Marku 10:17 - Matu Chin New Testament 2006

¹⁷ Jesuh tah khawlawng la yin ceh ham a ceh khoeng vengah te thlaang pakhat a tengla law tih a haiah khuklu oen cuengkueng ruila, “Aka theen saya, dungyan hingna ka dangna ham n'tu ka sai ai,” tila a doet.

Matu Bible

¹⁷ Te phoeiah Jesuh te longpueng ah a caeh li vaengah hlang pakhat loh pak ha cu tih a cungkueng pah. Te phoeiah, “Saya then dungyan hingnah ka pang ham balae ka saii eh?," tila a dawt.

Marku 10:17 Iomraidhean Croise

Mathai 17:14

Ahimi lawng thlaangping tengla a mel koep u vengah, Jesuh tengla thlaang pakhat law tih a haiah khuklu oen cuengkueng tih,

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Mathai 28:8

Hutaa rawi lawng a rih hih de awmngaihna oen phuel kalawng ah aloela cet tih a hubang hue tengah thui pe ham heeng.

Marku 1:40

Haibe aka tlo thlaang pakhat Jesuh tengla law tih khuklu oen cuengkueng ruila, “Na kawngaih atah nan hoeih sak thai,” tila reenna a bih.

Marku 10:18

Jesuh lawng ahih te, “N'tu dawngah kai he saya theen nan tina? Pathen bueng nawh tah aka theen a-u khaw awm nawh.

Marku 12:14

A tengla te law u tih, “Saya, nang tah awltak na thui yoeyah, thlaang kah poekna khaw n'tu la na ngaai nawh. Nang lawngtah thlaang mik-hai khaw na dan nawh tih Pathen kawngaih awltak te thlaang na cang puei tite ka ming u. Rom Sengpahrang Sangluel tengah mangmu peek he mami kah Phungawl oen kalh u kai aw? Ahimi he mangmu peek ham tueng aw, peek tueng nawh aw? van thui lah,” a tina u.

Marku 9:25

Jesuh lawng thlaangping amah tengla voeh ava yoeii phai te a huh vengah raaithe nala, “Awlmueh oen haapang raaithe nang awl kan peek, Camaw kaw khui kalawng co langtah mevengah khaw kuun koep tlaih boel!” a tina.

Luka 10:25

Phungawl cangpueikung pakhat law tih Jesuh kah a thawlhna tuuk pe ham a yawm. Ahih lawngah, “Saya, dungyan hingna ka dangna ham n'tu ka sai ai?” tila a doet.

Johan 3:2

Yiin at atah ahih te Jesuh tengla cet tih, “Rabbi, nang tah Pathen kah thlaangtuih cangpueikung pakhat ni tila ka ming u. Pathen kah awmpueina nawh atah kawpoek rai na sai he a-u khat lawngkhaw sai thai manawh.” a tina.

Johan 5:39

Nangmi lawng Caciim khuiah dungyan hingna ka huh ai tila na poek u tih Caciim na thoel na laang u. Caciim lawngah he kai kah kawng alam ni a thui.

Johan 6:40

Metihtiah Capa te a huh tih aka tangna boeih lawngtah dungyan hingna te khueh hamla a Pa lawng a ngaih. Tecoengah aboetna khawhin ah ka thawh vetih ka hing sak ai.” a tina.

Caeltueih 16:30

Tecoengah ahih rawi te adaubenla a ceh puei tih, “Ka bawipa rawi, thlawnna ka dangna ham n'tu ka sai ai?” tila a doet.

Caeltueih 2:37

He awl he thlaang thli lawng a yaak u vengah lakueng u tangkiik tih Piter oen atloe celtuih hue nala te, “‘Maya manau thli, kaimi lawng n'tu ka sai u ai?’ tila a doet u.

Caeltueih 20:32

Tahe tah nangmi he Pathen kah doencangna oen amah kah lungvatna awlthang khuiah kan peek u poen, te lawngah nangmi te n'roeng sak vetih amah kah thlaang boeih hamla a toen oepsoeh yotheen kam-awmna te m'peek ai.

Caeltueih 9:6

Tede tho langtah khawpui khuila te cet lah, te ah te na sai ham koei te avan thui ai.” a tina.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

Rom 6:23

Thawlh phu tah duekna ni. Tede Pathen kah ayoe peek kutdo tah mami Bawipa Jesuh Khrih oen pumkhatla awmna dawngah dungyan hingna te ni.

Ephesa 1:18

Nangmi te me ang ngaiuep sak ham n'khue tih a thlaang thli hamla a kam pe kawpoek rai yotheen kam-awmna te metihtlukla a yahawh tih,

Titus 3:7

a lungvatna rang oen Pathen oen mami roeproei ham oen ah mami kah ngaiuep dungyan hingna te khueh thaina ham ni.

Hebrew 1:14

Tetih atah, vanthlaang thli he a-u te ang kai? Ahimi tah Pathen kah bii aka bi muithla la awm tih thlawnna aka dang ham koei thli te bawm hamla Pathen kah a tuih thlaang thli ni.

1Peter 1:4

Pathen lawng a thlaang thli hamla a khueh pe yotheen kam-awmna yahawh hlang te pang van hamla n'ngaiuep u. Te yotheen kam-awmna te tah amah lawng nangmi ham vaan ram ah avan kuem tih te huen atah honn thai nawh, rong-athaang thai nawh tih muingen thai nawh.

1Johan 2:25

He tah Khrih amah roe lawng mami peek ham awl a kam dungyan hingna he ni.