Marku 9:50 - Matu Chin New Testament 2006

⁵⁰ Lungkeh tah theen; tede a aalna te a moelh atah metila na aal sak koep thai ai? Nangmi lawng paya laikoeina lungkeh te khueh u langtah pakhat oen khat roeproeicala awm uh” a tina.

Matu Bible

⁵⁰ Lungkaeh tah then, tedae lungkaeh te a duu la om koinih ba nen lae na hlihlim sak eh. Namamih khuiah lungkaeh khueh uh lamtah khat neh khat taengah rhoep uh thae,” a ti nah.

Marku 9:50 Iomraidhean Croise

Mathai 5:13

“Nangmi tah thlaangphun boeih ham lungkeh la na awm u. Tede lungkeh he a aalna a moelh atah aal sak koep ham coengg thai tlaih nawh, apoeila awm poen, tedawngah ram la voeih tih thlaang lawng a caawt mailai ham ni a awm poen.

Marku 9:34

Tede ahimi lawng, mami tim ah a-u nuem bawilen koek tila lawngpueng ah a oelh u khiing dawngah ahih kah awl doet te thung pe u nawh.

Marku 9:49

Luciik sa boeih te lungkeh oen aciim sak boeih angla thlaang boeih he hai oen aciim sak van ai.

Rom 12:18

Thlaang boeih oen roeproeicala awm ham soeprep boeih te acoengg thai khui sai u lah.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Ephesa 4:29

Awl na thui u vengah awlthe te thui u boel; thlaang hamla hoeikhangna aka awm tih angoena ah theenna aka thoeng sak, nangmi kah awlthui aka ya hue lawng theenna te a saina ham awltheen te thui uh.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Kolosa 3:12

Nangmi tah Pathen thlaang la na awm u; amah lawng nangmi te n'lungna tih amah hamla nangmi te n'tuek. Tedawngah thlaang kah hailam poekna, reenna, komyomna, boe-ngaaina, kawdawna oen ah khukdah u lah.

Kolosa 4:6

Nangmi kah awlthui boeih te yaak ngaih koei oen thinkaw thluembuek koeila awm selang thlaang boeih kah awl doetna te metila ka thung pe ai tite na ming u ham awm.

1Thessalonika 5:13

Ahimi kah biibina dawngah te asangla hinyahna lang lungna uh. Nangmi khat oen khat roeproeicala awm uh.

2Timothy 2:22

Roengthaai thawhthuem kah pumsa ngaihna te vai boel langtah thinkaw ciim oen Bawipa a khue tih bawmna aka bih thlaang thli oen ah thik at la doengna, oengna, lungna oen ngaimawngna dang hamla yawm lah.

Hebrew 12:14

Thlaang boeih oen roeproeicala awm ham yawm u lang aciim hingna oen hing hamla yawm uh, metihtiah aciim hingna nawh atah a-u lawngkhaw Bawipa te hu manawh.

James 1:20

Thlaanghing kah thinsana lawng Pathen kah a mengteng doengna te thoeng sak thai nawh.

1Peter 3:8

Hukhueng ah awl uen hamla ka ngaih tah; Nangmi boeih lawng thinkaw lungbui poekna te khat la kang khueh uh, maya manau angla khat oen khat lung u langtah reenna oen boe-ngaaina oen ah awm uh.