Marku 9:25 - Matu Chin New Testament 2006

²⁵ Jesuh lawng thlaangping amah tengla voeh ava yoeii phai te a huh vengah raaithe nala, “Awlmueh oen haapang raaithe nang awl kan peek, Camaw kaw khui kalawng co langtah mevengah khaw kuun koep tlaih boel!” a tina.

Matu Bible

²⁵ Jesuh loh hlangping a khong te a hmuh vaengah, mueihla thae te a ho tih, “Olmueh neh hnapang mueihla Kai loh nang kan tueih. Anih taeng lamkah loh cet lamtah anih khuiah kun voel boeh,” a ti nah.

Marku 9:25 Iomraidhean Croise

Mathai 12:22

Tecoengah thlaang khatsut lawng raaithe a khueh dawngah a mik pum tih awl aka mueh thlaang pakhat te Jesuh tengla avan law puei u. Jesuh lawng te thlaang te a hoeih sak dawngah awl khaw a thui thai tih a mik khaw tueng koep.

Mathai 17:18

Jesuh lawng raaithe te awl a peek tih camaw kaw khui kalawng raaithe te co, kawlkalh ah ahih tah hoeih pahoei.

Marku 9:15

Thlaangping lawng Jesuh te a huh u vengah a kawpoek rai tangkiik, a tengla cet u tih a voemtoei u.

Marku 9:24

Tevengah camaw kah ana pa lawng, “Oengna ka khueh ta, tede khoek nawh, m'bawm lah!” tila angaih hlang la paang.

Marku 9:26

Raaithe te angaihhlangla paang tih Camaw te langlang a thuen sak tih co. Camaw te duek rawkk angla awm tih thlaang boeih lawngah, “Duek poen” ti u.

Luka 11:14

Raaithe lawng akuun tih awl aka mueh thlaang pakhat kah a kaw khui kalawng raaithe te Jesuh lawngah a hek tih te thlaang te raaithe lawng a ceh taak coeng atah awl cal. Thlaangping tah a kawpoek la rai sut u,

Luka 4:35

Jesuh lawng raaithe nala te, “Awl muehla te kah thlaang kaw khui kalawng cet loeih!” tila awl a peek. Raaithe lawngah te kah thlaang te ahimi haiah te a tlim sak tih nganbawh peek muehla ahih kah a kaw khui kalawng cet.

Luka 4:41

Raaithe thli lawngkhaw thlaang yahawh hlang kah a kaw khui kalawng co u tih, “Nang tah Pathen Capa ni,” tila paang u. Raaithe thli lawng ahih te Messiah ni tila a ming u dawngah ahimi te awl cal nawh ham Jesuh lawng awl a peek.

Luka 8:29

Jesuh lawng raaithe te ahih kaw khui kalawng ram la ceh ham awl a peek dawngah ni te tila a tina. Ahih kaw khuiah te raaithe kuun poepa tih a kut a khow te thiirui oen rap a piin tih a khawh khaklal u de thiirui te a bot tih ramhum huhang la raaithe lawng a viil puei.

Luka 9:42

Tawngpaca te a law phai vengah raaithe lawng ahih te a thuen sak tih dilai dawng tlup a tlim sak. Jesuh lawng raaithe te awl a peek, tawngpaca te a hoeih sak coengah ana pa tengah koep a peek.

Caeltueih 16:18

Te tila te khawhin sanhlang ahih tah paang khiing, Pawl te thinsabat la a khueh aih dawngah a hu la maang dak tih raaithe nala te, “Jesuh Khrih miing oen ah ahih kaw khui kalawng co loeih kan tina he!” a tina. Tevengca roe ah ahih kaw khui kalawng raaithe te co pahoei.

Jude 1:9

Vanthlaang ukkung Maikal lawng pateng he tila sai nawh. Mosi rawkk te a-u lawng a lawh ai tila Seitan oen oelhtaih u tih a tawh athaam u vengah awlthe awlkha oen Seitan te Maikal lawng tapvoep ngam nawh, tede “Bawipa lawng nang ng'ho” a tina.