Marku 10:21 - Matu Chin New Testament 2006

²¹ Jesuh lawng ahih te a lungna tih a bueh rangpatang, “Thaihu khat bueng ni na voet. Cet langtah na khuehtoen boeih te yooei lang tangka te khawdeng harah thli van peh, te atah vaan ram ah ro thaihu na khueh ai, tecoengah law langtah ka hu ah va baang,” a tina.

Matu Bible

²¹ Tedae Jesuh loh anih te a sawt vaengah a lungnah tih, “Nang pakhat na phavawt pueng, cet lamtah, na khueh boeih te yoi lamtah khodaeng rhoek pae. Te daengah ni vaan ah khohrhang na dang eh. Te phoeiah halo lamtah kai m'vai,” a ti nah.

Marku 10:21 Iomraidhean Croise

Mathai 16:24

Tecoengah Jesuh lawng a hubang hue te, “A-u khaw ka hu ah law ham a ngaih atah amah kawngaih te hoett selang amah kah thinglam kawh ruila ka hu ah bang seh.

Mathai 19:21

Jesuh lawng, “Thlaang soep la awm ham na ngaih atah cet lang na koeva thli te yooei boeih langtah tangka te khawdeng harah thli van peh. Te atah vaan ah kaawn theen na khueh badai, tecoengah law lang ka hu ah va bang,” a tina.

Marku 10:22

Te thlaang lawng he awl he a yaak vengah a mik-haai muelh a khueh tih kawthe ruila te cet. Metihtiah ahih tah a kuirang tangkiik dawngah ni.

Marku 8:34

Tecoengah Jesuh lawngah thlaangping oen a hubang hue te amah tengla a khue tih ahimi nala te, “A-u khaw ka hu ah bang hamla aka ngaih tah amah kaw ngaih te hoett selang amah kah thinglam te kawt selang tah ka hu ah bang seh.

Luka 10:42

tede angoe tangtang tah pakhat bueng ni. Meri lawngtah asoeng thaihu te a tuek poen tih ahih tengkah te a-u lawngkhaw rot pe tlaih manawh.” a tina.

Luka 12:33

Nangmi lawng na khueh na toen te yooei u langtah tangka te khawdeng thlaang thli pe uh. Aka pawn thai nawh tangkabawm te namami ham khueh u langtah vaan ah namami ham kaawn te tung asep uh, te huen atah thlaanghuuen lawngkhaw huuen thai nawh tih kuum-akett lawngkhaw a caak thai nawh dawngah metuek khaw boeih manawh.

Luka 16:9

Tecoengah Jesuh lawng, “Tedawngah kavan thui u: dilai bawilenna koeva oen paya laikoei sai uh, bawilenna koeva aboeih coeng dengah ni dungyan im ah nangmi te n'khueh ai.

Luka 18:22

Jesuh lawng he awl he a yaak vengah ahih nala te, “Nang lawng na sai ham pakhat a ngoe toengtoeng hun. Na khueh boeih te yooei langtah tangka te khawdeng thli te peh, te atah nang lawng vaan ram ah koeva thaihu na dang ai; tecoengah law langtah ka hu ah bang lah.” a tina.

Luka 19:41

Jerusalem khawpui te a pha tawm tih, Jerusalem te a huh atah rap.

Luka 9:23

Tecoengah ahimi boeih tengah te, “A-u khaw ka hu ah baang ham a ngaih atah, amah kawngaih te hoett seh, amah kah thinglam te hin roekk ah kawt selang tah ka hu ah bang seh.

Johan 12:26

A-u khaw kai kah bii he bi hamla a ngaih atah ka hu ah bang seh, te dengah ni kai kah tuihyoeihthlaang thli lawngah ka awmna ah a awm u van ai. Kai kah bii aka bi te tah a Pa lawng a thangpawm ai.” a tina.

Johan 16:33

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Caeltueih 2:45

Ahimi lawng amami kah thaihu khuehtoen thli te a yoeih u tih a voetna aka awm thlaang thli te a ngoena angla tangka te arek ara u.

2Korin 12:15

Nangmi bawmna ham tah ka khuehtoen boeih oen ka pum he khaw awmngaihla hawna ham ka ngaih. Nangmi te kan lungduetna dawngah kai nan lungna u te phoen ai aw?

2Timothy 3:12

A-u khaw Khrih Jesuh oen pumkhatla awmna rang oen Pathen kawngaih la hing ham aka ngaih tah heemtekna patang te a khang ai;

Hebrew 10:34

Nangmi lawng thongtla thli te patang na khang puei tih na khueh thaihu boeih te avan rot u vengah na sung na deuh te awmngaih oen na ueh u. Metihtiah te ang thli lak ah atheen ngaai dungyan thaihu awm tila na ming u dawngah ni.

James 2:10

A-u lawngkhaw phungawl pakhat te a phe atah apum boeih la phungawl te a phe poen ni.

Olphong 2:14

Tede na sawah ka kaw a lawna nawh thaihu ayawlca awm: te tah nangmi tim ah Balaam kah cangpueina aka vai thlaang khatsut awm; Israel thlaangphun te thawlhna khuila mawt ham kutsai-muei thawthuengna caak awkk te caak ham hutaa tawngpa thawlhna oen ah thawlh hamla Balaam lawngah Balak te a cang puei.

Olphong 2:20

Tede na sawah ka kaw a lawna nawh tah he ni: amah oen amah Pathen kah celtuih la ka awm aka ti hutaa Jezebel te nang lawng na thlahphaam sut te ni. Ahih lawng a cangpueina rang oen ka thlaang thli te hutaa tawngpa thawlhna oen kutsaimuei thli thawthuengna caak awkk te caak hamla a mawt thawlh.

Olphong 2:4

Tede ka kaw a lawna nawh pakhat awm: nang lawngah acuekca kah nan lungna angla tahe ah nan lungna tlaih nawh poen.