Marku 14:21 - Matu Chin New Testament 2006

²¹ Thlaanghing Capa tah duek ai tila Caciim lawng a thui angla duek ai; tede Thlaanghing Capa sawah paipi aka thleepkung ham tah khawmap tangkiik! Te thlaang te cuun ohla awm kawinih ahih ham theen bet sui de ta,” a tina.

Matu Bible

²¹ Hlang capa tah a kawng a daek tangtae bangla a caeh te thuem. Tedae anih hlang pakhat loh hlang capa a voeih te anunae. Tekah hlang te thaang pawt koinih anih ham then ni,” a ti nah.

Marku 14:21 Iomraidhean Croise

Mathai 26:54

Tede te tila awm kawinih, he ang thaihu a awm ham Caciim lawng a thui te metila a soep thai ai?” a tina.

Mathai 26:56

Tede he tila thaihu boeih a awm he tah tawngha hue lawng Caciim dawngah a thut te asoepna ham ni,” a tina u. Tevengah a hubang boeih lawng Jesuh te a ceh taak tih a heeng taak u.

Marku 14:20

Jesuh lawng, “Nangmi thlaihih tim kah pakhat van tih kai oen beel dawngah takawi aka nok haih ni.

Marku 14:22

Ahimi lawng thlembuh a caak u lii vengah te Jesuh lawng takawi a lawh tih awmngaih thangthuina a khueh coengah takawi te a eh tih a hubang hue te a peek. “Lo uh, he tah ka pum ni” a tina.

Marku 14:49

Khawhin roekk ah nangmi tengah ka awm tih Tempal bok-im ah kan cang puei u yoeyah ta, nan tu u nawh. Tede Caciim lawng a thui te tah asoep ham awm” a tina.

Luka 22:22

Pathen kah awltloek angla Thlaanghing Capa tah duek ai, tede ka sawah paipi aka thleep thlaang ham tah khawmap tangkiik mah aw!” a tina.

Luka 24:44

Tecoengah ahimi tengah, “Mosi kah Phungawl khuiah khaw, tawngha thli kah ca thut dawngah khaw, Saam laabu dawngah kai kah kawng alam a thut boeih te asoep ham awm tila nangmi teng ka awm vengah kavan thui u te he kah thaihu thli he ni.” tila a thui pe.

Johan 19:28

Jesuh lawngah, tahe tah thaihu cungkuem soep boeih poen tite a ming tih Caciim lawng a thui te asoepna ham, “Tui ka hall” tila a thui.

Caeltueih 1:25

Tedawngah Judas lawng a ceh taak Celtuih bii te ahih yuengla aka bi ham he kah thlaang pahih khuiah nang lawng na tuek te van tueng sak lah.” tila thangthui u.

Caeltueih 2:23

Pathen lawngah amah khawkhanna angla Jesuh te nangmi kut ah peek hamla awl a khueng oepsoeh poen; ahih te thinglam dawng na tai u tih thlaangthawlh thli kah kut oen na ngawn u poen.

Caeltueih 4:27

Metihtiah Herod oen Pontias Pilat tah he khawpui khuiah Gental thlaang thli oen Israel thlaang thli oen ah nang kah aciim Tuihyoeihthlaang Messiah la na sai Jesuh te oel khak hamla tun u tangtang.