Mathai 10:22 - Matu Chin New Testament 2006

²² Kai kawng dawngah thlaang boeih lawng nangmi te n'thina ai; tede a-u khaw aboettoe ueh atah Pathen lawng a thlawn ai.

Matu Bible

²² Kai ming dongah hlang boeih kah a hmuhuet la na om uh ni. Tedae a bawtnah duela aka ueh tah daem ni.

Mathai 10:22 Iomraidhean Croise

Mathai 10:39

A-u khaw a hingna dang ham aka yawm tah a hingna a thlawng ai; a-u khaw kai kawng dawngah a hingna te a thlawng atah hingna te a dang ai.

Mathai 24:13

Tede a-u khaw aboettoe acakla aka pai tah thlawn la awm ai.

Mathai 24:9

“Tecoengah nangmi te thekhana ham oen ngawn hamla n'tuuk u vetih thlaangtloe kut ah nangmi te n'peek ai. Kai kawng dawngah thlaang boeih lawng n'thina u ai.

Mathai 5:11

“Kai kah hubang la na awm u dawngah nangmi te thlaang lawng thuitheetna, heemtekna, athe thaihu soeprep oen hoem awl n'peel u vengah yotheen kam-awmna na dawng u.

Marku 13:13

Kai kah kawng dawng maiah nangmi te thlaang boeih lawng n'thina ai. Tede a-u khaw aboet toe aka cak tah thlawn la awm ai.

Luka 21:17

Kai kawngah nangmi te thlaang boeih lawng n'thina ai.

Luka 21:19

Acakla pai lah, tetih atah namah oen namah te na thlawn u ai.

Luka 6:22

Thlaanghing Capa kawngah nangmi te thlaang lawngah n'thina u tih n'hoett sut u, n'sal aphaam tih athela n'thui u atah nangmi tah yotheen kam-awmna na dawng u!

Luka 8:15

Lai theen dawngah aka tla caangti thuingaihna tah: awlthang theen te a yaak tih thinkaw khuiah hinyahna, doengna oen a khoem tih a vui athaih toela uehna oen aka awm thlaang thli te thuingaihna ni,” a tina.

Johan 17:14

Nang kah awl te ahimi ham ka thui pe, kai he dilai koeva la ka awm van nawh angla ahimi khaw dilai koeva la awm u nawh tih ahimi he dilai lawng a thina u.

Johan 7:7

Dilai lawng nangmi n'thina moenih, kai ni n'thina, metihtiah kai lawngah ahimi kah athe te ka poer pe dawngah n'thina u.

Caeltueih 9:16

Tecoengah kamah roeroe lawngah kamah kawngah patang a khang ham koei boeih te ka huh sak ai.” a tina.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

2Korin 4:11

Mami kah aka duek thai pum dawngah amah kah hingna te a tueng thaina ham Jesuh hamla mami lawng hingkhui puet ah duek thlipit la n'awm u poepa.

Galati 6:9

Tedawngah theenna te saina ben ah tha the sak u boel sih; toeng ohla n'sai u atah caangthaih yuunna atue te avan pha badai.

Hebrew 3:14

Metihtiah mami lawng acuekca veng kah ngaikhuekna n'khueh te aboettoe acakla m'phoeih rapsaat atah mami boeih tah Khrih oen bii bi haih la ng' awm u.

Hebrew 6:11

Nangmi lawng na ngaiuep u te ataktang la acoenggna ham nangmi lawng bawmcem ngaihna thinkaw thluembuekna te aboettoe khueh poe uh tila ka ngaih.

James 1:12

Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

1Johan 3:13

Tedawngah maya manau thli dilai thlaang lawng nangmi te n'thina u atah na kawpoek rai sak u boel.

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.

Olphong 2:17

“Yaakna haa aka khueh lawngtah Khrihcabu thli tengah Muithla lawng a thui awl he ya hawn seh! “Taakung la aka awm thli tah thuh elh la aka awm manna takawi te ka peek ai. Ahimi boeih te lungto abawk pakhat ah rip ka peek ai, te dawngkah a thut miing athaai te a-u lawngkhaw thuingaihna ming nawh vetih te lungto aka dang hue bueng lawng ni a ming ai.

Olphong 2:26

Taakung la aka awm thlaang oen ka kaw ngaihna aboet toe aka sai thlaang tah a Pa teng kah ka dang saithaina aana te ka peek van ai, thlaangphun tloe sawah thiicungpoelh oen uk ham oen ah ahimi te dilai am angla adiik anuui la de ham ah ukna aana te khaw ka peek ai. Aisi tumpa khaw ahimi te ka peek ai.

Olphong 2:3

Nang tah na kaw daw, kai kawngah nang lawng patang na khang te na kaw boet nawh.

Olphong 2:7

“Tedawngah yaakna haa aka khueh lawngtah Muithla lawng Khrihcabu hue tengah a thui he ya hawn seh! “Taakung la aka awm thli tah Pathen dum khuikah hingna thingthaih te caak thaina nawl ka peek ai” ti.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.