Marku 7:34 - Matu Chin New Testament 2006

³⁴ Tecoengah Jesuh te vaan la maang hang, adung hlang la hill a sang tih te thlaang nala te, “Effatha,” a tina. A thuingaihna tah, “Awng u loeih.” tina ni.

Matu Bible

³⁴ Vaan la oeloe tih a huei phoeiah anih te, “Ephphatha [khui saeh tila om],” a ti nah.

Marku 7:34 Iomraidhean Croise

Marku 1:41

Jesuh lawng a reen tangkiik dawngah a kut a thueng tih a tek, “Hoeih sak ham ka ngaih ta, hoeih loeih,” a tina.

Marku 15:34

Thlemben khawnoek pathum tue vengah Jesuh lawng, “Eloi, Eloi, Lama sabaktani?” tila angaih hlang la paang. A thuingaihna tah, “Ka Pathen, ka Pathen, n'tu kawngah nan hoett sut?” ti ngaihna ni.

Marku 5:41

Camaw te a kut ah a phoeih tih, “Talitha, koum” a tina. A thuingaihna tah, “Hutaaca tho lah! kan tina.” tina ni.

Marku 6:41

Tecoengah Jesuh lawng takawi cuun ngaa oen nga pahih te a lawh, vaan la maang hang tih Pathen tengah awmngaih awl a thui. Takawi te a eh tih thlaangping te rek ra ham a hubang hue tengah a peek. Nga lunghih te khaw ahimi tengah a ree pe.

Marku 7:35

Kawlkalh ah te thlaang lawng awl a yaak thai, ahih kah awlthui kanghalhna te khaw ha-ata tih raina khat khaw awm muehla awl cal.

Marku 8:12

Tede Jesuh lawng adung hlang la a hill a sang tih, “N'tu ah tihin hang kah thlaang lawng he kawpoekrai-miknoek a kuek u kai aw? Ka sai manawh, atak tang kavan thui u! Te ang te tihin hang kah thlaang thli tengah ka sai manawh,” a tina.

Luka 18:42

Jesuh lawng, “Na mik tueng koep seh! Na oengna lawng na mik avan tueng sak poen.” a tina.

Luka 19:41

Jerusalem khawpui te a pha tawm tih, Jerusalem te a huh atah rap.

Luka 7:14

Tecoengah Jesuh te cet phai tih repp te a tek, tevengah rawkk aka kawt thlaang thli te cot pai u. Jesuh lawng, “Cadawng tawngpang! Tho hang lah, kan tina he!” a tina.

Johan 11:33

Jesuh lawng ahih kah rah te khaw, ahih oen aka awm haih hue kah rah te khaw a huh, a thinkaw a phoel pe tih a kawsi la dung.

Johan 11:35

Jesuh rap.

Johan 11:38

Jesuh tah kawsi la dung tih thlann la te cet, phuel te lungkaw la awm tih thlann te lungpeel oen a tleng u.

Johan 11:41

Ahimi lawng lungpeel te a khue u. Jesuh te vaan la maang hang tih, “A Pa, ka awl na hutung tih ka awmngaih tangkiik.

Johan 11:43

He tila a thui coengah angaihhlangla a khue tih, “Lazaruh law lah!” a tina.

Johan 17:1

Jesuh lawng he awl he a thui coengah ahih tah vaan benla maang hang tih, “A Pa, atue tah a pha poen. Na capa kai lawng nang te ruep-awmna kan peekna ham na capa he ruep-awmna m'pe lah.

Caeltueih 9:34

Piter lawng ahih nala te, “Anias, Jesuh Khrih lawng na sa avan ding sak poen. Tho langtah na ihphah te yaawl.” a tina tih Anias te pahoei tho.

Caeltueih 9:40

Piter lawng ahimi boeih te im han kalawng ram la a ceh sak coengah khuklu oen cuengkueng tih thangthui; tecoengah rawkk benla maang tih, “Tabita, tho lah!” a tina. A mik a daai tih Piter te a huh vengah tho tih ngawl.

Hebrew 4:15

Mami kah Khawsoeih Bawi he mami kah tharana nawh dawngah reenna aka khueh thai nawh khawsoeih aih moenih ta. Mami kah khawsoeih Bawi he mami angla suekna phun soeprep aka tawng van ni, tede thawlhna tehca khaw sai nawh.