Marku 2:12 - Matu Chin New Testament 2006

¹² Ahimi boeih kah mik huh ah te thlaang lawng tho hang, a himbai te a lawh tih aloela cet. Ahimi boeih tah a kawpoek rai u tih, “He ang thaihu he n'hu vai u nawh!” ti u tih Pathen te a thangpawm u.

Matu Bible

¹² Te vaengah thoo tih hlang boeih hmaiah phakdoeng te pahoi a loh tih cet. Te dongah boeih limlum uh tih Pathen te thangpom ham, “He tlam he m'hmuh noek moenih,” a ti uh.

Marku 2:12 Iomraidhean Croise

Mathai 12:23

Jesuh kah a saina dawngah thlaang broe lawng a kawpoek rai u tih, “Ahih he Devid Capa tangtang cawini!” ti u.

Mathai 15:31

Awlmueh lawng cal thai, aka khawn thli lawng theen, khawkheem lawng cet thai, mikpum lawng a mik a tueng koep te thlaangping lawng a huh u vengah a kawpoek rai u tih Israel Pathen te a thangpawm u.

Mathai 9:33

Jesuh lawng raaithe te a hek pe coeng khoeng ah te thlaang lawng cal thai koep tih te kah thlaang boeih tah a kawpoek rai u. “Israel thlaang tim ah he ang he n'hu vai u nawh” ti u.

Mathai 9:8

Thlaangping lawng te tila a sai te a huh vengah a ngai hang u tih te ang saithaina thlaanghing tengah aka pe Pathen te a thangpawm u.

Marku 1:27

Thlaang boeih te a kawpoek rai u tih khat oen khat te, “He he me ang kai? Cangpueina a thaai phun tloe kai aw? He thlaang lawng raaithe te aana oen awl a peek tih ahimi lawng awl a ngaai pe,” ti u.

Marku 2:11

“Tho lah, na himbai te lo langtah im la cet loeih kan tina he!” a tina.

Luka 13:13

Ahih lawng a kut te hutaa sawah a tloeng tih hutaa te amah poek ah yauh doeng pahoei tih Pathen te a thangpawm.

Luka 17:15

Ahimi tim kah pakhat lawngah ka hoeih poen tila a ming vengah, meel koep tih angaihhlangla Pathen te a koeh.

Luka 5:26

Ahimi boeih tah a kawpoek rai u tangkiik! Ahimi lawng rih oen thuen ruila Pathen te a thangpawm u, “Tihin atah kawpoek rai tangkiik thaihu te mami lawng n'huh u poen,” tila a thui u.

Luka 7:16

Ahimi boeih lawng rih ruila Pathen te a thangpawm u. “Aka lenduet tawngha tah mami tim ah thoeng poen, Pathen tah a thlaang thli thlawn hamla law poen!” tila te ahimi lawng a thui u.

Johan 7:31

Tede thlaang rangpui khuikah akuum ngaai lawngah ahih te a tangna tih, “Messiah te a law atah ahih lawngah he kah thlaang lak ah he kawpoekrai miknoek yahawh a sai ai aw?” ti u.

Johan 9:32

Dilai suen cuek veng kalawng mik aka pum te thlaang pakhat khat lawng a hoeih sak ti he a-u lawngkhaw ya nooek nawh.

Caeltueih 4:21

Tedawngah awlcekna khonsil thlaang thli lawng ahih rawi te anauh ngaai la ngaithuenna a peek tih a tuih hih. He tila thaihu aka awm dawngah he thlaang broe lawng Pathen te a thangpawm u tih ahih rawi te dan peek hamla coengg thai nawh.