Marku 12:6 - Matu Chin New Testament 2006

⁶ Dum khuehkung lawng a tuih ham tah a lungduet amah capa khat bueng te ni a awm poen. Hukhueng atah, ka capa he tah dum aka vat hue lawng a hinyah ai a ti dawngah a capa te a tuih.

Matu Bible

⁶ Capa thintlo pakhat a khueh pueng tih, “Ka capa te a yahnah uh ni,” a ti dongah a capa te amih taengla a hnukkhueng ah a tueih.

Marku 12:6 Iomraidhean Croise

Mathai 1:23

Hulaa cuem pakhat tah vawn vetih capa a cuun ai, a miing tah Immanu-el a sak u ai” (Immanu-el thuingaihna tah “Pathen mami tengah tengah awm” tina ni.)

Mathai 11:27

“Apa lawng thaihu soeprep boeih m'peek poen. Apa nawh tah a-u lawngkhaw Capa te ming nawh. Capa oen amah te m'ming seh tila Capa lawng a tueng sak thlaang thli teng bueng nawh atah a-u lawngkhaw a Pa te ming u manawh.

Mathai 17:5

Piter lawng awl a thui lii vengah ahimi te aka bawk tangkiik muui lawng a thiing khoep u tih muui khuikah awl lawng, “He tah ka lungvatna ka Capa ni, ahih sawah ka kaw hoe, a awl ngaai pe uh,” tila a thui.

Mathai 26:63

Tede Jesuh lawng n'tu khaw thui nawh. Khawsoeih Bawi lawng pai koep tih, “Aka hing Pathen miing ka phoei tih kan doet: Nang he Pathen Capa Messiah tang aw thui lah?” a tina.

Mathai 3:17

Tecoengah vaan kah awl lawng, “He tah ka lungvatna ka Capa ni, ahih sawah ka kaw hoe tangkiik.” tila a thui.

Marku 1:11

Vaan kalawng aka law awl lawngah, “Nang tah kan thintlawhna ka Capa ni, na sawah ka kaw tluep, tangkiik” a tina.

Marku 12:5

Dum khuehkung lawng atloe sal pakhat te a tuih koep de a ngawn pe u; atloe sal thli te khaw te tila a sai u, khatsut te a bawh u tih atloe hue te a ngawn u.

Marku 12:7

Tede dum vat hue lawng, ‘Ahih he dum khuehkung kah a capa ni. Law uh, ngawn u sih, ahih kah ro thaihu he mami kah koeva la awm ai,” ti u.

Marku 9:7

Tecoengah muui yaal tih ahimi te a thiing khoep. Muui dawng kalawng ah, “He tah ka thintlawhna Ka Capa ni, a awl hutung pe uh!” tila awl kam at va law.

Luka 3:22

Ciim Muithla tah pumtaksa la akhuu angla te ahih sawah va law thuk. Tecoengah vaan kah awl lawng, “Nang tah kan lungna ka Capa ni. Na sawah ka ngaai tluep ti.” tila a thui.

Luka 9:35

Muui dawngkah awl pakhat lawngah, “Ahih he tah Ka Capa ni, Kai lawngah ka tuek te ni, a awl thui te ngaai pe uh!” tila a thui.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 1:18

Pathen he a-u khat lawngkhaw hu u vai nawh. Pathen amah oen van at la haih, ana Pa tengah aka awm a capa khat bueng lawngah he ana Pa te a tueng sak poen.

Johan 1:34

Te tah kamah lawng ka huh tih ahih tah Pathen Capa ni tila nangmi tengah kavan thui u,” tila Johan lawng a thui.

Johan 1:49

Nathanael lawngah, “Saya, Nang tah Pathen Capa ni! Nang tah Israel Sengpahrang ni!” a tina.

Johan 3:35

A Capa te ana Pa lawng a lungna tih soeprep boeih te ahih kut ah kang a peek.

Johan 5:23

Ahimi lawng ana Pa te a hinyahna van angla thlaang boeih lawng a Capa te a hinyahna van ham ni. A-u khaw Capa te a hinyah nawh atah ahih tuihkung ana Pa te hinyah nawh.

Hebrew 1:6

Tede Pathen lawng a Capa camiing awmthang dilai dawng avan tuih vengah, “Pathen kah vanthlaang boeih lawng ahih te a bok u ai” tila a thui.

1Johan 4:9

Pathen lawng a Capa khueh duen khat bueng te mami ham dilai la avan tuihna rang oen a lungna te a tueng sak tih ahih rang oen mami lawng hingna khuehna ham ni.

3Johan 1:1

Ahaamca teng kalawng- Ka lungna Kaia, ataktangla ka lungduet tengah: