Luka 9:26 - Matu Chin New Testament 2006

²⁶ Kai he khaw seh, kan cang puei he khaw seh a-u lawngkhaw a yah puei atah Thlaanghing Capa lawng a ruep-awmna oen, ana Pa oen aciim vanthlaang thli kah ruep-awmna oen a law vengah ahih te khaw a yah puei van ai.

Matu Bible

²⁶ Kai neh ka ol he aka yah puei te tah capa kah, pa kah, a cim puencawn rhoek kah thangpomnah neh ha pawk vaengah hlang capa loh anih te a yah puei ni.

Luka 9:26 Iomraidhean Croise

Mathai 16:27

Thlaanghing Capa tah ana Pa kah ruep-awmna oen amah kah vanthlaang thli oen ah va rum thuk vetih thlaang boeih te bii a bina taring ah kutdo a peek ai.

Mathai 25:31

Jesuh lawng “Thlaanghing Capa tah Sengpahrang angla vanthlaang thli boeih oen law vetih a bawi ngawlhcoen dawngah ngawl ai.

Mathai 26:64

Jesuh lawng, “Na thui angla soeng! Tede nangmi boeih tengah kavan thui u; tahe kalawng Thlaanghing Capa tah Thara koek bantang ben ah ngawl vetih vaan kah muui dawngah a rum thuk te na huh u ai,” a tina.

Marku 8:38

Thlaang pakhat lawng tihin hang kah Pathen n'tu la aka sak nawh san the vengah he kai kah cangpueina oen kai aka yahna tah, Thlaanghing Capa lawngkhaw ana Pa kah ruep-awmna oen aciim vanthlaang thli oen a law thuk vengah a yah puei van ai.

Johan 12:43

Ahimi lawng Pathen kah koehna lak ah thlaanghing kah koehna te a ngaih ngai u dawngah ni.

Johan 5:44

Nangmi lawngtah khat oen khat tengkah koehna awl te na ngaih u, tede Pathen pakhat bueng tengkah koehna dang ham tah na yawm u nawh; tetih atah metila kai he nan tangna u pai ai?

Caeltueih 10:22

Ahimi lawng, “Raalbawi Kornilias lawng n'tuih u. Ahih tah Pathen aka bok thlaang theen pakhat la awm tih Judah thlaang boeih lawngah a hinyah tangkiik u. Nang lawng na thui thli te ahih lawng a yaakna hamla Pathen kah vanthlaang pakhat lawng nang te amah im ah ceh puei ham a thui pe.” a tina u.

Rom 1:16

Awlthang Theen tah ka uepna rapsaat; aka tangna thlaang boeih thlawnna hamla Pathen kah tharana ni. Lamhacuekla Judah thlaangphun ham tih tecoengah Gental thlaangphun hamla khaw awm.

2Korin 12:10

Khrih rang oen atah ka tha a yokna dawngah, thekhana dawngah, raina dawngah, heemtekna oen patang khangna dawngah ka awmngaih poen. Metihtiah ka tha a awm nawh vengah ni ka tha a ra.

Galati 6:14

Tede, kai tah mami Bawipa Jesuh Khrih kah thinglam bueng ni ka oekthloenna ai; metihtiah kai ham tah Khrih thinglam rang oen ah dilai he duek poen; kai khaw dilai ham tah ka duek poen.

1Timothy 5:21

Na saina boeih dawngah a-u tengah khaw pekbona oen mik-hai dan muehla na sai ham, thuituenna he nang lawng na vai hamla Pathen oen Khrih Jesuh oen ah aciim vanthlaang haiah ceetceet kan uen.

2Timothy 1:12

te dawngah ni kai lawngah he ang khawdeng patang he ka khang. Tede kai tah ka ngaai mawng, metihtiah kai lawngah a-u ka uepna tite ka ming tih ka kut dawngah avan tloeng thaihu te tah te Khawhin toe ah amah lawngah anepla avan kuem ai tite ka tangna.

2Timothy 2:12

Mami lawng ueh thai mangkhak atah mami khaw amah oen haih ukkung la n'awm ai. Amah te n'hoett atah mami he n'hoett van ai.

Hebrew 11:26

Messiah ham khawdeng patang khang he tah Iyipt ram kah kaawn-ava, khawh-rang boeih lak ah aphu awm ngaai tila a poek. Metihtiah ahih lawngah hailam ben kah kutdo te a mikloeh na.

Hebrew 13:13

Tedawngah rehbukk adauben ah amah tengla te cet u silang ahih kah yarau a phueih te phuei u van sih.

Jude 1:14

Adam kalawng a pasarihna cadil Enok lawngah ahimi kawng te yan veng ka lawng he tila a thui oepsoeh poen:

Olphong 1:7

Bueh lah! ahih tah muui dawng kalawng va rum thuk! thlaang boeih lawng a huh ai, amah te cai oen aka thun hue lawngkhaw a huh u ai, Dilai sawkah thlaang boeih lawng rungrap u ai. Te tila awm roe hawn seh.

Olphong 20:11

Tecoengah bawingawlhcoen abawk bohlang oen te kah bawi-ngawlhcoen dawngah aka ngawl thlaang te ka huh. Dilai oen vaan tah ahih teng kalawng aloela thoeih nawng tih khum boeih poen.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.

Olphong 3:5

Taakung la aka awm hue lawngtah he ang himbai bawk a bai u vetih ka thlaang ni ka tina ai.