Marku 5:34 - Matu Chin New Testament 2006

³⁴ Jesuh lawng, “Ka canu, na oengna lawng n'hoeih sak poen. Ngaimawng la cet loeih, na tlawhna hoeih loeih seh.” a tina.

Matu Bible

³⁴ Te dongah anih te, “Ka canu, na tangnah loh nang ng'khang coeng, ngaimong la cet lamtah na tlohtat lamkah loh sading la om laeh,” a ti nah.

Marku 5:34 Iomraidhean Croise

Mathai 9:2

Te huen ah aka khawn thlaangtlo pakhat te ihphah dawngah avan kawh u tih Jesuh tengla avan khuen u. Jesuh lawng ahimi kah oengna te a huh vengah, aka khawn thlaang te, “Ka capa, na ngai mawng sak! na thawlhna boeih khawdawpngaai la awm poen” a tina.

Mathai 9:22

Jesuh lawng a hu benla mang tih hutaa te a huh vengah, “Ka canu na ngaai mawng sak; na oengna lawng n'hoeih sak poen,” a tina. Teveng tue roe ah hutaa te hoeih pahoei.

Marku 10:52

Jesuh lawng, “Cet loeih, na oengna lawng avan tueng sak poen,” a tina. Kawlkalh maiah ah a mik tueng koep tih te lawngpui ah te Jesuh hu ah baang pahoei.

Marku 3:10

Thlaangtlo yahawh hlang te a hoeih sak dawngah thlaangtlo boeih lawng Jesuh te tek hamla tulh u the.

Marku 5:29

Ahih lawng Jesuh kah himbai te a tek, tevengah thisuntlaak te khap dip pahoei tih a tlawhna hoeih poen tila a kaw khuiah a ming.

Marku 5:33

Te hutaa lawng ahih sawah thaihu aka thoeng te a ming, tedawngah rih oen thuen ruila law tih Jesuh khow kungah khuklu oen cuengkueng tih asoengla boeih a thui pe.

Luka 17:19

Jesuh lawng ahih nala te, “Tho lang cet loeih; na oengna lawng n'hoeih sak poen,” a tina.

Luka 18:42

Jesuh lawng, “Na mik tueng koep seh! Na oengna lawng na mik avan tueng sak poen.” a tina.

Luka 7:50

Tecoengah Jesuh lawng hutaa nala te, “Na oengna lawng n'thlawn poen: ngaimawng ngaitoe la cet loeih” a tina.

Luka 8:48

Jesuh lawng ahih te, “Ka canu, na oengna lawng n'hoeih sak poen. Ngaimawng la cet loeih” a tina.

Caeltueih 14:9

Ahih tah te ah te ngawl tih Pawl kah awl thui te a hutung. Pawl lawngah, ahih lawngtah a tangna dawngah hoeih thai ai tite a huh, tedawngah rangpatangla a bueh heet tih,

Caeltueih 15:33

Ahih rawi tah te ah te akhoek anoen a awm hih coeng atah oengca thli lawng sading ngaimawng la a thak u tih aka tuihkung thli tengla koep meel hih.

Caeltueih 16:36

Tevengah thong ukbawi lawng Pawl nala te, “Bawi thli lawngah nang oen Silas te thlah hamla thlaang avan tuih poen. Tedawngah na cet thai hih poen, ngaimawng ngaitoe la cet hih loeih.” a tina.

James 2:16

Ahimi lawng a hingna hamla angoe te na peek nawh maiah, “Pathen lawng yotheen kam-awmna m'pe seh! Lum-up la awm langtah ahah la ca uh!” tila nangmi lawng ahimi na tina te n'tu theenna a awm?