Mathai 10:16 - Matu Chin New Testament 2006

¹⁶ “Hutung u lah! metaang tim ah tuu angla nangmi he kan tuih u. Tedawngah ruul angla na cuih khueh u lang akhuu angla na kaw daw sak uh.

Matu Bible

¹⁶ Uithang lakli ah tu bangla kai loh nangmih kan tueih ne. Te dongah rhul bangla cueih khueh lamtah vahu bangla caepakyik la om uh.

Mathai 10:16 Iomraidhean Croise

Mathai 24:25

Hutung u lah! Atue atang a pha thlan ah kavan thui oepsoeh u poen he.

Mathai 24:45

“Te tih atah a-u uep-awm tih aka cuih tuihyoeihthlaang la aka awm ai? Te tah a bawi lawng a tuihyoeihthlaang thli cawmcah ham oen ah atue atang vengah ahimi caak awkk pekung la a khueh te ueppang koei aka cuih tuihyoeihthlaang la awm ai.

Mathai 25:2

Te thli timkah hulaa pa-ngaa hue tah cuih tih pa-ngaa hue tah cuih nawh.

Mathai 25:4

Aka cuih hulaa hue lawngtah hai-im dawngah haitui abepirla a thloen u coengah haitui ahoei akai a khuen u.

Mathai 25:9

Hulaa aka cuih he lawng ‘Coengg thai manawh, kaimi ham oen ah nangmi ham haih tah haitui khoek manawh. Dawr la cet u lang namami ham lai uh,’ a tina u.

Luka 10:3

Nangmi va cet u lah! Metaang timkah tuuca angla nangmi he kan tuih u.

Luka 21:15

metihtiah na raal thli a-u khatca lawngkhaw oelhtaih thai nawh tih taa thai nawh hamla nangmi lawng na thui ham koei awl oen cuihna te kan peek ai.

Caeltueih 20:29

Kai ka ceh coeng atah nangmi tim ah metaang tluung thli te law u vetih ahimi lawng tuuca thli te a sa sueng sak manawh tite ka ming.

1Korin 14:20

Maya manau thli, kawpoekna dawngah camaw angla awm u boel; the-arana nawh ben atah camaw la awm uh, kawpoekna ben atah poekna aka soep lungcuih thlaang la awm uh.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 11:14

Te tah kawpoek rai ham awm nawh! Seitan lawng pateng vanthlaang aka ang rawngtheng angla sa u thai van!

2Korin 11:3

Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

2Korin 8:20

He tila moeihoeihna oen a peek u kutdo he kaimi lawng ka boel ka rai u vengah, cawtbauhna khatca khaw he kawngah a awmna nawh ham ka ngaithuen u.

Philipi 2:15

te tila te he dilai dawngah aka awm thlaangthe thli oen thlaangthawlh thli lakli ah Pathen kah thlaangsoep ca anau angla thawlhna aka awm nawh, aciim acaih thlaang la nangmi tah na awm u ai, hingna awl te ahimi na peek vengah te ahimi tim ah vaan ah aka vaang aisi angla aang u lah.

Kolosa 1:9

Tedawngah nangmi kawng ka yaak cuek veng kalawng nangmi ham ka thangthui poepa u. Amah Muithla lawng m'peek cuihna boeih oen yaakmingna, amah kawngaih mingna oen nangmi na betoetna u ham Pathen tengah ka bih u.

Kolosa 4:5

Aka oeng nawh thlaang thli tengah cuihna oen tho tat u lang atue theen na khueh boeih te hawna uh.

1Thessalonika 2:10

Nangmi oengca thli oen kaimi kah benbaw benpangna he aka ciim, aka doeng tih thawlhpalhna a awm nawh te nangmi khawseh, Pathen khawseh kaimi kah sausi la na awm u.

1Thessalonika 5:22

athe thaihu boeih te reel-aram uh.