Mathai 13:44 - Matu Chin New Testament 2006

⁴⁴ “Vaan ram tah he oen lo u. Thlaang pakhat lawng lo ah khawh-arang a thuh te a huh. Ahih lawng atheenla a up koep tih awmngaihla im la cet. A khueh thaihu boeih te a yoeih coengah meel koep tih te kah lohuen te a lai.

Matu Bible

⁴⁴ Vaan ram tah lohma ah a thuh sut khohrhang phek la om. Te te hlang loh a hmuh vaengah a thuh tih a omngaihnah neh cet. Te phoeiah a khueh boeih te a yoih tih te kah lohmuen te a lai.

Mathai 13:44 Iomraidhean Croise

Mathai 13:24

Jesuh lawng ahimi tengah atloe thuidoetna pakhat a thui pe: “Vaan ram tah amah lo ah caangti theen aka heh thlaang pakhat oen lo u.

Mathai 13:46

A hih lawng latha theen te a huh vengah cet tih a khueh thaihu boeih te a yoeih coengah te kah latha te a lai.

Mathai 13:47

“Tecoengah Vaan ram tah he oen lo u. Tui aka hawi khatsut hue lawng tuilii khuiah lok te a heeng u tih nga phun soeprep te a tuuk u.

Mathai 19:21

Jesuh lawng, “Thlaang soep la awm ham na ngaih atah cet lang na koeva thli te yooei boeih langtah tangka te khawdeng harah thli van peh. Te atah vaan ah kaawn theen na khueh badai, tecoengah law lang ka hu ah va bang,” a tina.

Mathai 19:27

Tevengah Piter lawng, “Bueh lah! Kaimi lawng thaihu boeih ka ceh taak u tih na hu ah ka bang u poen, n'tu ka dang u ai?” tila a doet.

Mathai 19:29

Tecoengah a-u khaw kai kawng dawngah a im oen a lo, a maya manau, ngannu nganca, a manu ana pa oen a ca te aka ceh taak thlaang tah te yueng te a pueh yakhat la a dang u vetih dungyan hingna te a dang baal ai.

Mathai 6:21

Na kaawn a awmna huen ah na kawpoek khaw awm van ai.

Luka 14:33

Jesuh lawng awlcuina ah, “Tetih van angla nangmi timkah pakhat lawngah soeprep boeih te a hoett nawh atah ka hubang la coengg thai manawh.” a tina.

Johan 6:35

Jesuh lawng ahimi nala te, “Kai tah hingna takawi ni, a-u khaw ka tengah aka law tah meveng khaw a bung pawng manawh; a-u khaw kai he aka tangna tah meveng khaw tui hall manawh.

Rom 15:4

Caciim dawngah a thut soeprep boeih tah mami he cangpueina ham oen toelthaamna ham ni. Te tila a thut te tah, Caciim lawng mami m'peek uehthaina oen thincakna rang oen ah mami lawng ngaiuepna te khueh ham ni.

Kolosa 2:3

Khrih tah Pathen kah cuihna oen mingna kaawn thuh la aka awm boeih te awngna caabi ni.

Kolosa 3:16

Khrih kah awl acungkuem ah aka soep te nangmi kaw khuiah awm seh. Cuihna aka awm boeih oen nangmi khat oen khat tuukkiik u lang toelthaam uh. Saam laa, Koehna laa oen laa ciim te sa uh; Na kaw khuikah awmngaihna laa oen Pathen te koeh uh;

Hebrew 10:34

Nangmi lawng thongtla thli te patang na khang puei tih na khueh thaihu boeih te avan rot u vengah na sung na deuh te awmngaih oen na ueh u. Metihtiah te ang thli lak ah atheen ngaai dungyan thaihu awm tila na ming u dawngah ni.

Olphong 3:18

Tedawngah bawilen kuirang taktang la na awmna ham kai teng kah sui tuiciil te lai hamla poekna theen kan peek. Atliing ayaal yaraula na awm te khukdahna ham oen ah na buen ham khaw, na mik a tuengna ham miksii te khaw lai baal.