Marku 10:39 - Matu Chin New Testament 2006

³⁹ Ahih rawi lawng, “Ka sai thai hih ai,” a tina. Jesuh lawng te rawi boeinau te, “Kai lawng ka awkk ham boengloeng khaw na awkk thai hih vetih ka dang ham koei baptisma te khaw na dang thai hih tangtang ai.

Matu Bible

³⁹ Te vaengah te rhoi loh amah te, “Ka noeng ngawn,” a ti nah rhoi. Tedae Jesuh loh amih rhoi taengah, “Ka ok boengloeng te na ok rhoi vetih ka nuem baptistma te na nuem rhoi ni.

Marku 10:39 Iomraidhean Croise

Mathai 10:25

Tedawngah sengcamoe lawng saya angla, tamnaa lawng a bawi angla a awm atah a kaw a tluep ham awm mai. Imkhuikaw kah a luu koek te Beelzebul tila a khue u atah, a cakaw hue tare tah te lak ah anauh ngaai miingthe oen a khue u ai!” a tina.

Mathai 3:6

Ahimi lawng a thawlhna boeih te a phawng u tih, Jordan tuiva ah ahimi te Johan lawng Baptisma a peek.

Marku 14:31

Piter lawng, “Nang oen ah duek haih koeila awm cakhaw nang he kan ming roe nawh tila ka thui manawh,” a tina. Atloe a hubang hue lawngkhaw te tila te a thui u van.

Marku 14:36

“A Pa, a Pa! Nang ham tah soeprep boeih he coeng thai. Kai tengkah patang khangna boengloeng he lo hawn lah. Tede kai kah kawngaih angla awm boel seh, namah kah kawngaih angla coengg hawn seh”. tila thangthui.

Johan 13:37

Piter lawng, “Bawipa, n'tu ah tahe ah ka law thai nawh ai? Nang hamla tah duek khaw ka maa nawh” a tina.

Johan 15:20

‘Sal he tah a bawipa lak ah lenduet nawh’ kan tina te hilh u boel. Ahimi lawng kai he n'heem atek atah nangmi te khaw n'heem atek van ai; ahimi lawng kai kah cangpueina he a vai u atah nangmi kah cangpueina te khaw a vai u van ai.

Johan 17:14

Nang kah awl te ahimi ham ka thui pe, kai he dilai koeva la ka awm van nawh angla ahimi khaw dilai koeva la awm u nawh tih ahimi he dilai lawng a thina u.

Caeltueih 12:2

Ahih lawngah Johan kah a manau Jeem samsen oen a ngawn sak.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.