Marku 10:30 - Matu Chin New Testament 2006

³⁰ tahe san roeroe ah a yahawh ngaaila a dang ai. Im khaw, maya manau khaw, ngannu khaw, a manu khaw, ca anau oen lo khaw a pueh yakhat la a dang ai, tecoegah heemtekna khaw a dang van ai. tecoengah aka law ham koei san ah dungyan hingna te a dang ai.

Matu Bible

³⁰ Tahae tue kah hnaemtaeknah khuiah pataeng im khaw, manuca khaw, ngannu khaw, manu khaw, ca khaw, lohmuen khaw a pueh yakhat la dang het pawt nim? Aka lo ham tue ah dungyan hingnah khaw om pueng.

Marku 10:30 Iomraidhean Croise

Mathai 12:32

A-u khaw thlaanghing Capa raalna awlthe thui mai cakhaw a sawah khawdawp a ngai ai, tede a-u khaw Ciim Muithla raalna awlthe aka thui tah tahe ah khaw, hailam ben toe meveng khaw a sawah khawdawp ngaai pe tlaih manawh.” a tina.

Mathai 13:8

Tede caangti khatsut tah laitheen dawngah tla tih a vui a thaih thaawn. Khatsut tah apueh yakhat, sawmruk, sawm thum toe la nawl.”

Mathai 6:33

Tedawngah thaihu tloe boeih lak ah Pathen Ram oen Pathen lawng sai sak ham a ngaih te lamhacuekla tlap u lang tecoengah na ngoe thaihu tloe boeih te Pathen lawng avan tawm badai.

Luka 18:30

tahe san ah khaw, a pueh alawila a dang vetih aka law ham koei san ah khaw dungyan hingna te a dang ai.” a tina.

Johan 10:23

Jesuh tah Tempal bok-im kah Solomon Imcoen ah te yingyawi.

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

Caeltueih 16:25

Yiinthuem tang yunyan atah Pawl oen Silas lawng thangthui hih tih Pathen koehna laa a sak hih, atloe thongtla thli lawng ahih rawi kah laa sak awl te a hutung u.

Caeltueih 5:41

Celtuih hue tah awlcekna Khonsil kalawng a ceh u vengah awmngaih u tangkiik, metihtiah ahimi te Jesuh kawngah yarau ming ham tueng roe la Pathen lawng a poek dawngah ni.

Rom 5:3

Raina n'tawng vengah khaw tha n'thlue sak u, metihtiah raina lawngah uehthaina m'peek tila m'ming u tih,

Rom 6:23

Thawlh phu tah duekna ni. Tede Pathen kah ayoe peek kutdo tah mami Bawipa Jesuh Khrih oen pumkhatla awmna dawngah dungyan hingna te ni.

2Korin 6:10

Kaw avan the sak u de ka awmngaih u yoeyah; kaimi khawdeng thlaang angla ka awm u de, thlaang yahawh te ka bawi sak u, thaihu khat khaw khueh nawh angla ka awm u de, atak tang atah kaimi lawng soeprep ka khueh ka toen u.

Philipi 3:8

Te thaihu thli bueng nawh tih; ka Bawipa Khrih Jesuh kah cuihhoena aphu aka awm ngaai rang oen soeprep cungkuem te sungna ni tila ka poek boeih poen. Amah rang oen ah soeprep boeih te ka hoett kang poen; te ang thli boeih te tah kaw-hnot vaiking la ni ka poek mai poen, Khrih ah ka thawnna ham oen ah,

2Thessalonika 2:16

Mami he n'lungna tih aboet nawh thincakna oen acak ngaiuepna te a lungvatna oen pekung mami kah Bawipa Jesuh Khrih amah oen mami kah Pa Pathen lawngah,

1Timothy 4:8

Pumsa oen cangna he aphu tah awm thoem van, tede muithla ben cangna lawngtah soeprep ah aphu awm, metihtiah, tahe veng hingna ham khaw, hailam ben hingna ham khaw pahih bok hamla awl a kam.

1Timothy 6:6

Thlaang lawngah amah kah a khueh duen oen ah ngaikhuekna te a awm atah bokna lawngah thlaang he kuirang thlaanglen la a coengg sak tangtang.

James 1:12

Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

James 5:11

Ahimi lawngah patang a khang u thai dawngah yotheenna aka dang thlaang ni ka ti u. Jobah kah kawdaw thinsanna te na yaak u poen tih aboet ben ah Pathen lawng ahih a peek te khaw na ming u. Metihtiah Bawipa tah reenna oen thlaang kah hailam ben poekna oen ah betoet.

1Johan 2:25

He tah Khrih amah roe lawng mami peek ham awl a kam dungyan hingna he ni.

1Johan 3:1

Pathen lawng ningmi n'lungna tangkiik he poek u lah! A lungna tah bo tangkiik tih mami he Pathen amah kah Ca-anau ti poen, te tila te awm tangtang. He kawng ah ni dilai lawng mami he m'ming u nawh: Pathen khaw ming u nawh.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!

Olphong 3:18

Tedawngah bawilen kuirang taktang la na awmna ham kai teng kah sui tuiciil te lai hamla poekna theen kan peek. Atliing ayaal yaraula na awm te khukdahna ham oen ah na buen ham khaw, na mik a tuengna ham miksii te khaw lai baal.