Marku 16:15 - Matu Chin New Testament 2006

¹⁵ Jesuh lawng ahimi nala te, “Dilai peng tawm ah cet u lang thlaangphun boeih tengah, awlthang theen he thui pe uh.

Matu Bible

¹⁵ Te phoeiah amih te, “Diklai pum ah cet uh lamtah suentae boeih taengah olthangthen te hoe uh.

Marku 16:15 Iomraidhean Croise

Mathai 28:19

Tedawngah dilai dawngkah thlaangphun boeih tengah cet u langtah ahimi te ka hubang la van coeng sak uh; Pa, Capa, Ciim Muithla miing ah baptisma pe uh.

Marku 13:10

Tede atue boetna a pha thlan ah awlthang theen te thlaang boeih tengah phawng la awm ai.

Johan 15:16

Nangmi lawngah kai he nan tuek nawh; nangmi lawng na cet u vetih yoeyahla aka cak a thaih te na thaihna u hamla kai lawng nangmi he kan tuek tih bii kan peek u. Tedawngah nangmi lawng ka miing oen na bih boeih te a Pa lawng m'peek ai.

Johan 20:21

Jesuh lawng ahimi nala te, “Nangmi tengah ngaimawngna awm seh, a Pa lawng kai n'tuih van angla nangmi he kan tuih u.” tila koep a thui pe.

Caeltueih 1:2

Vaan la a luui thlan vengah a thlaangtuek hubang hue te Ciim Muithla tharana oen a uen a tawn.

Caeltueih 1:8

Tede nangmi sawah Ciim Muithla a law vengah nangmi tah tharana oen na betoet u vetih Jerusalem ah, Judia peng boeih oen ah Samaria peng ah, tecoengah dilai aboetna kheng toela kai kah sausi la na awm u ai.

Rom 10:18

Tede awldoet ka ngaih tah: ahimi lawng awlthang he ya u nawh tangtang aw? A yaak u ta; Metihtiah Caciim lawng, “Ahimi kah paang awl lawng dilai pum ah thaang khok tih ahimi awl tah dilai boetna toe kheng a pha,” tila a thui.

Rom 16:26

Tede, tahe ah te kah awl tah tawngha thli kah cathut rang oen avan pha sak poen; thlaang boeih lawng awltak te a oeng tih a vai thaina ham dungyan Pathen kah awlpeek rang oen thlaangphun boeih tengah a phawng poen.

Ephesa 2:17

Tedawngah Khrih tah va law tih Pathen oen athlathloeila aka awm nangmi Gental hue tengah khaw, thlaang boeih tengah ngaimawngna Awlthang Theen te a thui.

Kolosa 1:23

Tedawngah, nangmi lawng thincak oen ayung na pengnelna dawngah te oengna oen acakla pai uh, awlthang theen na yaak vengkah na khueh u ngaiuepna dawng kalawng namah oen namah te thoeihnawng tlaih boel. He awlthang theen he dilai pum kah thlaang boeih tengah a phawng u tih he awlthang theen hamla Kai, Pawl khaw tuihyoeihthlaang la ka awm.

Kolosa 1:6

Nangmi lawng Pathen kah lungvatna kawng na yaak cuekca kalawng te lungvatna te ataktangla na ming u veng atah nangmi tim ah apuung ataai van angla te awlthang theen tah dilai pum ah puung khonghak tih yotheen kam-awmna te m'peek.

1Johan 4:14

Ana Pa lawngah a Capa te dilai thlawnkung la avan tuih te hukung oen thlaangtloe tengah thuikung tah kaimi ni.

Olphong 14:6

Vaan alaklung ah atloe vanthlaang pakhat aka sawng te ka huh. Ahih lawngah dilai thlaang boeih nam tawm boeih oen thlaangphun boeih, awlcawm awlcee oen ram tawm boeihboeih ah phawng hamla dungyan awlthang theen a phueih tih,