Marku 16:17 - Matu Chin New Testament 2006

¹⁷ Aka oeng thli tah kawpoek rai saina huham te a peek ai; ahimi lawngah ka miing oen raaithe thli te a hek ai; awl thaai la cal u ai;

Matu Bible

¹⁷ Te dongah miknoek tah aka tangnah rhoek thuep ni. Ka ming neh rhaithae a haek uh ni. Ol thai te a thui uh ni.

Marku 16:17 Iomraidhean Croise

Marku 9:38

Johan lawng, “Saya, Nang kah miing oen raaithe aka hek thlaang pakhat ka huh u tih mami tim kah thlaang nawh dawngah sai tlaih nawh ham ka khang pe u,” a tina.

Luka 10:17

A thlaangtuih sawmsarih pahih hue te awmngaih kawhoe la va meel koep u tih ahimi lawngah, “Bawipa, kaimi lawng nang kah miing oen ah awl ka peek u vengah raaithe thli lawng Pateng khaw awl a ngaai u!” a tina.

Johan 14:12

Awltak kavan thui u, a-u khaw kai he aka tangna lawngtah kai lawng ka sai he a sai van ai, thaihu alentloe Pateng khaw a sai ai, metihtiah kai tah Pa tengla ka ceh ham a awm poen dawngah ni.

Caeltueih 10:46

Metihtiah ahimi lawngah ming nawh awl la cal u tih Pathen kah bawilenna a thangpawm te a yaak u dawngah ni. Piter lawngah:

Caeltueih 16:18

Te tila te khawhin sanhlang ahih tah paang khiing, Pawl te thinsabat la a khueh aih dawngah a hu la maang dak tih raaithe nala te, “Jesuh Khrih miing oen ah ahih kaw khui kalawng co loeih kan tina he!” a tina. Tevengca roe ah ahih kaw khui kalawng raaithe te co pahoei.

Caeltueih 19:6

Pawl lawng ahimi sawah a kut a tloeng atah Ciim Muithla te ahimi sawah va law; ahimi lawngah ming nawh awl la cal u tih Pathen awl te khaw a phawng u.

Caeltueih 2:33

Ahih tah ana Pa Pathen kah bantang ben ah a ngawlh sak poen tih ana Pa kah awlkam angla Muithla te a dang poen. Tahe ah nangmi lawng na huh u tih na yaak he tah kaimi sawah avan toi amah kutdo ni.

Caeltueih 5:16

Tecoengah Jerusalem khaawteng khaawvai kah thlaangping broe lawngah thlaangtlo thli khaw, a kaw khuiah raaithe aka awm thli te khaw avan khuen u; ahimi boeih te biit hoeih u.

Caeltueih 8:7

Raaithe lawng a kuun thlaang thli kah a kaw khui kalawng raaithe thli te vupaang ruila co u tih, aka khawn thlaang thli oen khowkheem thlaang thli broela hoeih u.

1Korin 12:10

Thlaang pakhat teng atah kawpoek rai saithaina huham tharana te Muithla lawng a peek tih atloe teng atah Pathen awlthang thui thaina kutdo te a peek; tecoengah atloe khat teng atah kutdo thli he Muithla ben kah aka law aw, Muithla ben kah aka law nawh aw tite pekbona ham thoemthaina te a peek. Thlaang pakhat teng atah mingnawh awl cal hamla thoemthaina te a peek tih atloe pakhat teng atah mingnawh awl te thuicaih thaina te a peek.

1Korin 12:28

Khrihcabu khuiah he ang thli boeih he Pathen lawng a khueh; lamhacuek ah celtuih he a khueh, pahihna ah tawngha thli a khueh tih a pathumna ah cangpueikung thli te a khueh; tecoengah kawpoek rai aka sai thlaang thli te a khueh tih thlaangtlo hoeih sak thaina aka dang thlaang thli, thlaang aka bawmcemkung thli, thlaang uktemkung thli oen ming nawh awl aka cal thlaang thli lawng a thoei u.

1Korin 12:30

thlaangtlo hoeihsakna khaw, ming nawh awl cal khaw, ming nawh awl te thuicaih thaina khaw khueh rip u nawh.

1Korin 13:1

Kai lawngah thlaanghing kah awlcawm awlcee oen vanthlaang awl pateng ka cal thai cakhaw lungna ka khueh nawh atah ka awl-thui he curumngang la awl aka riing mong oen tlaklak awl angla ni a awm mai.

1Korin 14:2

Ming nawh awl aka cal thlaang pakhat lawngah thlaangtloe tengah awl thui nawh tih Pathen tengah ni a thui, metihtiah ahih awl te a-u lawngkhaw yaakming pe nawh. Ahih lawng Muithla kah huham tharana rang oen awlhuep awltak te ni a thui.