Marku 16:16 - Matu Chin New Testament 2006

¹⁶ A-u lawngkhaw a tangna tih baptisma a huh atah thlawn la awm ai; A-u khaw a tangna nawh atah awlcekna a dang ai.

Matu Bible

¹⁶ Aka tangnah tih aka tuinuem tah daem vetih aka hnalval rhoek tah boe ni.

Marku 16:16 Iomraidhean Croise

Mathai 28:19

Tedawngah dilai dawngkah thlaangphun boeih tengah cet u langtah ahimi te ka hubang la van coeng sak uh; Pa, Capa, Ciim Muithla miing ah baptisma pe uh.

Marku 1:15

“Atue atang tah avan pha khuek poen! Pathen ukna tah yoeii poen! Na thawlhna yut u langtah Awlthang Theen he tangna uh!” tila a thui.

Luka 8:12

Lawngpui ah aka tla caangti tah Pathen awl aka ya thlaang thli te thuingaihna ni; ahimi lawng oengna oen thlawnna te a dangna nawh ham Seitan lawngah law tih ahimi thinkaw khuikah awlthang te a lawh pe.

Johan 20:31

Tede Jesuh tah Messiah, Pathen Capa ni tite nangmi lawng na tangna u tih ahih te na oengna rang oen hingna te na khuehna u ham he ang thli he thut la awm.

Johan 3:36

A-u khaw a Capa te aka tangna boeih tah dungyan hingna a khueh; a-u khaw a Capa awl te aka ngai nawh tah hingna te khueh nawh vetih Pathen thinsana te a sawah poe awm ai.

Johan 3:5

Jesuh lawng, “Awltak tang kavan thui, a-u khaw tui oen muithla oen ah a thang nawh atah Pathen Ram khuiah kuun thai manawh.

Johan 5:24

“Awltak kavan thui u: a-u khaw ka awl a yaak tih kai aka tuihkung te a tangna atah dungyan hingna te a khueh. Ahih te awl cek tlaih manawh, metihtiah duekna kalawng hingna ah kuun poen.

Johan 6:29

Jesuh lawng ahimi nala te, “Pathen lawng nangmi sai sak ham a ngaih te tah amah lawng avan tuih thlaang te tangna ham lawngah ni” a tina.

Johan 6:35

Jesuh lawng ahimi nala te, “Kai tah hingna takawi ni, a-u khaw ka tengah aka law tah meveng khaw a bung pawng manawh; a-u khaw kai he aka tangna tah meveng khaw tui hall manawh.

Johan 6:40

Metihtiah Capa te a huh tih aka tangna boeih lawngtah dungyan hingna te khueh hamla a Pa lawng a ngaih. Tecoengah aboetna khawhin ah ka thawh vetih ka hing sak ai.” a tina.

Johan 8:24

Tedawngah ni nangmi tah na thawlhna dawngah na duek ai kan tina u. Tecoengah, “Kai Tah Ka Awm Tih Ka Awm’ tila aka thui te na tangna u nawh atah namami thawlhna dawngah na duek ai.” a tina.

Caeltueih 10:43

A-u khaw ahih te aka tangna boeih tah a miing huham tharana oen ah a thawlhna te khawdawp a ngaai pe ai tila tawngha boeih lawng ahih kawng te a thui u.” a tina.

Caeltueih 13:46

Tede Pawl oen Barnabas lawng raltheenla a thui tare hih tih: “Nangmi tengah Pathen awl he lamhacuekla thui ham ngoe tangtang. Tede nangmi lawng na hoett u tih namah oen namah te dungyan hingna oen a tingtawkk nawh la na poek u atah kan ceh taak u vetih Gental thlaangphun tengla ka cet hih ai.

Caeltueih 2:38

Piter lawng ahimi nala te, “Nangmi boeih lawngah na thawlhna yut u langtah na thawlhna boeih khawdawp ngaaina hamla Jesuh Khrih miing oen ah baptisma hu u lah; te atah Pathen kah kutdo Ciim Muithla te na dang u ai.

Caeltueih 2:41

Ahih kah awl thui te thlaang broe lawngah a tangna u tih baptisma a huh u, te kah khawhin ah te ahimi bu khuiah thlaang thong thum yunyan lawngah a tawm a thap u.

Caeltueih 22:16

Tahe ah n'tu na ring khiing? Tho langtah baptisma te dang loeih, amah tengah thangthuina rang oen na thawlhna boeih te sil loeih’ tila avan thui.

Rom 3:6

Tetih nawh ni; Pathen he doeng nawh kawinih metila dilai awl a cek thai ai?

Rom 4:24

Jesuh Khrih mami Bawipa duekna kalawng koep aka thawhsakkung te oengna rang oen thlaangdoeng la a pawm mami ham khaw a thut van.

2Thessalonika 1:8

hairawng haialh oen a law vengah, Pathen aka hoett thlaang thli oen mami kah Bawipa Jesuh Khrih kawng Awlthang Theen aka vai nawh thli te dan a tat ai.

2Thessalonika 2:12

Awltak aka tangna nawh tih thawlhna dawngah awmtheen aka boenn thlaang boeih tah awlcekna te a dang ai.

1Peter 1:21

Amah rang oen Pathen te nangmi lawng na oeng u tih, Pathen lawng amah te duekna kalawng a thawh sak tih ruep-awmna te a peek; tedawngah nangmi kah oengna oen ngaiuepna tah Pathen dawngah cak khak.

1Peter 3:21

te tah tahe ah nangmi kah thlawnna baptisma miknoekna te a thuinuetna ni. He baptisma he tah pum dawngkah ciimcaih nawh te silhna nawh tih athe atheen pekbona kawpoek theen oen Pathen tengah awlkam saina ni. Jesuh Khrih thawhkoepna rang oen ah nangmi tah te baptisma oen n'thlawn u.

Olphong 20:15

Hingna cabu dawngah a miing a thut nawh thlaang boeih te tah haituilii khuila a voeih u.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.