Mathai 14:23 - Matu Chin New Testament 2006

²³ Thlaangping te a tuih boeih coengah Jesuh tah thangthui ham amah bueng tlaang la luui. Khaw athlem atah Jesuh amah bueng te huen ah awm.

Matu Bible

²³ Tedae hlangping te a hlah a phoeiah amah bueng thangthui hamla tlang la luei. Hlaem a pha vaengah amah bueng pahoi om.

Mathai 14:23 Iomraidhean Croise

Mathai 26:36

Tecoengah Jesuh tah a hubang hue oen Ketsaman a ti u ahuen la cet u tih ahimi te, “Ke huen la ke ka cet silang ka thangthuina ruet ah he ah he anna ngawl uh!” a tina.

Mathai 6:6

Tede nangmi lawng na thangthui u vengah im khuila kuun uh, thawh khai u lang mik oen huh nawh na Pa tengah thangthui uh. Ahuepla na sai boeih hukung na Pa lawng kutdo m'peek u badai.

Marku 1:35

Avuen khawhin mincanghi khaw a thaih thlan ah Jesuh tah tho tih khawpui adauben ading asuekna huen la te cet tih te ah te thangthui.

Marku 6:46

Thlaangping te sadingla meel uh a tina coengah amah tah thangthui hamla tlaang la cet.

Luka 3:21

Thlaangping lawng baptisma a dang u coeng atah, Jesuh khaw baptisma a dang van. A thangthui vengah te ahih ham vaan te awng u tih,

Luka 5:16

Tede ahih tah ading asuekna huen la te cet tih te ah te thangthui.

Luka 6:12

Tecoengah Jesuh te thangthui hamla tlaang la cet tih te ah te yiin at puet Pathen tengah thangthui.

Luka 9:18

Hin at ah Jesuh amah bueng a thangthui vengah a hubang thli te ahih tengla law u. Jesuh lawng ahimi te, “thlaang thli lawng kai he a-u a ti u?” tila a doet.

Luka 9:28

He kah awl he a thui coeng yarh khat yunyan a awm atah Piter, Johan, oen Jeem mi te Jesuh lawng a ceh puei tih thangthui u ham tlaang la luui u.

Caeltueih 6:4

Kaimi ngoen tah thangthuina oen Pathen awl thui biibina dawngah atue boeih he ka hawna u ai.” a tina u.