Marku 8:34 - Matu Chin New Testament 2006

³⁴ Tecoengah Jesuh lawngah thlaangping oen a hubang hue te amah tengla a khue tih ahimi nala te, “A-u khaw ka hu ah bang hamla aka ngaih tah amah kaw ngaih te hoett selang amah kah thinglam te kawt selang tah ka hu ah bang seh.

Matu Bible

³⁴ Te phoeiah a hnukbang rhoek neh hlangping te a khue tih, “Khat khat loh kai hnukah vai ham a ngaih atah amah a huek uh phoeiah a thinglam te kawt saeh lamtah kai m'vai saeh.

Marku 8:34 Iomraidhean Croise

Mathai 10:38

A-u khaw amah kah thinglam te a kawh tih ka hu aka vai nawh tah kai kah hubang la koeih nawh.

Mathai 16:24

Tecoengah Jesuh lawng a hubang hue te, “A-u khaw ka hu ah law ham a ngaih atah amah kawngaih te hoett selang amah kah thinglam kawh ruila ka hu ah bang seh.

Mathai 27:32

Te tila a ceh u vengah Sairin khaaw kah Simon te a huh u tih raalkap hue lawng amangkhakla Jesuh kah thinglam te a kawh sak u.

Marku 10:21

Jesuh lawng ahih te a lungna tih a bueh rangpatang, “Thaihu khat bueng ni na voet. Cet langtah na khuehtoen boeih te yooei lang tangka te khawdeng harah thli van peh, te atah vaan ram ah ro thaihu na khueh ai, tecoengah law langtah ka hu ah va baang,” a tina.

Marku 7:14

Tecoengah Jesuh lawng thlaangping te amah tengla a khue koep tih ahimi nala, “Nangmi boeih lawng ka awlthui he hutung u langtah yaakming u lah!

Luka 13:24

Jesuh lawng ahimi nala, “Thawhka ceek ah te kuun ham yawm u lah; thlaang yahawh lawng kuun ham a yawm u ai, tede kuun thai u manawh.

Luka 14:33

Jesuh lawng awlcuina ah, “Tetih van angla nangmi timkah pakhat lawngah soeprep boeih te a hoett nawh atah ka hubang la coengg thai manawh.” a tina.

Luka 18:22

Jesuh lawng he awl he a yaak vengah ahih nala te, “Nang lawng na sai ham pakhat a ngoe toengtoeng hun. Na khueh boeih te yooei langtah tangka te khawdeng thli te peh, te atah nang lawng vaan ram ah koeva thaihu na dang ai; tecoengah law langtah ka hu ah bang lah.” a tina.

Luka 20:45

Thlaangping lawngah ahih kah awl te a hutung u lii vengah Jesuh lawng a hubang hue te,

Luka 9:23

Tecoengah ahimi boeih tengah te, “A-u khaw ka hu ah baang ham a ngaih atah, amah kawngaih te hoett seh, amah kah thinglam te hin roekk ah kawt selang tah ka hu ah bang seh.

Johan 10:27

Kamah kah tuuca lawngtah ka awl he a hutung; tuu thli te ka ming tih ka hu ah va bang u.

Johan 19:17

Amah thinglam te kawh ruila cet tih, “Luuruh Huen” a ti u te a pha. (Hebru awl la tah, “Golgota” ti u.)

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

Rom 6:6

Mami kah hing ruem te Jesuh Khrih oen thinglam dawngah khiing haih la awm poen tite m'ming u. Te tila a khiing haih he tah thawlhna oen aka be pumsa hing ruem te phe boeih tih thawlhna sal la awm tlaih nawh ham ni.

Rom 8:17

Mami tah amah kah ca-anau la n'awm u veng kalawng a thlaang hue ham a khueh pe kam-awm yotheenna te n'dang van ai. Pathen lawng Khrih ham a khueh pe te mami lawngkhaw m'paang van ai; metihtiah Khrih kah patangraina te n'cuut u atah, mami lawng amah kah ruep-awmna te khaw m'paang van ai.

1Korin 15:31

Maya manau thli, kai tah khawhin roekk ah pacil pahaai duek thlipit la ka awm poepa! Nangmi he tah mami kah Bawipa Khrih Jesuh oen pum khat la awmna ah ka pawmsangna la na awm u dawngah he tila ka thui ni.

1Korin 8:13

Tedawngah caak awkk lawng maya manau thli te a thawlh sak atah maya manau thli thawlhna dawngah a tlim u nawh ham luciik sa te metuek ah khaw ka ca koep tlaih manawh.

1Korin 9:19

Kai tah a-u kah saltamnaa la khaw ka awm nawh, kai tah thlaangcuem ni; tede thlaang yahawh te ka doek thaina ham kamah oen kamah thlaang boeih kah sal la ka awm.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

Galati 5:24

Tecoengah Khrih Jesuh kah thlaang la aka awm lawngtah amami kah thlaanghing coenggna dawngkah athe ngaihsoehna oen pumsa hue-ngaihna boeih te thinglam dawngah a ngawn poen.

Galati 6:14

Tede, kai tah mami Bawipa Jesuh Khrih kah thinglam bueng ni ka oekthloenna ai; metihtiah kai ham tah Khrih thinglam rang oen ah dilai he duek poen; kai khaw dilai ham tah ka duek poen.

Philipi 3:10

Kai lawng ka ngaih tah Khrih te ming ham oen ah amah thawhkoepna huham tharana te ming van ham amah kah patang khang te khang van ham oen ah amah angla duek van ham ni.

Philipi 3:7

Tede he thaihu boeih he kai ham thaawnna ni tila ka poek koei te tahe tah sungna ni tila Khrih rang oen ah ka poek poen.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

Kolosa 3:5

Tecoengah dilai pumsa ngaihna nangmi kaw khuiah bii aka bi hutaa tawngpa thawlhna, ciimcaih nawh khawsakna, halhna, athe ngaihsoehna, apueh ngaihna, he ang thli boeih he na duek sak ham awm. (Metihtiah apueh ngaihna he kutsaimuei bokna pakhat van ni)

2Thessalonika 3:11

Te tila kan tina u te tah nangmi timkah thlaang khatsut tah thayong tha-ngak la awm u tih bii khaw sai ohla thlaangtloe kah biibi te rawlraak thlaang la awm khoeng tite ka yaak u dawngah ni.

Titus 2:12

Te lungvatna lawngtah Pathen tula sak ohla hingna, dilai thaihu ngaihmoekna te hoett ham, mah oen mah kuemsuemna, doengna oen he dilai dawngah Pathen kawngaih la hingna oen awm ham mami te n'thuituen.

Hebrew 13:13

Tedawngah rehbukk adauben ah amah tengla te cet u silang ahih kah yarau a phueih te phuei u van sih.

1Peter 4:1

Khrih lawng amah pum dawngah patang a khang poen dawngah nangmi lawngkhaw ahih kah thinkaw a khueh te ang te khueh u van lang na tha thlue sak u lah; metihtiah a-u khaw pumsa dawngah patang aka khang tah thawlhna oen bawl-aneeng u tlaih nawh.

1Peter 4:13

Te lak atah Khrih kah patang khangna te na khang u van dawngah awmngaih u lah. Te ah ni ahih kah ruep-awmna a tueng vengah nangmi lawng awmngaihna oen na betoet ai.

2Peter 1:14

Mami kah Bawipa Jesuh Khrih lawng aciimphanla ka tengah avan thui poen angla he aka duek thai pum he tah ka dul yue poen ai tila ka ming.

1Johan 3:16

Lungna he me ang nuem tila m'mingna tah he tila ni: Khrih lawng mami hamla a hingna te a peek. Tedawngah mami lawngkhaw maya manau thli hamla hingna he peek van hamla awm!

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.