Mathai 11:23 - Matu Chin New Testament 2006

²³ Nang Kapernaum namah oen namah vaan la pawmsang u ham na ngaih aw? Hell ah thlaak la na awm ai! Nangmi khaaw kah kawpoekraina ka sai he Sidon khaaw ah ka sai kawinih tihin toe ah te khaaw te awm hun sui de!

Matu Bible

²³ Kapernaum nang khaw, vaan duela na pomsang uh pawt nim? Saelkhui duela na suntla bitni. Nangmih taengah ka thaomnah ka tueng sak he Sodom ah tueng sak koinih, tihnin duela te om suidae.

Mathai 11:23 Iomraidhean Croise

Mathai 10:15

Atak tang kavan thui u, “Awlcekna khawhin ah te khaaw kah thlaang thli lak ah Sodom oen Gomorrah khaaw kah thlaang thli te Pathen lawng a reen ngaai ai,” a tina.

Mathai 16:18

Tedawngah na tengah kavan thui, Piter: nang tah lungto ni! He lunghiim lungdangsuem dawngah ka Khrihcabu ka pai sak ai, duekna lawng Pateng taa thai manawh.

Mathai 17:24

Jesuh oen a hubang hue Kapernaum a pha u vengah, Tempal bok-im kah mangmu cawikung hue Piter tengla law u tih, “Na saya lawng Tempal bok-im kah mangmu a peek van aw? tila a doet u.

Mathai 4:13

Ahih lawng Nazaret ah awm ohla Kapernaum khaaw ah awm hamla cet. Kapernaum khaaw tah Zebulun oen Naptali thlaangphun kah ram khui Galili tuilii keeng ah awm.

Mathai 8:5

Jesuh tah Kapernaum khaw a pha vengah Rom raalbawi pakhat lawng a tengah reenna a bih.

Luka 10:15

Nang Kapernaum! Namah oen namah te vaan la pawmsang u ham na ngaih aw? Hell ah thlaak thuk la na awm ai!” a tina.

Luka 14:11

A-u khaw amah oen amah a pawm sang u atah adangla tla ai, a-u khaw amah oen amah adangla aka awm tah a pawmsang u ai.

Luka 16:23

Ahih tah Hell khuiah patang a khang, athlahlangla a dan hang vengah Abraham tengah Lazaruh aka ngawl te a huh.

Luka 4:23

Ahimi nala te, “Tatuk awl dawngah, ‘Siibawipa, namah oen namah te tuui-ahaai u lah,” tila a thui awl te kamah he nan tina u lettat ai tite ka ming. Kapernaum khaaw ah na sai tila ka yak u thaihu te ang van te kamah khaaw ah he sai van lah,’ tila nan tina u ai.

Caeltueih 2:27

metihtiah nang lawngah celkhui-khaaw ah nan voei sut nawh vetih; namah kah uep-awm tuihyoeihthlaang te thlann khuiah rong athaang sak ham na ngaih nawh.

Caeltueih 2:31

Pathen lawng hailam ben ah a sai ham koei te Devid lawng a ming tih tedawngah Messiah kah thawhkoepna kawng te a thui oepsoeh poen. Ahih lawngah, ‘Ahih tah celkhuikhaaw ah voei sut manawh; ahih kah a pum te thlann khuiah rong sut manawh.” tila a thui.

Jude 1:7

Sodom oen Gomorrah oen ah a tengvaai kah khawpui thli, te kah aka awm thlaang thli lawngkhaw vanthlaang thli angla thawlh u tih hutaa tawngpa thawlhna, asoeng nawh hutaa puei oen, tawngpa puei oen ah a thawlh u te poek uh: Ahimi kah dungyan hai dantat patang khang te thlaang boeih ham ngaithuenna la awm.

Olphong 1:18

Kai tah aka hing ni! Kai tah ka duek, tede tahe ah kai tah dungyan toe yoeyahla ka hing poen. Kai lawng duekna oen thlaangduek khaaw celkhui sawah ukna aana ka khueh.

Olphong 11:8

ahih rawi kah a rawkk te a bawipa a ngawnna khawpui kah noekna a miing tah Sodom, tih-nawhtah Iyipt tila awm.

Olphong 20:13

Tecoengah tuitunlii lawng amah khuiah aka duek te a peek. Duekna oen celkhui khaw lawngkhaw thlaangduek a tuuk te a peek. Thlaangduek boeih te amami kah a saina angla awl a cek.

Olphong 6:8

Ka bueh vengah marang pawlvawkk pakhat te ka huh. Te marang aka cit te Duekna a miingna tih a hu ah Hell lawng a vai tawkkhak. Ahimi te dilai thloep lii ah thloep at te raalpui oen khaw, khawkha oen khaw, tlawhnatna oen khaw, ngawn hamla ukna aana a peek.