Marku 9:47 - Matu Chin New Testament 2006

⁴⁷ Na mik lawng na oengna te a phelh sak atah na mik te koeih pak hawn! Mik pahih oen hell khuiah ne tlaak lak atah mik pakhat bueng oen Pathen Ram ah na kuun te theen ngaai.

Matu Bible

⁴⁷ Mik panit om tih hell la m'voeih lakah mikvang neh Pathen ram khuiah kun te nang ham hnothen la om.

Marku 9:47 Iomraidhean Croise

Mathai 18:9

Tecoengah na mik lawng na oengna te avan phelh sak atah na mik te koeih lang voei hawn! Mik pahih oen hell hai khuiah na tlaak atah mik pakhat bueng oen hingna khuila na kuun te theen ngaai.

Mathai 5:22

Tede tahe ah kavan thui u, “A-u khaw a maya manau tengah a thin a sa atah awlcekna ah a pha ai. A-u khaw a maya manau te tula na thuum nawh a tina atah awlcekna yung a pha ai, a-u khaw a maya manau te thlaangngau paathuu a tina atah rih awmna hell hai khuiah a thlaak ai.

Marku 9:43

Tedawngah na kut lawng na oengna te a phelh sak atah tloek poet hawn! Na kut pahih oen aka duek tlaih nawh hell hai khuiah na tlaak lak atah na kut pakhat bueng oen hingna khuiah na kuun te theen ngai.

Marku 9:46

Te huen atah ahimi aka ca ami te khaw duek tlaih nawh tih ahimi aka ung sak hai te khaw duek tlaih nawh.

Luka 14:26

“A-u khaw ka tengla aka law thlaang thli lawngah a manu oen ana pa te a lungna lak ah khaw, a yu oen a ca thli te a lungna lak ah khaw, a maya manau thli oen a ngannu thli te a lungna lak ah khaw, amah oen amah te a lungna u lak ah khaw kai he aka lungna ngaai nawh tah ka hubang la awm thai ma-nawh.

Johan 3:3

Jesuh lawng ahih nala te, “Awltak kavan thui: a-u khaw a thang koep nawh atah Pathen Ram te hu manawh.” tila a thui pe.

Johan 3:5

Jesuh lawng, “Awltak tang kavan thui, a-u khaw tui oen muithla oen ah a thang nawh atah Pathen Ram khuiah kuun thai manawh.

Galati 4:15

Te vengah te nangmi na awmngaih tangkiik u! Tahe ah me tih na ti u? Coengg thai kawinih na mik pateng khaw koeih pak tih kai he peek hamla na ngaih u tite ka thui thai.