Mathai 13:54 - Matu Chin New Testament 2006

⁵⁴ Amah awmna Nazaret la meel koep. Sinakok ah a cang puei tih ahih kah awl aka ya thlaang boeih a kawpoek rai u. “He ang cuihna he me kah a huh kai? He ang kawpoekraina he metila a sai thai kai?” tila te doet u patoeng.

Matu Bible

⁵⁴ Te phoeiah amah tolrhum la pawk tih amamih kah tunim ah amih te a thuituen hatah let uh tih, “Anih kah cueihnah neh a thaomnah he me lamkah nim?

Mathai 13:54 Iomraidhean Croise

Mathai 2:23

Nazaret a ti u khawpui ah te poe awm. “Ahih te Nazaret thlaang ti u ai,” tila tawngha thli lawng a thui oepsoeh te soep.

Mathai 4:23

Jesuh tah Galili peng tawm ah cet tih Sinakok bok-im ah a cang puei, Vaan ram kawng Awlthang Theen a thui, thlaangtlo oen natna soeprep aka tlo thli te a hoeih sak.

Mathai 7:28

Jesuh lawng he awl ha thui boeih coengah thlaang yahawh tah a cangpueina dawngah a kawpoek rai u.

Luka 2:47

Ahih lawng cuihna oen awl a thung pe te aka ya thlaang boeih tah a kawpoek rai u.

Johan 1:11

Ahih tah amah ram la law de amah kah thlaang thli lawng do u nawh.

Caeltueih 13:46

Tede Pawl oen Barnabas lawng raltheenla a thui tare hih tih: “Nangmi tengah Pathen awl he lamhacuekla thui ham ngoe tangtang. Tede nangmi lawng na hoett u tih namah oen namah te dungyan hingna oen a tingtawkk nawh la na poek u atah kan ceh taak u vetih Gental thlaangphun tengla ka cet hih ai.

Caeltueih 4:13

Awlcekna khonsil ah aka thuum thlaang thli lawngah Piter oen Johan he thoemthai cuihna aka khueh nawh thlaang mailai ni tite a ming u, tede ahih rawi lawng tong-aa ohla awl a thui te a huh u vengah a kawpoek rai u. Tede ahih rawi he tah Jesuh kah a paya beroep ni tite ahimi lawng a ming u.