Marku 4:20 - Matu Chin New Testament 2006

²⁰ Tede atloe thlaang thli tah lai theen dawngah a tuh caangti oen lo u. Ahimi lawng Pathen awl te a yaak u vengah a do u tih a vui athaih thawn. Khatsut tah a pueh sawmthum, khatsut tah a pueh sawmruk, khatsut tah a pueh yakhat toela thawn.” a tina.

Matu Bible

²⁰ Tedae lai then ah tuh la aka om rhoek tah ol te a yaak uh vaengah a doe uh tih a ngen tah thumkip, a ngen tah sawmrhuk, a ngen tah yakhat la thaihtak,” a ti nah.

Marku 4:20 Iomraidhean Croise

Mathai 13:23

Laitheen dawngah aka tla caangti tah Vaan ram kawng te a yaak tih aka yaakming thlaang te a thuingaihna, ahimi tah a vui athaih thaawn tih apueh yakhat, apueh sawmruk, apueh sawmthum la thaawn.

Mathai 13:8

Tede caangti khatsut tah laitheen dawngah tla tih a vui a thaih thaawn. Khatsut tah apueh yakhat, sawmruk, sawm thum toe la nawl.”

Marku 4:8

Tede caangti khatsut tah laitheen dawngah tla tih po, roeng hang tih a vui athaih thawn. Khatsut tah a pueh sawmthum, atloe hue te tah sawmruk, yakhat toela puung.

Luka 8:15

Lai theen dawngah aka tla caangti thuingaihna tah: awlthang theen te a yaak tih thinkaw khuiah hinyahna, doengna oen a khoem tih a vui athaih toela uehna oen aka awm thlaang thli te thuingaihna ni,” a tina.

Johan 15:16

Nangmi lawngah kai he nan tuek nawh; nangmi lawng na cet u vetih yoeyahla aka cak a thaih te na thaihna u hamla kai lawng nangmi he kan tuek tih bii kan peek u. Tedawngah nangmi lawng ka miing oen na bih boeih te a Pa lawng m'peek ai.

Johan 15:2

Ahih lawngah, dawngah athaih aka thaih nawh a beek-athleeng thli te a haih boeih tih athaih aka thaih nawh te khaw athaih ciil te athaihna ham a beek-athleeng thli te a coei pe.

Rom 7:4

Maya manau thli, nangmi khaw te tila na awm u van. Nangmi tah Khrih kah pum vaang la na awm u poen dawngah Phungawl kah ukna khuiah hingna te na hoett u poen. Mami he Pathen kah biibina ah aphu aka awm la coeng ham tahe atah duekna kalawng aka tho koep Khrih kah thlaang la na awm u poen.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

1Thessalonika 4:1

Aboetna ah maya manau thli, Pathen kawhoena ham metila na hing u ham a awm tite kaimi tengah na cang u poen. Kaimi tengkah na cang u angla te na hing u hamla awm tih yahawh ngaaila na hingna tare ham Bawipa Jesuh miing oen ah kan ceel u.

2Peter 1:8

He thli he nangmi lawng na ngoe thaihu ni, he ang he yahawh ngaai na khueh u atah mami kah Bawipa Jesuh Khrih na mingna dawngah tha avan thlue sak vetih theenna avan thoeng sak ai.