Marku 9:42 - Matu Chin New Testament 2006

⁴² “A-u khaw he ang camaw thli timkah pakhat mai te khaw, kai a oengna te phelh sak ham aka suek tah caang neetna sum lungto te a rawn ah a awi tih tuiliidung ah sungpung kawinih ahih ham theen bet ai.

Matu Bible

⁴² U long khaw kai aka tangnah camoe rhoek he pakhat khaw a khah atah a rhawn ah laak phaklung a oi tih tuili ah voei koinih anih ham hnothen la lat om coeng.

Marku 9:42 Iomraidhean Croise

Mathai 17:27

Tede he thlaang hue he a thinsa sak ham ka ngaih nawh. Tedawngah tuilii la cet lang nga vaih lah. Lamhacuek la na tuuk nga kah a kaa khuiah nang oen kai ham Tempal mangmu peek khoek tangka na dang ai. Te tangka te lo langtah mahih kah mangmu la ahimi te pe hawn, a tina.

Mathai 18:10

“Nangmi lawng he ang camaw pakhat Pateng khaw huhsit nawh ham ngaithuen uh. Atak tang kavan thui u, ahimi doenkung vanthlaang tah Vaan kah a Pa haiah awm yoeyah u.

Mathai 18:6

“Kai aka oeng camaw pakhat kah a oengna te a phelhna ham a-u lawng-khaw a suek atah caang neetna lungto sum bohlang a awi tih tuilii ah tla kawinih ahih ham theen bet ai.

Caeltueih 9:4

Ahih te dilai ah tlim tih, “Sawl, Sawl! N'tu ah kai he nan heem nan tek aih?” tila awl kam at te a yaak.

Rom 14:13

Tedawngah pakhat oen pakhat coelna he toeng u poen sih. Te lak atah, na maya manau a tlimna ham oen thawlhna khuiah a tlaakna koei te metuek khaw sai nawh ham tha huer uh.

Rom 15:21

Caciim lawngah, “Ahih kah akawng te aka thui noek nawh hue lawng a huh u vetih aka ya noek nawh thli lawng a yaakming u ai,” tila a thui angla te awm.

Rom 16:17

Maya manau thli: pekbona aka thoeng sak thli oen oengna te aka thumhang sak oen ah nangmi lawng na cang u tangte cangpueina aka oelh-taih thli te ngaithuen ham kan uen u: Ahimi teng kalawng thloeng uh.

2Korin 6:3

Kaimi kah biibi he a-u lawngkhaw a cawtt abauh ham te ka ngaih u nawh dawngah a-u kah lawngpui ah khaw kanghalhna khat khaw ka khueh pe u nawh.

Philipi 1:10

Te dengah ni Khrih Khawhin ah ciimna nawh boeih oen thawlhpeelna boeih kalawng na loeih u ai.

1Timothy 5:14

Tedawngah mami aka raalna thlaang thli lawng mami kawng he athela thuina tue khaw a dang nawh ham kumno huhai tumtee hue lawng vaa a sak tih ca-anau khueh ham, amami kah imkhuikaw te a cawm acah u ham ka ngaih.

2Peter 2:2

Te tila a awm u lal maiah pateng ahimi kah athe khawboe ramlang te thlaang yahawh lawng a oett u vetih ahimi lawng athe a sai u dawngah awltak lawngpui te thlaangtloe lawng athela a thui ai.