Marku 5:7 - Matu Chin New Testament 2006

⁷ angaihhlangla paang tih, “Sawsang Koek Pathen Capa Jesuh, kai he metila sai ham na ngaih? Pathen rang oen reenna kavan bih, dan n'tat mai boel!” a tina.

Matu Bible

⁷ Te phoeiah ol ue la pang tih, “Khohni Pathen Capa Jesuh, nang neh kai balae benbo benpang? Pathen rhangneh nang taengah ol ka hlo, kai he n'phaep mai boeh,” a ti nah.

Marku 5:7 Iomraidhean Croise

Mathai 16:16

Simon Piter lawng, “Nang tah aka hing Pathen Capa Messiah ni,” a tina.

Mathai 26:63

Tede Jesuh lawng n'tu khaw thui nawh. Khawsoeih Bawi lawng pai koep tih, “Aka hing Pathen miing ka phoei tih kan doet: Nang he Pathen Capa Messiah tang aw thui lah?” a tina.

Mathai 4:3

Tecoengah Seitan lawng ahih tengla law tih, “Nang he Pathen Capa tangtang la na awm atah, lungto thli he buh la coeng sak lah” a tina.

Mathai 8:29

Ahih rawi lawng, “Nang Pathen Capa, kaihih sawah n'tu sai ham na ngaih? Atue akhoek thlan ah kaihih he dantat hamla na law aw?” tila paang hih.

Marku 1:24

“Nazaret Jesuh, kaimi he metila sai ham na ngaih? Kaimi he phe ham aw na law? Nang he me ang thlaang ti he kan ming: Nang tah Pathen kah laipai thlaang ciim ni” a tina.

Marku 14:61

Tede Jesuh lawng a hill a phah duem tih awl kam at khaw thui nawh. Khawsoeih Bawi lawngah, “Nang he Theenduet Pathen Capa Messiah aw?” tila koep a doet.

Marku 3:11

Raaithe aka khueh thlaang boeih lawng ahih te a huh u vengah a haiah buekuep u tih thuen ruila, “Nang tah Pathen Capa ni.” tila paang u.

Marku 5:6

Ahih lawng Jesuh te a huh vengah te ahih tah athlala awm; tedawngah heeng tih Jesuh haiah khuklu oen a cuengkueng pe,

Marku 5:8

Jesuh lawng, “Nang Raaithe, he thlaang kah a kaw khui kalawng co loeih!” a tina dawngah ni he tila a paang.

Luka 1:32

Ahih tah bawilen vetih Tloeng Khoelh Pathen Capa ti u ai. Bawipa Pathen lawngah ahih te patuer Devid angla te sengpahrang la a khueh ai,

Luka 4:34

“Aah! Nazaret Jesuh, kaimi he metila kan tina ai na ti? Kaimi he phe ham aw na law? Nang he a-u tite kan ming: nang tah Pathen kah aciim laipai ni!” a tina.

Luka 6:35

Nangmi lawngtah te tila sai boel! Na raal thli te lungna langtah ahimi sawah theenna te sai peh; thaihu te pu u lah, dang koep ham ngaiuep hanlan tlaih boel. Nangmi lawng alentloe kutdo na dang u vetih Tloeng Khoelh Pathen kah ca anau la na awm u ai. Metihtiah ahih tah lungvatna aka ming nawh oen thlaangthaipalat thlaang thli sawah theenna te a sai pe.

Luka 8:28

Ahih lawng Jesuh te a huh vengah angaihhlangla paang tih a khowkung ah te a buekuep pe tih, “Tloeng Khoelh Pathen Capa Jesuh! Kai he metila sai ham na ngaih? Kai he dan n'tat mai boel, reenna kavan bih!” tila te paang.

Johan 20:31

Tede Jesuh tah Messiah, Pathen Capa ni tite nangmi lawng na tangna u tih ahih te na oengna rang oen hingna te na khuehna u ham he ang thli he thut la awm.

Caeltueih 16:17

Ahih te kaimi oen Pawl hu ah law tih, “He kah thlaang thli he tah Tloeng Khoelh Pathen kah tuihyoeihthlaang thli ni! Nangmi lawngah thlawnna te metila na dang u thai ai tite ahimi lawng avan thui ai!” tila paang.

Caeltueih 19:13

Judah thlaang khatsut raaithe hek hamla aka yingyo thlaang thli lawngkhaw Jesuh miing te hawna ham a yawm u. Ahimi lawng raaithe thli nala te, “Pawl lawng a phawng Jesuh miing oen ah awl kan peek, co u loeih,” a tina.

Caeltueih 8:36

Ahih rawi tah poe cet thuk hih, tui a awmna te a pha hih veng atah te kah bawi lawng, “He ah tui awm he. Baptisma dang ham n'tu lawng kai he n'kang khak ai?” tila a thui.

Rom 16:20

Mami kah ngaimawngna kungpui Pathen lawngah Seitan te nangmi kah khowtang ah a neet yue poen ai. Mami Bawipa Jesuh kah lungvatna tah nangmi tengah awm hawn seh.

Hebrew 2:14

Te tila ca-anau a tina thlaang thli te tah thi-asa oen aka awm thlaang thli ni. Jesuh amah khaw ahimi angla thi-asa oen awm tih ahimi kah thlaanghing pumsa coenggna angla awm van. Te tila a awm te tah amah kah duekna rang oen duekna sawah huham tharana khuehkung Raaibawi te phe ham tih,

Hebrew 7:1

Melkhizedek he tah Salem seng-pahrang la awm tih Tloeng Khoelh Pathen kah khawsoeih la khaw awm. Abraham lawng raal a teek tih sengpahrang palii hue te a taana huen kalawng a law koep vengah Melkhizedek lawng a do tih ahih te yotheenna oen a phueh a sawm.

James 2:19

Nangmi lawngah Pathen pakhat bueng awm ti he na tangna u. Theen ngoen! Raai thli lawngkhaw a tangna u tih rihna oen thuen u.

2Peter 2:4

Pathen lawngtah thawlhna aka sai vanthlaang thli te thlung nawh tih ahimi te hell khuila a voeih, yiinna khuiah ahimi te thiirui oen a khih tih awlcekna khawhin te a ring u.

1Johan 3:8

A-u khaw thawlhna aka sai poepa tah Seitan thlaang ni, metihtiah Seitan tah acuek veng kalawng thawlhna a sai roe poen. He kawng ah he Seitan kah sai boeih te phe ham ni Pathen Capa tah a law.

Jude 1:6

Amami kah awmna huen a hoett tih, amami kah khuehtoen saithaina ari amawng khuiah aka awm nawh vanthlaang thli te poek u lah: Pathen lawng awlcekna Khawhin pui ah ahimi te dantatna peek ham dungyan thiirui oen a piin tih yiinna khuiah a khueh.

Olphong 12:12

Tedawngah nangmi vaan oen vaan ah aka awm boeih lawng awmngaih u lah! tecakhaw dilai oen tuitunlii hamla tah khawmap tangkiik mah aw! Metihtiah Raaibawi tah nang hih tengla va law thuk tih atue soetca bueng ni a awm tite a ming vengah a thin so sut poen.” tila a thui.