Mathai 13:22 - Matu Chin New Testament 2006

²² Thliing tim ah aka tla caangti thui-ngaihna tah Vaan ram kawng tah a yaak de dilai khawsakna dawngah lakueng tih dilai han bawilen ngaihna lawng akang ahalh khoep tih caangvui caangthaih aka thaawn nawh oen lo u.

Matu Bible

²² Hling laklikah a tuh tah ol te aka ya la om dae diklai kah mawntangnah neh khuehtawn kah hmilhmaknah loh ol te a thing tih a tlongtlai la poeh.

Mathai 13:22 Iomraidhean Croise

Mathai 12:32

A-u khaw thlaanghing Capa raalna awlthe thui mai cakhaw a sawah khawdawp a ngai ai, tede a-u khaw Ciim Muithla raalna awlthe aka thui tah tahe ah khaw, hailam ben toe meveng khaw a sawah khawdawp ngaai pe tlaih manawh.” a tina.

Mathai 13:39

Varaamcaang aka heh raal tah Seitan ni; caang ah tue tah dilai a boetna; caangaatkung tah vanthlaang hue ni.

Mathai 13:40

Varaamcaang te a caawi tih hai dawng a phuum angla dilai aboet tue atah te tila awm van ai.

Mathai 13:7

Caangti khatsut tah thliing tim ah tla, thliingkung tah roeng hang tih caang te malh a telh.

Luka 12:15

Tecoengah ahimi boeih nala te, “Apueh ngaihna soeprep dawngah kuemsuem u lang tloeng u lah; metihtiah thlaang kah hingna tak tak he bawirengna, khueh toen thaihu dawngah pangtung nawh.” a tina.

Luka 12:21

Tecoengah awlcuina ah Jesuh lawng, “Amah hamla kaawn aka tung aka sep thlaang tah Pathen kah mik huh atah kuirang la awm nawh.” a tina.

Luka 21:34

“Ngaithuen u lah! Nangmi lawng awmtheen awmyaal poeibuh caak awkk oen dilai han khawsak lakuengna te poek u aih boel, te tila na awm u veng bawtbet khawlai ah te kah Khawhin lawng nangmi teng avan pha ai.

Luka 8:14

Thliing ahaang tim ah aka tla caangti te thuingaihna tah: Pathen awl te a yaak u de he dilai khawsakna kah lakueng raina oen kuirangna oen ah awmtheenna lawng a khuk tih ahinghoek dawngah a vui athaih ahii la aka awm thlaang thli te ni.

Caeltueih 8:18

Celtuih rawi lawngah ahimi sawah kut a thueng tih oengca thli lawng Ciim Muithla a dang u tite Simon lawng a huh. Tedawngah ahih lawng Piter oen Johan te tangka a peek tih,

Rom 12:2

He dilai khawsak siing angla khaw sa u tlaih boel, tede Pathen lawng nangmi thinkaw a khui ben te asoepbirla van thaw pan hawn seh. Te atah aka theen thaihu, aka soep thaihu oen amah kawtlaak te nangmi lawng na ming u thai ai, he tah Pathen amah kawngaih ni.

1Korin 1:20

Tedawngah thlaangcuih thli te mela a awm ai? Thoemthaina aka khueh thlaang thli te mela a awm u? He dilai han kah calthai thli mela a awm u? He dilai dawngkah cuihna he tah ngau-athuuna ni tite Pathen lawng a tueng sak poen!

1Korin 2:6

Te cakhaw muithla ben ah poekna aka soep thlaang thli teng atah cuihna awl te ka thui pe. Tede te awl te tah he dilai dawngkah cuihna nawh ni, he dilai ukkung thli kah aka khum tharana te nawh ni.

1Korin 2:8

He dilai ukkung thli a-u khat lawngkhaw cuihna he ming u nawh. Ahimi lawng ming u kawinih ruep-awmna Bawipa te thinglam dawngah ngawn u manawh.

1Korin 3:18

A-u khaw amah oen amah te thai alat u boel seh. Nangmi tim kah a-u lawngkhaw amah oen amah te he dilai siing angla thlaangcuih la a poek u atah thlaangcuih tang tang la a awm thaina ham thlaangngau-paathuu la coengg seh.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

Galati 1:4

Mami he tahe vengkah atue the khui kalawng loeih sak ham mami kah Pa Pathen kawngaihna te a vai tih mami kah thawlh dawngah Khrih lawng amah oen amah te pe u.

Ephesa 2:2

Te veng tue ah te nangmi lawng dilai han kah athe lawngpui te na vai u; khawhi dawngah aka awm muithla benkah tharana ukkung awl te na ngaai pe u; te muithla lawngah te Pathen awl aka ngaai nawh thli te tahe ah a uk.

1Timothy 6:17

He hing khuiah thaihu thaiha khuehtoenna oen aka len muep thli te oekthloen nawh ham van thui peh. Te ang ueptapna aka awm nawh thaihu khuehtoenna dawngah ngaiuepna khueh u boel seh. Tede mami awmngaihna ham haih muehla soeprep pekung Pathen dawngah te ngaiuepna khueh u seh.

2Timothy 4:10

Dema lawngtah dilai he a thintlawhna dawngah kai he n'ceh taak tih Tesalon khaw la cet poen. Kresen tah Galati ram la cet tih Titas tah Dalmatia ram la cet.