla hingna khuiah na kuun te theen ngaai.

Mathai 21:14

Mikpum oen khawkheem Tempal khuiah Jesuh tengla law u tih ahimi te a hoeih sak.

Mathai 8:10

He awl he Jesuh lawng a yaak vengah, a kawpoek la rai tih a hu ah aka vai thlaangping hue tengah, “Atak tang kavan thui u, he ang oengcakna he Israel thlaang tim ah khaw ka hu nawh hun” a tina.

Mathai 9:32

Te kah thlaang pahih te a mel vengah, thlaangvaang hue lawng raaithe aka khueh awlmueh thlaang pakhat te Jesuh tengla avan law puei u.

Mathai 9:33

Jesuh lawng raaithe te a hek pe coeng khoeng ah te thlaang lawng cal thai koep tih te kah thlaang boeih tah a kawpoek rai u. “Israel thlaang tim ah he ang he n'hu vai u nawh” ti u.

Mathai 9:8

Thlaangping lawng te tila a sai te a huh vengah a ngai hang u tih te ang saithaina thlaanghing tengah aka pe Pathen te a thangpawm u.

Marku 2:12

Ahimi boeih kah mik huh ah te thlaang lawng tho hang, a himbai te a lawh tih aloela cet. Ahimi boeih tah a kawpoek rai u tih, “He ang thaihu he n'hu vai u nawh!” ti u tih Pathen te a thangpawm u.

Marku 7:37

Tecakhaw aka ya boeih tah a kawpoek rai u. Ahimi lawngah, “A sai thaihu soeprep boeih he theen tangkiik mah aw! Haapang khaw haa a khui sak tih awlmueh khaw awl a cal sak!” tila a thui u.

Marku 9:43

Tedawngah na kut lawng na oengna te a phelh sak atah tloek poet hawn! Na kut pahih oen aka duek tlaih nawh hell hai khuiah na tlaak lak atah na kut pakhat bueng oen hingna khuiah na kuun te theen ngai.

Luka 14:13

Nang lawng poei na sai vengah khawdeng thlaang, kut ngun khaw-ngun thlaang thli, kutkheem khowkheem thlaang thli oen mikpum thlaang thli te khue;

Luka 14:21

“Tuihyoeihthlaang te meel koep tih he ang thli boeih he a bawi manghai tengah a thui pe. Bawi manghai tah a thin sa tih a tuihyoeihthlaang nala te, ‘Khawpui khuikah lawngpui boeih oen imkep imvaai ah aloela cet langtah khawdeng thli, mikpum haaiying thli, kutngun, khowngun thli, kut kheem khow kheem thli te van law puei.’ a tina.

Luka 18:43

Ahih te a mik tueng pahoei, Jesuh hu ah bang tih Pathen tengah awmngaih awl a thui. Te tila a awm te thlaangping lawng a huh vengah ahimi boeih lawng Pathen te a thangpawm u veng.

Luka 7:16

Ahimi boeih lawng rih ruila Pathen te a thangpawm u. “Aka lenduet tawngha tah mami tim ah thoeng poen, Pathen tah a thlaang thli thlawn hamla law poen!” tila te ahimi lawng a thui u.

Johan 9:24

Ahimi lawngah mikpum la aka thang thlaang te apabela a khue koep u tih, “Awltak na thuina ham Pathen haiah awl kam lah! Nang kah mik aka hoeih sak te thlaangthawlh ni tila ka ming u.” a tina u.