Marku 9:44 - Matu Chin New Testament 2006

⁴⁴ Te huen atah ahimi aka ca ami te khaw duek tlaih nawh tih ahimi aka ung sak hai te khaw duek tlaih nawh.

Matu Bible

⁴⁴ Na kho long khaw nang n'khah atah hlueng mai.

Marku 9:44 Iomraidhean Croise

Mathai 25:41

“Tecoengah Sengpahrang lawng a banvoei benkah aka awm hue tengah ‘Nangmi Pathen lawng a kawsina’ thlaang thli ka teng kalawng atloela cet uh. Seitan oen a hubang hue ham aroek abah pe sut dungyan haialh khuila cet uh.

Mathai 25:46

Tecoengah ahimi te dungyan patang raina huen ah a tuih vetih thlaangdoeng hue te tah dungyan hingna ah cet u ai,” a tina.

Mathai 3:12

A kut dawngah caang yahna raa a pawm vetih caang te aciimla a yah ai, caangtak te thaidi dawng a khueh ai, tede caanghii te tah aka duek thai tlaih nawh hai dawngah a phuum ai,” a tina.

Marku 9:43

Tedawngah na kut lawng na oengna te a phelh sak atah tloek poet hawn! Na kut pahih oen aka duek tlaih nawh hell hai khuiah na tlaak lak atah na kut pakhat bueng oen hingna khuiah na kuun te theen ngai.

Marku 9:45

Na khow lawng na oengna te a phelh sak atah na khaw te tloek poet hawn! Na khow pahih oen hell khuiah na tlaak lak atah na khow pakhat bueng oen hingna khuiah na kuun te theen ngaai.

Marku 9:48

Te huen atah ahimi aka ca ami khaw duek tlaih nawh tih ahimi aka ung sak hai khaw duek tlaih nawh.

2Thessalonika 1:9

Ahimi lawng dungyan rawkna, dantat patangna te a khang u ai, Bawipa lawng amah kah thlaang boeih teng kah ruep-awmna oen ah amah aka oeng thlaang boeih tengkah hinyahna te dang ham,

Olphong 14:10

Pathen kah thinsana misuryuu, a thinsana boengloeng khuiah tharana abepirla a thloen misuryuu te a awkk ai! Aka aw boeih te tah aciim vanthlaang thli oen tuuca haiah kat haialh dawngah a heem atek ai.

Olphong 20:10

Tecoengah ahimi aka thailatna Raaibawi te satluung oen tawngha rawlrap thli a voeihna huen kat hai-alh khuila a dawng; te huen ah ahimi tah dungyan toela yiin oen daai patang a khang ai.

Olphong 20:15

Hingna cabu dawngah a miing a thut nawh thlaang boeih te tah haituilii khuila a voeih u.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.