Marku 15:24 - Matu Chin New Testament 2006

²⁴ Tecoengah ahimi lawng Jesuh te thinglam dawng a tai u, ahimi lawngah talcung a suh u tih a himbai te rek ara u.

Matu Bible

²⁴ Jesuh te a tai uh phoeiah a himbai te a phen pa uh tih amamih khat khat loh a khuen ham te hmulung a naan uh.

Marku 15:24 Iomraidhean Croise

Luka 23:34

Jesuh lawng, “A Pa, Ahimi sawah khawdawp ngaai hawn! Ahimi lawng a sai he a ming u nawh dawngah ni.” a tina. Ahimi lawng talcung a yueh u tih ahih kah hi-acuu thli te a rek ara u.

Caeltueih 2:23

Pathen lawngah amah khawkhanna angla Jesuh te nangmi kut ah peek hamla awl a khueng oepsoeh poen; ahih te thinglam dawng na tai u tih thlaangthawlh thli kah kut oen na ngawn u poen.

Caeltueih 5:30

Nangmi lawng ahih te thinglam dawng na tai u tih na ngawn u coengah mami patuer thli kah Pathen lawng Jesuh te duekna kalawng ah a thawh sak poen.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Galati 3:13

Caciim lawng, “Thing dawngah a tai thlaang te tah Pathen kah tapvoepna huiah awm,” tila a thui angla Khrih tah mami hamla tapvoepna kawsi aka yawkk thaang la va coengg tih Phungawl lawng avan thoeng puei tapvoepna dawng kalawng mami he n'tlang poen.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.