Marku 6:41 - Matu Chin New Testament 2006

⁴¹ Tecoengah Jesuh lawng takawi cuun ngaa oen nga pahih te a lawh, vaan la maang hang tih Pathen tengah awmngaih awl a thui. Takawi te a eh tih thlaangping te rek ra ham a hubang hue tengah a peek. Nga lunghih te khaw ahimi tengah a ree pe.

Matu Bible

⁴¹ Te vaengah vaidam hluem nga neh nga lung nit te a doe. Vaan la oeloe tih a uem phoeiah vaidam te a aeh tih hlangping paek ham a hnukbang rhoek te a paek. Nga rhoi te khaw boeih a rhek.

Marku 6:41 Iomraidhean Croise

Mathai 14:19

Thlaangping te pompih dawngah ngawlh ham awl a peek; tecoengah takawi cuun ngaa oen nga pahih te a lawh, vaan la maang tih Pathen tengah awmngaih awl a thui. Jesuh lawng takawi te a eh coengah a hubang hue te a peek tih a hubang hue lawng thlaangping tengah a ree pe.

Mathai 15:36

Tecoengah takawi cuun rih oen nga te a lawh tih Pathen tengah uemna awl a thui coengah takawi oen nga te a eh tih a hubang hue te a peek. A hubang hue lawng thlaangping tengah a ree pe.

Mathai 26:26

Buh a caak u lii vengah Jesuh lawng takawi pheel at te a lawh tih a thangthui coengah takawi te a eh tih a hubang hue te a peek. “He tah ka pum ni; lo u langtah ca uh,” a tina.

Marku 14:22

Ahimi lawng thlembuh a caak u lii vengah te Jesuh lawng takawi a lawh tih awmngaih thangthuina a khueh coengah takawi te a eh tih a hubang hue te a peek. “Lo uh, he tah ka pum ni” a tina.

Marku 6:40

Tedawngah thlaangping hue te yakhat ah thloep at, sawmngaa ah thloep at athaanla khok ngawl u.

Marku 6:42

Thlaang boeih lawng ahahcala a caak u.

Marku 7:34

Tecoengah Jesuh te vaan la maang hang, adung hlang la hill a sang tih te thlaang nala te, “Effatha,” a tina. A thuingaihna tah, “Awng u loeih.” tina ni.

Marku 8:19

Thlaang thong ngaa ham takawi cuun ngaa ka eh pe te na hilh u poen aw? Acoeih te vawhphueih meyoeh dawngah abela na cawi u te?” a tina. Ahimi lawng, “Vawh phueih paha thlaihih,” a tina u.

Luka 24:30

Ahih lawngah te rawi oen buh caak haih hamla ngawl, takawi te a lawh tih awmngaih awl a thui, tecoengah takawi te a eh tih te rawi te a peek.

Luka 9:16

Jesuh lawng takawi cuun ngaa oen nga pahih te a lawh tih vaan la maang hang; Pathen tengah awmngaih awl a thui, takawi oen nga te a eh tih a hubang thli tengah te a peek tih thlaangping hue tengah takawi te a ree pe u.

Johan 11:41

Ahimi lawng lungpeel te a khue u. Jesuh te vaan la maang hang tih, “A Pa, ka awl na hutung tih ka awmngaih tangkiik.

Johan 17:1

Jesuh lawng he awl he a thui coengah ahih tah vaan benla maang hang tih, “A Pa, atue tah a pha poen. Na capa kai lawng nang te ruep-awmna kan peekna ham na capa he ruep-awmna m'pe lah.

Johan 6:11

Jesuh lawng takawi te a lawh tih Pathen tengah awm-ngaih awl a thui, tecoengah te kah aka ngawl thlaangping tengah te a ree. Nga te khaw te tila te a sai tih ahimi lawngah ahahla a caak u.

Johan 6:23

Tiberias kalawng aka law atloe lowng thli te, Bawipa lawng awmngaih awl a thui coengah thlaangping lawng takawi a caakna huen tuikeeng ah te avan pha u.

Caeltueih 27:35

He tila a thui pe coengah Pawl lawng takawi te thoem a lawh tih ahimi haiah Pathen tengah awmngaih awl a thui, takawi te a eh tih a caak.

Rom 14:6

A-u khaw, khawhin hin at te alue koek la a poek atah Bawipa te a hinyahna ni. A-u lawngkhaw soeprep boeih a caak atah Bawipa te a hinyahna ni. Metihtiah ahih lawng caak awkk dawngah te Bawipa tengah awmngaih ciil a thui. Caak awkk te aka yeh khatsut lawngkhaw Bawipa te hinyahna la a yeh van tih Bawipa tengah awmngaih ciil a thui.

1Korin 10:31

Theen ngoen ta, na sai boeih te khaw, na caak na awkk te khaw seh apum boeih la Pathen ruep-awmna ham sai uh.

Kolosa 3:17

Pathen tengah Khrih rang oen awmngaihna na thui u angla soeprep boeih na sai khaw, na thui khaw Bawipa Jesuh miing oen sai uh.