Mathai 12:50 - Matu Chin New Testament 2006

⁵⁰ A-u khaw vaan ah aka awm a Pa kawngaih aka sai tah ka maya, ka manau, ka ngannu oen a nu ni,” a tina.

Matu Bible

⁵⁰ Vaan kah a Pa kongaih aka saii te tah ka manuca neh ngannu nganca neh manu la om,” a ti nah.

Mathai 12:50 Iomraidhean Croise

Mathai 12:49

Tecoengah a hubang hue te a khi tih, “Bueh u lah! a nu oen ka manau hue tah ahimi he ni!

Mathai 13:1

Te hin ah Jesuh lawng te im te a thawh taak tih Galili tuiliikeeng la cet; cang puei ham te ah te ngawl.

Mathai 17:5

Piter lawng awl a thui lii vengah ahimi te aka bawk tangkiik muui lawng a thiing khoep u tih muui khuikah awl lawng, “He tah ka lungvatna ka Capa ni, ahih sawah ka kaw hoe, a awl ngaai pe uh,” tila a thui.

Mathai 25:40

Sengpahrang lawng, ‘Atak tang kavan thui u; He kah ka boenhui huhsit koek pakhat tengah na sai u te ka sawah na sai u poen ni,’ a tina ai.

Mathai 25:45

Sengpahrang lawng ‘Atak tang kavan thui u: He thlaang huhsit koek timkah pakhat bawm ham na ngaih u nawh te kai nan bawm nan ceem u nawh poen ni,’ a tina ai.

Mathai 28:10

Jesuh lawng ahih rawi nala te “Rih boel, cet langtah ka maya manau thli te Galili la ceh ham thui pe hih, te ah te ahimi lawng kai he n'huh u ai” a tina.

Marku 3:35

A-u khaw Pathen lawng sai sak ham a ngaih te aka sai boeih tah ka manau, ka ngannu oen a nu ni.” tila a thui pe.

Luka 8:21

Jesuh lawng ahimi boeih nala te, “Pathen awl te a yaak tih aka vai thlaang boeih tah ka manu oen ka manau la awm.” a tina.

Johan 15:14

Nangmi lawng ka awlpeek he na sai u atah ka paya la na awm u.

Johan 20:17

Jesuh lawngah, “Kai he n'tu khaklal boel de lah, a Pa tengla ka cet thlan hun, tede ka manau thli tengla cet langtah, ‘ahimi oen kai kah a pa, kai kah Pathen oen ahimi kah Pathen tengla ka cet poen ai ti’ tila thui peh.” a tina.

Johan 6:29

Jesuh lawng ahimi nala te, “Pathen lawng nangmi sai sak ham a ngaih te tah amah lawng avan tuih thlaang te tangna ham lawngah ni” a tina.

Johan 6:40

Metihtiah Capa te a huh tih aka tangna boeih lawngtah dungyan hingna te khueh hamla a Pa lawng a ngaih. Tecoengah aboetna khawhin ah ka thawh vetih ka hing sak ai.” a tina.

Caeltueih 17:30

Pathen amah te thlaanghing lawng a ming nawh vengkah atue atang te n'tu la khaw poek asam nawh, tede tahe atah khaaw tawm ram tawm kah thlaang boeih kah the-arana boeih te mangthawng taak hamla awl a peek poen.

Caeltueih 26:20

Lamhacuek la Damaskas oen Jerusalem ah, tecoengah Judia ram pum oen Gental thlaang boeih tengah ahimi lawng thawlhna te yut u tih Pathen benla a mang u hamla, ahimi lawng a thawlh yutna te tueng sakna thaihu sai hamla ka phawng pe.

Rom 8:29

Pathen lawng a tuek tangte thlaang thli te amah Capa angla a coenggna ham a thloekcala a thloeng, te tila a sai he tah amah aka oeng thlaang yahawh tim ah a Capa te ahaamkoek camiing awmthang la awm sak ham ni.

1Korin 9:5

Kai lawngah atloe celtuih thli oen Bawipa kah a manau oen ah Piter mi angla yin ka cehna ah Khrihca la aka awm yu-aca te ka ceh puei thai van nawh ai aw?

2Korin 11:2

Pathen a thatlai van angla kai khaw ka thatlai van; Nangmi he Khrih amah bueng oen ah te yuvaa la awm ham kan kang sut hulaa cuem oen na lo u.

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Galati 6:15

Thlaang pakhat lawng yahhuivuen reet oen reet nawh he awlpui tlaih nawh ni; thlaang thaai la awm he ni awlpui poen.

Kolosa 3:11

Te tila mingna dawng atah Gental oen Judah, yahhuivuen reet oen reet nawh, thlaangngau paathuu, n'tu khaw aka ming nawh thlaang, sal oen thlaangcuem tila ahimi laklaw ah pekbona awm tlaih nawh; Khrih tah soeprep tih soeprep dawngah Khrih tah awm.

1Timothy 5:2

kum haam hutaa thli te na nu angla ngaai langtah, kum no hutaa thli te kawpoek ciim oen na ngannu angla ngaai lang voemtoei lah.

Hebrew 5:9

Ahih lawngah thlaangsoep la a awm coengah amah awl aka vai thlaang boeih ham dungyan thlawnna a kungpui la awm tih,

1Peter 4:2

Tedawngah tahe kalawng tah dilai dawngah hingna na khueh khui roekk tah thlaanghing kah kawngaihna ohla Pathen kah kawngaihna lawng nangmi te n' uk u seh.

1Johan 2:17

Dilai oen dilai thaihu thlaanghing lawng a ngaih he tah khumpel boeih, tede Pathen kawngaih aka sai tah dungyan hing ai.

Olphong 22:14

Amami kah himbai te aciimla aka suk tah yotheen a dawng u, ahimi tah hingna thingthaih te a caak thai vetih khawpui thawhka khuiah kuun thai u ai.