Marku 4:11 - Matu Chin New Testament 2006

¹¹ Jesuh lawng, “Pathen Ram kah awlhuep tah nangmi tengah m'peek poen. Tede adauben ah aka awm thlaangtloe lawngtah thuidoetna awl bueng oen ni thaihu he a yaak u,

Matu Bible

¹¹ Te dongah amih te, “Pathen ram kah olhuep te nangmih m'paek coeng. Tedae poengben kah rhoek ham tah soeprhaep boeih te nuettahnah la a om pah.

Marku 4:11 Iomraidhean Croise

Mathai 11:25

Tevengah Jesuh lawng, “Apa, dilai oen vaan kah Bawipa! Thlaangcuih oen aka thoemthai hue tengah na thuh te aka thoemthai nawh hue tengah na tueng sak dawngah kan uem tangkiik.

Mathai 13:16

“Nangmi tah na yotheen phoeih. Na mik lawng a huh tih na haa lawng a yaak u.

Mathai 16:17

Jesuh lawng, “Johan capa Simon, na yo theen phoeih,” He awltak he thlaanghing teng kalawng na tengla law nawh, tede vaan ah aka awm a Pa kah peek ni.

Marku 3:23

Tedawngah Jesuh lawng ahimi te amah tengah a khue tih thuidoetna awl oen a thui pe: “Metila Seitan lawng Seitan te a hek thai ai?

Marku 4:10

Jesuh te amah bueng a awm vengah a awlthui aka ya thlaang khatsut lawng a hubang thlaihih hue oen a tengla haih law u tih thuidoetna awl te thuicaih pe ham a ceel u.

Marku 4:2

Ahimi te thaihu yahawh hlang cang puei ham thuidoetna te a hawna tih ahimi nala te;

Luka 8:10

Jesuh lawng, “Pathen Ram awlhuep mingna te nangmi m'peek poen, tede thlaangtloe hue lawngtah a bueh u de huh nawh ham, a hutung u de yaakming nawh ham thuidoetna oen ni thui pe ham a awm.” a tina.

1Korin 4:7

Nangmi te thlaangtloe lak ah asangluelh la a-u lawng n'sai? Na khueh soeprep boeih he Pathen peek nawh aw? Na khueh na toen u te ayoe peek kutdo nawh angla metila na oekthloen u thai?

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

Ephesa 1:9

Pathen lawng a cuihna boeih oen a ming athaina oen ah a kamthlahna te a sai tih Khrih rang oen soep sak ham a ngaih ahuep khawkhanna te mami m'ming sak poen.

Kolosa 4:5

Aka oeng nawh thlaang thli tengah cuihna oen tho tat u lang atue theen na khueh boeih te hawna uh.

1Thessalonika 4:12

Te atah aka oeng nawh thlaang thli lawngah n'hinyah u vetih na ngoena boeih ah te thlaangtloe sawah pangtung ham ngoe manawh.

1Timothy 3:7

Ahih tah khrihcabu khuiah aka awm nawh thlaang lawngkhaw a hinyah thlaang seh, te atah a thang the nawh vetih seitan kah dong dawngah te man manawh.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.