Marku 8:35 - Matu Chin New Testament 2006

³⁵ A-u khaw a hingna thlawn ham aka ngaih tah a hingna te sung ai, tede a-u khaw awlthang theen oen kai kawng dawngah a hingna te a sung atah a hingna a thlawn ai.

Matu Bible

³⁵ Amah khaw a hinglu te khang ham aka ngaih tah a hlong ni. Tedae amah khaw kai neh olthangthen ham a hinglu aka hlong tah daem ni.

Marku 8:35 Iomraidhean Croise

Mathai 10:22

Kai kawng dawngah thlaang boeih lawng nangmi te n'thina ai; tede a-u khaw aboettoe ueh atah Pathen lawng a thlawn ai.

Mathai 10:39

A-u khaw a hingna dang ham aka yawm tah a hingna a thlawng ai; a-u khaw kai kawng dawngah a hingna te a thlawng atah hingna te a dang ai.

Mathai 16:25

A-u khaw a hingna thlawn ham aka ngaih tah a hingna te a thlawng ai. Tede a-u khaw kai kawng dawngah a hingna te a sung atah hingna a dang ai.

Mathai 19:29

Tecoengah a-u khaw kai kawng dawngah a im oen a lo, a maya manau, ngannu nganca, a manu ana pa oen a ca te aka ceh taak thlaang tah te yueng te a pueh yakhat la a dang u vetih dungyan hingna te a dang baal ai.

Marku 8:36

Thlaang pakhat lawng dilai pum he amah koe la khueh mai cakhaw a hingna te a sung atah aphu awm aw? Aphu awm tlaih nawh!

Luka 17:33

A-u khaw a hingna te thlawn hamla a yawm atah a hingna te sung ai; A hingna te a sung atah hingna te a dang ai.

Luka 9:24

Metihtiah a-u khaw amah kah hingna te thlawn ham aka ngaih tah a hingna te a thlawng ai, tede a-u khaw kai kawngah a hingna te a thlawng atah a hingna te a thlawn ai.

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Caeltueih 21:13

Tede ahih lawng, “Me tih na ti u, he tila na rah u he ka thin navan hoepp sak u! Jerusalem ah piin ayeen ham bueng oepsoehla ka awm nawh, te ah te Bawipa Jesuh kawngah duek ham pateng khaw oepsoehla ka awm poen.” a tina.

Caeltueih 9:16

Tecoengah kamah roeroe lawngah kamah kawngah patang a khang ham koei boeih te ka huh sak ai.” a tina.

1Korin 9:23

He ang thli boeih he awlthang theen kawngah ni ka sai, awlthang theen dawngkah yotheen kam-awmna te rek-ara thaina ham ni.

2Korin 12:10

Khrih rang oen atah ka tha a yokna dawngah, thekhana dawngah, raina dawngah, heemtekna oen patang khangna dawngah ka awmngaih poen. Metihtiah ka tha a awm nawh vengah ni ka tha a ra.

2Timothy 1:8

Tecoengah mami kah Bawipa kawng te thui hamla yak boel; Khrih kawngah thong aka tla kai kah kawngah khaw yak boel. Pathen lawng tharana m'peek angla te Awlthang Theen hamla khawdeng patang khang hawn.

Hebrew 11:35

Oengna rang oen ah hutaa thli kah a cakaw thlaang duek thli te hing koep u. Thlaangtloe hue lawngtah atheen ngaai thawh koep hingna te a ngaih u dawngah loeihna te lawh ngaih ohla a thana tih heemtekna oen duek u.

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.

Olphong 7:14

Kai lawng, “Ka ming nawh, Bawipa, Nang lawng ni na ming,” ka tina. Ahih lawngah, “He kah thlaang hue he tah mueirihtamyiin heemtekna kalawng aka loeih thli ni, Ahimi lawng Tuuca thisen oen a himbai te a suk u tih aciim sak u poen.