Mathai 13:11 - Matu Chin New Testament 2006

¹¹ Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Matu Bible

¹¹ Jesuh loh amih te a doo tih, “Vaan ram kah olhuep ming sak ham nangmih taengah m'paek coeng dae te rhoek taengah a paek moenih.

Mathai 13:11 Iomraidhean Croise

Mathai 13:10

Tecoengah a hubang hue Jesuh tengla law u tih, “Thlaangping tengah awl na thui vengah n'tu hamla thuidoetna awl na hawna?” tila a doet u.

Mathai 16:17

Jesuh lawng, “Johan capa Simon, na yo theen phoeih,” He awltak he thlaanghing teng kalawng na tengla law nawh, tede vaan ah aka awm a Pa kah peek ni.

Mathai 19:11

Jesuh lawng, “He kah kan cang puei he thlaang boeih ham nawh ni. Tede Pathen lawng a peek thlaang hue bueng ham ni.

Mathai 20:23

Jesuh lawng, “Nanghih lawng ka boengloeng dawngkah na awkk thai tang tang ai. Tede ka bantang ben ah ahih ngawl seh, ka banvoei ben ah ahih ngawl seh tila kai lawng ka tuek thai nawh tih te huen tah a Pa lawng a nuuen tangte thlaang hue ham ni,” a tina.

Marku 10:40

Tede ka bantang ben ah ahih ngawl seh, ka banvoei ben ah ahih ngawl seh tila kai lawng ka tuek thai nawh. He huen tah Pathen lawng a hooep a tlaang tangte thlaang hue te a peek ai,” a tina.

Marku 4:11

Jesuh lawng, “Pathen Ram kah awlhuep tah nangmi tengah m'peek poen. Tede adauben ah aka awm thlaangtloe lawngtah thuidoetna awl bueng oen ni thaihu he a yaak u,

Luka 8:10

Jesuh lawng, “Pathen Ram awlhuep mingna te nangmi m'peek poen, tede thlaangtloe hue lawngtah a bueh u de huh nawh ham, a hutung u de yaakming nawh ham thuidoetna oen ni thui pe ham a awm.” a tina.

Johan 6:65

Tecoengah a thui pe tih, “He kawngah ni a Pa lawng avan tuih nawh atah a-u khaw ka tengla law thai manawh tila acuekca ah kavan thui u teta.” a tina.

Johan 7:17

A-u khaw Pathen kawngaih te sai ham aka ngaih lawngtah kan cang puei u he Pathen tengah aka law aw, tihnawhtah kamah kah saithaina aana oen ka thui aw ti he a ming ai.

Caeltueih 16:14

Ahimi timkah hutaa pakhat himbai lingdiik aka yoeikung Tiatira khaaw kah Lidia lawngah kaimi awl te a hutung. Ahih tah Pathen aka bok hutaa pakhat la awm tih Pawl kah awl thui te hutung nguenthuen ham Pathen lawng a thinkaw a awng pe.

Rom 11:25

Ka maya manau thli, nangmi lawng ka cuih ka hoe heet poen tila na poek u nawh ham nangmi te ming sak ka ngaih awlhuep pakhat awm. Te awlhuep tah he ni. Israel thlaang thli a thin a haam khaklal he aboet toe ham nawh ni, Gental thlaang thli Pathen tengah asoepcala apha thlan khui ham bueng ni.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

1Korin 15:51

Awlhuep awltak he hutung u lah: Mami he boeih n'duek u manawh, tede hukhueng koek pengsara te a tum vengah kawlkalh mikkhah palap ah n'thaw u poen ai.

1Korin 2:14

A-u khaw Muithla aka khueh nawh te tah Pathen Muithla dawng kalawng aka law kutdo te dang thai manawh. Te ang thlaang lawngtah yaakming thai tang manawh; ahih hamla tah apoeila ni a awm, metihtiah Muithla ben kah kutdo thli te tah Muithla bueng oen ni ming thai la a awm.

1Korin 2:7

Kai lawng ka phawng cuihna te tah Pathen kah cuihna awlhuep thlaanghing tengah pho sak ohla thuh khak la aka awm tih dilai a suen thlan veng kalawng mami kah ruep-awmna ham avan khueh tangte cuihna te ni.

1Korin 4:1

Nangmi lawngah kaimi he Pathen kah awlhuep awltak khoembelkung, Khrih kah tuihyoeih-thlaang la nan poek u ham awm.

1Korin 4:7

Nangmi te thlaangtloe lak ah asangluelh la a-u lawng n'sai? Na khueh soeprep boeih he Pathen peek nawh aw? Na khueh na toen u te ayoe peek kutdo nawh angla metila na oekthloen u thai?

Ephesa 1:18

Nangmi te me ang ngaiuep sak ham n'khue tih a thlaang thli hamla a kam pe kawpoek rai yotheen kam-awmna te metihtlukla a yahawh tih,

Ephesa 1:9

Pathen lawng a cuihna boeih oen a ming athaina oen ah a kamthlahna te a sai tih Khrih rang oen soep sak ham a ngaih ahuep khawkhanna te mami m'ming sak poen.

Ephesa 5:32

He caciim dawngah aka tueng ataktang awlhuep aka dung te awm tih te tah Khrih oen khrihcabu he thuinuetna ni tila ka yaakming.

Ephesa 6:19

Kai khaw awl thui hamla oepsoehla ka awm vengah ka thui ham koei awl te Pathen lawng m'peekna ham khaw, raltheenna oen ka thuina ham khaw, awlthang theen kah awlhuep te tueng sak thaina ham ah kai ham khaw thangthui uh.

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

1Timothy 3:9

Ahimi tah athetheen pekbo thaina kawpoek ciim oen oengna awltak aka dung te acakla aka phoeih thlaang la a awm ham awm.

James 1:5

Tede nangmi tim ah cuihna aka voet te a awm atah Pathen tengah thangthui seh, Pathen lawng ahih te a peek ai, metihtiah Pathen lawngtah thlaang boeih te moeihoeihna oen reenna oen ah a peek.

1Johan 2:20

Tecakhaw nangmi tah Khrih lawngah Ciim Muithla te na sawah avan toi u poen, tedawngah nangmi boeih lawng awltak te na ming u.

1Johan 2:27

Tede nangmi ham tah Khrih lawngah a Muithla te nangmi sawah avan toi poen. Nangmi kaw khuiah a Muithla te a awm atah, nangmi cang puei ham a-u khat khaw na ngoe u tlaih nawh. Metihtiah amah Muithla lawngah soeprep boeih kawng te nangmi n'cang puei u tih te cangpueina tah soeng taktak, aka thawlh nawh ni.