Mathai 13:23 - Matu Chin New Testament 2006

²³ Laitheen dawngah aka tla caangti tah Vaan ram kawng te a yaak tih aka yaakming thlaang te a thuingaihna, ahimi tah a vui athaih thaawn tih apueh yakhat, apueh sawmruk, apueh sawmthum la thaawn.

Matu Bible

²³ Tedae lai then sokah a tuh tah ol te a yaak tih aka hmuhming la om. Anih tah a ngen yakhat, a ngen sawmrhuk, a ngen thumkip la vuei tih thaihtak,” a ti nah.

Mathai 13:23 Iomraidhean Croise

Mathai 12:33

“Athaih theen dang ham thingkung theen khueh a ngoe. Thingkung the na khueh atah athaih the van ai. Ame ang thingkung tite athaih rang oen m'ming thai ai.

Mathai 13:8

Tede caangti khatsut tah laitheen dawngah tla tih a vui a thaih thaawn. Khatsut tah apueh yakhat, sawmruk, sawm thum toe la nawl.”

Mathai 3:10

Thingkung boeih te ayung ah vungna hamla haica tah a toen sut poen. Thaih theen aka thaih nawh thingkung boeih te a vung vetih hai dawngah a phuum ai.

Mathai 3:8

Na thawlhna na yut u te athaih theen oen tueng sak uh.

Marku 10:15

Ataktang kavan thui u, a-u khaw Pathen Ram he camaw angla aka do nawh tah te ah te kuun thai manawh” a tina.

Marku 4:20

Tede atloe thlaang thli tah lai theen dawngah a tuh caangti oen lo u. Ahimi lawng Pathen awl te a yaak u vengah a do u tih a vui athaih thawn. Khatsut tah a pueh sawmthum, khatsut tah a pueh sawmruk, khatsut tah a pueh yakhat toela thawn.” a tina.

Luka 13:9

Cangthok ah a thaih atah theen badai; athaih nawh atah vung mai hawn; a tina.” tila a thui pe.

Luka 8:15

Lai theen dawngah aka tla caangti thuingaihna tah: awlthang theen te a yaak tih thinkaw khuiah hinyahna, doengna oen a khoem tih a vui athaih toela uehna oen aka awm thlaang thli te thuingaihna ni,” a tina.

Luka 8:8

Caangti khatsut tah dilai atheenna ah tla; caangkung te roeng hang tih let yakhat la a vui athaih te rip thaawn.” a tina. Tecoengah Jesuh lawng, “Yaakna haa na khueh u atah ya uh.” a tina.

Johan 15:16

Nangmi lawngah kai he nan tuek nawh; nangmi lawng na cet u vetih yoeyahla aka cak a thaih te na thaihna u hamla kai lawng nangmi he kan tuek tih bii kan peek u. Tedawngah nangmi lawng ka miing oen na bih boeih te a Pa lawng m'peek ai.

Johan 8:47

Pathen tengkah aka law thlaang lawngtah Pathen awl te a hutung u. Tede nangmi tah Pathen teng kalawng na law u van nawh dawngah ni hutung ham na ngaih u nawh.” a tina.

Caeltueih 16:14

Ahimi timkah hutaa pakhat himbai lingdiik aka yoeikung Tiatira khaaw kah Lidia lawngah kaimi awl te a hutung. Ahih tah Pathen aka bok hutaa pakhat la awm tih Pawl kah awl thui te hutung nguenthuen ham Pathen lawng a thinkaw a awng pe.

Caeltueih 17:11

Te kah thlaang thli tah Tesalon ah aka awm thlaang thli lak ah a poekna kau bet. Ahimi lawng thinkaw thluembuek oen awl te a hutung u tih Pawl lawng a thui te soeng tang kai nuem ti u tih hin roekk ah Caciim te ahimi lawng athoel alang u.

2Korin 9:10

Tecoengah, caangti tuh ham oen buh caak ham pekung Pathen lawng nangmi kah ngoe boeih caangti te m'peek ai; moeihoeihla na peek u dawngah caangti aka po te athlur atawi sak vetih” caangvui caangthaih te avan puung sak ai.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Philipi 4:17

Kai lawng kutdo dang ngaih bueng maiah nawh tih; nangmi kah cayin cabu dawngah khaw athawnna, apuung ataaina te huh hamla ka ngaih.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

Kolosa 1:6

Nangmi lawng Pathen kah lungvatna kawng na yaak cuekca kalawng te lungvatna te ataktangla na ming u veng atah nangmi tim ah apuung ataai van angla te awlthang theen tah dilai pum ah puung khonghak tih yotheen kam-awmna te m'peek.

1Thessalonika 4:1

Aboetna ah maya manau thli, Pathen kawhoena ham metila na hing u ham a awm tite kaimi tengah na cang u poen. Kaimi tengkah na cang u angla te na hing u hamla awm tih yahawh ngaaila na hingna tare ham Bawipa Jesuh miing oen ah kan ceel u.

2Thessalonika 2:10

aka rawk tih ha-ata ham koei thlaang thli sawah athe soeprep thai alatna te a hawna ai. Ahimi lawngah thlawnna hamla awltak te do u nawh tih a lungna u nawh dawngah ahimi boeih tah ha-ata boeih ai.

Hebrew 4:2

Metihtiah ahimi lawng a yaak u angla, mami lawng Awlthang Then te n'yaak u poen. Tede, Ahimi lawng a yaak u awlthang te oengna oen a do u nawh dawngah ahimi ham hoeikhangna awm nawh.

Hebrew 6:7

Rawtui khawtlan a yawn tih lotoen thlaang thli hamla aphu aka awm cangphung aka tawi sak dilai te tah Pathen lawng yotheen kam-awmna a peek.

Hebrew 8:10

Tecoengah Bawipa lawng, “Aka law ham koei khawhin ah Israel thlaangphun oen he tila paipi te ka sai ai; Kai lawngah kamah kah phungawl thli te a thinkaw ah Ka khueh pe vetih a lungbui ah ka thut pe ai. Kai tah ahimi kah Pathen la ka awm vetih ahimi tah ka thlaangphun la awm ai.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.